افلح ونجح وانجز مجلس المريخ في ملف التسجيلات
* ضم لاعبين ما فيهم كلام
* حسب الخانه
* بدون بوبار
* بدون يا آدم بوبر
* ولكن حقو المجلس يكمل جميلو
* حرام فريق مكتمل زي ده يروح شمار في هاي
* هاي سمعنا بيهو مدرب منتخبات
* لا نحكم بانه جيد او ردئ
* ولكن جنا نعرفوا اخير لينا من جنا مابنعرفوا
* وجننا المعروف هو غرزه
* يتكلم كتير
* يطنطن
* يحرد العشا
* المهم شاطر وبصمتو واضحه ومدرب كبير
* والدليل رفضه للزناطير
* رمي بالكسكته وقال ليهو بتلعب انت ?
* داير كأس افريقيا وتسجل اب سته ???
* رفض غرزه للزناطير دليل يؤكد ان الرجل لايسعي خلف المال بدون آمال
* وحقو يا والي الجمال تجدد الاتفاق و العهد مع الثعلب الفرنسي
* الخامه الحاليه افضل من تلك التي صنع منها تيما ادهش افريقيا كلها
* وعودة غرزه تعني عودة الروح للمدرجات
* اعملها يا والي و اعتبرها تكريم للشفوت
* ومنها منافع اخر
* ليدرك الناس اين المال
* عشان يغيروا نغمة فلس دي ويعرفوا اننا لو درنا الكسكته لنزعنا تلك الاصليه من رأس رئيس مازيمبي اللابعرف الله ولا الرسول داك
* موش التقليد دي
* ايها الوالي
* لو استفتيت جماهير المريخ حول عودة غرزه لنصحوك باعادته
* ولو سألت غرزه عن عشقه الاكبر لن يقول لك المال بقدر ما يؤكد عشقه لشفوت المدرجات
* جيبوا يا والي جيبو لي
* جيبو حي
* المهم
* اوكراكم جزء من ماضينا
* ولو كنا نتعامل بالعاطفة والفوضي لما تركناه
* اعدكم
* شهر سته اوكرا في غانا
* واب سته (لو ربنا طول في العمر ) حايعار لهلال الجبال
* اما ابراهومه فاتمني ان يجد الفرصة في المشاركة
* المهم
* اعتقد ترمب انه يستطيع اقناع اي زول
* ففشل في اول محطة
* وكعادة الاهله لما يفشلوا في اللحاق بي زول بعاينو للمشلعيب و يقولوا عففففن
* بره
* تصنقعي لما رقبتك تنكسر اللبن الفرنسي ده مابتقدري عليهو
* ده شعرا ما عندكم ليهو رقبة
* جيبو يا والي واضرب مية عصفور بي دولار
* قالوا فلس
* وعمك المصور جوه الدولار بشبه ناس فداسي
* يفلس كيف
* و توقيع محافظ البنك علي الدولار زي الكاتب فداسي بالانجليزي تقول لي فلس
* المال المركز ما كسكته بشيلها الهوا
* ايها الناس
* التمديد لجمال سالم مسك ختام هذه التسجيلات
* ولو حصل يا جيمي
* واعدت غرزه
* صدقني المريخاب يهتفوا
* الوالي الوالي رئيس طوالي
* والهلالاب يهتفوا كردنه كردنه رئيس طوالي
* اصلهم بحبوا التقليد واحلامهم جزء من ماضينا
* والعقلاء منهم والمنقولاب سيهتفوا
* حيرتونا يافطومه غشيتونا يافطومه
* احلامنا جزء من ماضيهم
* المهم
* اتمني اكمال تسجيل عاشور
* عاشور بشوت من بره الخط
* ومكسيم اتفاقو البره الخط بره العقد
* وللللللللللب
* ايها الناس
* اعد المجلس عتاد الموسم الجديد
* فهل اعد الشفوت عتاد المدرجات للموسم الجديد
* هل قامت التنظيمات الجماهيرية بمراجعة مردودها للموسم السابق و قيمته بحيث تؤكد علي الصالح وتتدارك القصور ????
*نريد جمهور ينافس المجلس علي العطاء
* فبمثلما اعطينا انفسنا الحق في اطلاق لقب بص الوالي علي المجلس عند القصور
* يكون للمجلس الحق في اطلاق لقب بص السيرة علي الجمهور عندما يقصر
* لا نريد ان نغني بقدرما نريد ان نشجع بقوة وفتوة وحماس
* الغناء ملحوق
* بعد الكورة نربها
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* الناس نوعين
* يازهجان يا خجلان
* الزهجان من الحاصل لينا
* والخجلان من العملو فينا
* قلت لي مادايرين دقيق فينا ????
سلك كهربا
ننساك كيف والكلب قال القال ليكم منو الكلب بريد خانقو ?? والله اتفكفك اقطعوا حته حته
والي لقاء
سلك