• ×
الأحد 1 أغسطس 2021 | 08-01-2021
بابكر سلك

فانعم بطول سلامة يا صفرهم

بابكر سلك

 9  0  2369
بابكر سلك
* كان ترضوا كان تابوا احلامكم جزء من ماضينا
* ولكن ما خطه يراع فطومه اختي عن خنفشارية كردنه يجعلني اجزم ان الهلال بمثل هكذا افكار لو استمر عليها سيحقق حلمه الذي هو جزء من ماضينا بعد تمنية وتمنين سنه اخري
* ولعل فطومه اختي قد برأت نفسها من جرم شطب مساوي والتخطيط له مسبقا
* وكثير من الاهله يحتاجون لمثل هكذا تصرفات ليبعدوا عن انفسهم وزر شطب مساوي بهكذا طريقة
* اخيرا عرف الاهله ان بوبار كردنه لن يقودهم لتحقيق احلامهم التي هي جزء من ماضينا
* وايقنوا ان ضربة بكري المدينة هي التي افتقدت كردنه لكثير من رشده وجعلته يتخبط ويتحدي وينشئ الحلقات لينقز خارجها بشتاره تخجل الاهله الشرفاء
* وان اجانب العشرين الف دولار علي حد تعبير الرائع محمد الامين نور الدائم لن توصل الهلال لمنصات صعد اليها المريخ في 89
* غايتو لو كلام وزير الماليه (المستفز ) اتحقق ورجعونا لي 89 فاننا ما حا نمشي المقابر زي ما قال السيد وزير الماليه ( الغلبو يحلها كحلها وقد عينها ) ولكن اذا رجعونا لي 89 حانمشي المطار
* شوف الحايمشي المقابر يا سعادتك
* العودة لي 89 تعني للمريخاب فرحة كبري لانها عودة لمنصات التتويج
* وتعني للاهله غضبة كبري لان المريخ علي منصات التتويج لذا بمشوا المقابر
* بموتوا كمد
* ولعل الاخ وزير الماليه قد قصد الاهله بقوله لو رجعناكم لي 89 بتمشوا المقابر
* لكن ما وريتنا يا سعادتك
* لو رجعنا لي 89 انتوا بتمشوا وين ???
* وهل بتقدروا بعد هيلمانات المخصصات والسارينات والعمارات تعودوا لي 89 ???
* غايتوا في العودة لي 89 فرحة لابناء الشعب من المريخاب وغضبة لابناء الشعب من الهلالاب والسلطاب
* المهم
* زعم كردنه ان سيضم ساماتا واسالي لكشفهم فانعم بطول سلامة يا صفرهم
* ايها الناس
* محترفين ابو تلاته بي الف ديل مابنفعوا وبنشطبوا قبل التكميلية بشهرين
* المهم
* حملت الانباء فشل بعض من تستجلبناهم في المرور عبر بوابة الكشف الطبي
* ولان تسجيلاتنا لاتعرف البوبار استغني النادي عن التعاقد مع من فشل
* وتلك احدي حسنات الممارسة في تسجيلات هذا العام
* التحية للبروف علاء رئيس اللجنة الطبية ولاركان حربه
* ولو زول لما يكون دقيق في عملو وامين ومخلص قطع شك بستفيد المريخ
* اللهم جنبنا البستفيدوا من المريخ وكتاب لينا في البفيدوا المريخ
* ايها الناس
* شكرا للقروبات وهي تواصل نفراتها الداعمه في كل الظروف
* والنفرة اول امس تحقق ما يفوق المائة مليون وبي حفلتها كمان
* ولتمضي مسيرة القروبات الشهريه الداعمه تأكيدا للانتماء وتجديدا للولاء
* وعشت يا مريخ موفور القيم
* ايها الناس
* بشة يقف علي خط التماس في انتظار الاذن بالدخول لارضية الملعب بالتي شيرت الاحمر
* فخط تماس فطومه اقوي من خط تماس يراع فطومه
* ايها الناس
* المريخابي الكبير الماحي علي البشري من قرية السعداب يهنئ اهل تريعة البجا بالتأهل للممتاز
* ويعدهم بتكريم السعداب للتريعه في احتفالية قدر المقام
* ونحن بدورنا نهنئ التريعه ونعشق الجبل ونرتاح عنده كثيرا
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* المرتب مواصلات ما بكفينا
* اديكم فكرة يا والينا
* امسكوا مرتبكم عليكم ونقعد في البيت احسن لينا
* ولما تجي مواعيد الترقيه ماتنسانا يا والينا
* رقينا وارقينا يمكن يمرق الشيطان الفينا
سلك كهربا
ننساك كيف والكلب قال لما يكون المواطن اهم مصادر ايرادات البلد يبقي عادي ممكن يمشي المقابر2017 بدون ما زول يكابر
والي لقاء
سلك
امسح للحصول على الرابط
بواسطة : بابكر سلك
 9  0
التعليقات ( 9 )
الترتيب بـ
الأحدث
الأقدم
الملائم
  • #1
    احمد عبدالله داوودمحمد 11-14-2016 04:0
    الكاس بتاع بيضه الديك صدفه وكان ماصدفه تاني جيبو
  • #2
    أبو لبد 11-14-2016 06:0
    فطومة وكردنه هارين فشفاشك يا أحمد بدير ، أسألك بالله هسع فطومة دي لمن تلبس أزرق في أزرق ومعاهم الكسكته مش ملكة ؟؟ أما كردنه دا كلامه براهو ينثر في الدولارات شمال ويمين وإنتو حق صحن الفول والدكوة في تلتله. عادنها كلها شحده من الحكومة وديوان الزكاة ، تقول عندكم غسيل كلى.
  • #3
    bushar 11-13-2016 10:0
    يا أخي إحترم صلعتك وأكتبح شيئ مفيد المريخ أحلامه جزء من ماضي الهلال في بطولة أبطال أفريقيا حتي ماضيك البطولة الوصيفه أنتو تموتوا في الوصافة كتر خير يكري المدينة الوصلكم المجموعات في بطولة الأبطال كما حقق لكم هيثم طمبل وكلاتشي بعد أن تبرع لكم الهلال بهم بطولة الممتاز التي هي حكر للهلال خليك مع فطومة هي اصلاٌ شبهك
  • #4
    Hassan 11-13-2016 06:0
    يا أستاذ سلك

