ومن مظاهر منهجية وعلمية وعملية تسجيلاتنا لهذا العام
* اننا بدري بدري انتهينا
* لاخايفين سيستم يقفل
* ولا شبكة تطش
* ولا سيستم ابي يفتح
* اما اخوتنا الاهله الشرفاء
* بالذات الكسكتاب
* فلأن العشوائيه هي ديدن العمل في تصريف امور ناديهم
* فانهم الآن يهرعون تجاه اي عطالة من ابو تلاتة بي الف من اجل الكسب الاعلامي وكخط دفاع ضد النقد
*واصبروا لتروا الرموم والطرور البجي مطفح علي الموج الازرق
* المهم
* سمعتوا بي قمر العشاق !!!
* الظهر امس ده وقالوا بظهر كلو تلاتة وتلتين سنة مره
* امس ظهر في اندونيسيا وبعدها في دبي ورا برج خليفه
* الساعه سته ونص المغرب كان عندنا في الساحة الخضراء
* بعد داك مشي حلفا واصوان
* زي الساعه عشرة كان في بنغازي
* لف الدنيا دي كلها واخيرا مشي بومباي
* الهند يا عمك
* قول لي الذكرك القمر ده شنو ????
* برازيلي الهلال الجديد سيموس
* ظهر في البرازيل وبعدها شافوهوا في بلجيكا ثم ظهر في الصين
* بعد داك مشي السعودية ومنها الي قطر ثم ختم المشوار بالهند
* اسي ده يافطومة يا اختي ماياهو زاتو قمر العشاق !!!
*و الاخوة الاهله عشاق كبار
* قصة عشقهم فاتت قيس وروميو والمحلق
* اسي الزول البقول كلام ماياهو موش بقولوا ليهو يا زول انت عاشق ولاشنو??
* الاهله الشرفاء طول عمرهم عشاق
* البطولة المحببه هي معشوقتهم
* الاميرة السمراء
* تمنية وتمنين سنة يعشقوا فيها
* وهي ماشغاله بيهم
* قالت ليهم دايرة اقرأ
* تهي تهي تهي
* وتاني حاتقرأ تمنية وتمنين سنة
* العلم ما بكمل
* المهم العشاق حبوا قمر العشاق
* عشان كده جايبين لاعب زي قمر العشاق
* كلو خمسة دقائق في بلد
* وفطومة اختي قالت اصبروا
* وصبر الاهله فظهر قمر العشاق
* والعمر كم ???
* سبعه وتلتين سنة
* ده مهاجم ولاعريس ابو سبعة وتلتين سنة ده يافطومة !!
* غايتو الزول ده احتمال كبير السيستم يرفضو
* يقول ليكم كبير
* عاد السيستم كان شاف الدول ده و قال ليكم داير اقرأ تبقي مشكلة
* بمناسبة السيستم
* لو الشبكة طشت عمك محترفكم ده تبقوا شايلنوا يا روشا زي كرت الصراف الآلي لما الشبكة تطش
* لامنو فايدة ولا بحل المشكلة
* اعملوهوا قرقريبه عوسوا بيهو يافطومه
* الشبكة بتطش والسيستم بقفل والكرت غير في العجين مابشتغل
* ايها الناس
* جيمي قال في مفاجأه
* وجيمي لما يقول بجي يبقي بجي
* مازي جية قودوين لمن الحميل بقي رباع قودوين ماجا
* سبعه وتلتين سنه و يقولوا ليك عاشور كبير
* الكبير قوي يا باااي ?
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* الغربة هي لما يحس الزول انو غريب في وطنو ووطنو غريب يا والينا
* دي اكتر حاجة بتعذب فينا
سلك كهربا
ننساك كيف والكلب قال لو بغم في الغربة بفنشوك ولو قلت بغم في وطنك لما تبقي غريب فيهو بفتشوك
والي لقاء
سلك