• ×
الأربعاء 29 سبتمبر 2021 | 09-28-2021
بابكر سلك

الرسم بالكلمات

بابكر سلك

 8  0  2872
بابكر سلك
وتمضي عمليات الاحلال والابدال عندنا بالعقلانية التي ميزتها هذا العام
* عاشور بيه موضوعو انتهي
* وكذلك المهاجم النيجيري
* وعمليات تحريش هلال الابيض6 مستمره
* السماني الشلناهو من جوة راكوبة البطيخ التي تسمي غرفة تسجيلات الهلال واجعهم شديد
* زي وجعة بكري
* واخوتنا الاهله المنقولاب لسه في البوبار
* المهم
* هلال احمد هرون لم يحرك ساكن لما السماني كان في غرفة الهلال
* ولم يستغرب لما السماني قبض شيك السبعمائة مليون من الهلال وامامه مباراة ضد الهلال
* ده كلو ماعادي
* لكن الماعادي عندهم هو اتفاق المريخ مع السماني
* شخصيا اري ان الامر لو كان بهذه الصورة التي نطالعها بالصحف الزرقاء (او الزرغاء كما قال بنزينه )
* فان شعبية هرون بشمال كردفان ستنحسر
* لان الامر لما يتعلق بحرب ضد المريخ فانه يعني العداء لوطن نعتز بالانتماء اليه
* فحقو هرون وحكومة شمال كردفان يضعوا ذلك في الاعتبار
* وان كانت اخطاء الشبل ابراهومه مكنتهم من الفوز علي المريخ
* حقو يعرفوا انو الكتوف ما اتلاحقت ولا حايحصل
* لانو حتي الهلال الكبير الذي يقاتلون من اجله كتفه لا يلاحق كتفنا المرصعه بنجوم الاعجاز والانجاز الدولي
* كتفو كان خلاص بقي عالي حدو ركبنا اذا ما كان في نص ساقنا
* ولذا اعرفوا ان في عدائنا خسارة جماهيرية كبيره لكم
* المهم
* مع الزيادات بتاعت اليومين دي الناس زادت في السخرية من سخرية القدر
* واضحت النكته هي لغة الخطاب وسيدة الموقف
* لكن احلي نكته عندي هي
* كردنه يتفق مع غارزيتو ويحدد معه حافز كأس العالم للاندية
* ما كعب
* كعب الخيال الكعب
* بتجيبوهوا من وين الخيال ده !!!
* ولا. دي حركات منقولاب سااااي !!!
* (دايييك يا رسا )
* وهناك بعض النكات تؤكد انو الخرشه الفي البلد دي تحتاج لمحاربة قوية وفوريه من ناس المكافحة
* المهم
* نوصي فطومة اختي ان لا تنسي معهد فاطمه جوار معهد سكينه ليقوم بدوره في تأهيل المنقولاب طرفهم
* فاعادة التأهيل ممكنه اذا كنا جادين في الاعتراف باحقية تلك الشريحة من المجتمع في العيش والاهتمام بها و تطويرها ومد يد العون لها
* حصرتيهم يافطومه كم عندكم ???
* يعني بالتقريب تسعين في الميه ولا خمسه و تسعين ??
* قولي تسعه و تسعين في الميه
* بس ركزي علي الحلات الحرجه
* ناس توقيع العقد علي حافز كأس الخيال للاندية
* والله ياهو البضحك
* المهم
* سمعنا بشطب مساوي
* وما استغربنا لانو ضمن القائمة التي تقف علي خط التماس للمغادره
* وتلك القائمه تحوي بشه وكاريكا وزول تالت كان جبنا اسمو الهوا بقسمو
* لكن يا بشه وانت في خط التماس لاحظ للزول القاعد جمبك
* الزول ده لامزيع ولا رجل خط ولا حكم رابع ولا مراقب مباراة
* الزول ده زولنا السايقك مكاتب الاتحاد
* كان اتأخرت ما مشكلة
* نمشي بيت اسامه نضرب الشاي باللقيمات ونسجلك
* بعد داك المنقولاب يطلعوا الكشافات
* يطلعوا من طورهم ما بهمنا
* ايها الناس
* كلام الكلب ما تستهونوهوا
* ماتلخبطوا الكيمان
* فرقوا بين الحكومه والوطن
* فالحكومه ليست هي الوطن
* والوطن عمرو ما ببقي حكومه
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* مهما غليتوا السلع وطنا غالي علينا
* واذا في زعل ما من البلد يا والينا
* من اصحاب المخصصات البشيلوا ويغلوا لينا
* ويوم ما قللوا مخصصاتهم المخصومه من قوتنا ومحسوبه علينا
* ونردد مع الرائع اكرم زكي
*وطن بعزو باقي
* مكانو في جوه المآقي
* صحيح فقير ريو السواقي
* بس مكانو في نفوسنا باقي
* وبي جهودنا حايبقي راقي
***************
* يا مغيث اديهو خيرك
* ياخبيث حكم ضميرك
* بي سرورو يتم سرورك
* من مشاعلو يضوي نورك
* ابني مستقبل حفيدك
سلك كهربا
ننساك كيف و الكلب قال ملعون ابو البقول ملعون ابوك بلد .وحك اضانو بي رجلو الورا وناااااام
والي لقاء
سلك