    إنتوا ما تمّوا المقولة
    يا بتاعبن التاريخ والجغرافيا
  • #5
    أبوزبيدة 11-13-2016 06:0
    كلامك أشتر يا شيخنا .
    قول حاجة نتكي عليها ... إنت ومزموة ...
  • #6
    أبوزبيدة 11-13-2016 06:0
    كلامك أشتر يا شيخنا .
    قول حاجة نتكي عليها ... إنت ومزموة ...
  • #7
    Hajjam 11-13-2016 04:0
    ياعم تنقو اولا عليكم بالاجتهاد للوصول لما وصل اليه سيد البلد في دوري الأبطال وبعد داك تعال طول لسانك الطويل. ان ما ضيكم هو الصعود اليتيم لدوري الكبار والظاهر عليك نسيت روائح المطار. بالمناسبة صورتك الجديدة دي زي البعاتي.
  • #9
    عمر 11-13-2016 04:0
    شنو شابكنا هكذا افكار , هكذا تصرفات وهكذا طريقة ؟؟؟
    خلاص يعني الولد بقيت زلمة وعايز تقلد المذيعين الشوام حتي في اخطاءهم ؟؟ ياريت لو اتأثرت بالثقافة التي يمتلكونها ولكن هذه مشكلتنا اكسودانيين نأخذ الجوانب السلبية ونتأثر بها .
    الصحيح ان تقول : افكار او تصرفات او طريقة كهذه .
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019