في السلك
امسح للحصول على الرابط
بواسطة : بابكر سلك
 8  0
التعليقات ( 8 )
الترتيب بـ
الأحدث
الأقدم
الملائم
  • #1
    ابو الهل 11-10-2016 11:0
    شكلك كدا مابتعرف شى عن الصحافة يعنى لصيق كلام ولفيق كلام مابعرف دخلت ععالم الصحافة من اى باب ومن اى زاويه سيب السخرية ولو عندك قلم يحمل معانىالقيم افتكر ان تعكس سؤء حال ناديك وتحاول تغسل لسانك من عفن التعصب وريحة الفتنه انت طالب فى مدرسة مزمز للكذب والتطبيل
  • #2
    سامي 11-10-2016 09:0
    قارن بين القولين ياسيد سلك (الجوهرة الزرغاء وبنزينة والافتراء على رب الناس بالقول العارف عزو مستريح) وعلى الهواء مباشرة لكل أصقاع الدنيا حتى الاسكيمو سمعوها وفغروا أفواههم
  • #4
    زاهر جعقر 11-09-2016 10:0
    عمك تنقو ماعندك موضوع ان شاءالله ده ح اخر مقال قريتو لك ضيعت زمني بس .
  • #6
    Gaafar 11-09-2016 05:0
    انت عارف مين القتل ملعون ابوكى بلد أو قرأت الكتاب هو الذى كتب يابلدى يا حبوب فلا تتطاول وتعمل نفسك مع الكبار. فأنت لاشئ مجرد رص كلمات لامعنى لها لإرضاء ولى نعمت
  • #7
    بكرى النيلين 11-09-2016 04:0
    العارف عزو مستريح...والمابتلحقوا جدعوا...وسيب الهضربه الكثيرة...الله يشفيك....
  • #8
    عمر 11-09-2016 04:0
    ننساك كيف والكلب المنغولي بعد حك اضانو بالرجل الوراء غلبو النوم ليو 3 ايام , سألناها مالك الحاصل عليك شنو ؟؟ قال لينا عشان امي وابوي زعلانين وبقو مابضوقو طعم للاكل عشان سلك وفاطمة الصادق و نصر الدين والفاضلابي عشان يكاوي بعض ويتريقو علي بعض قاعدين يستغلو الابتلاء الابتلاني بيه ربنا وخلقني منغولي وماراعو لمشاعرنا .
    الكلب المنغولي بعد هز ضنبو قال اكتر واحد مزعل امي وابوي هو بابكر سلك عشان هو قانوني ومحامي وعارف انو الاستفزاز ممكن يطلع زول براءة حتي لو ارتكب جريمة عشان هو اتعرض لاستفزاز ورغم كده مصر علي الاستفزاز .
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019