• ×
الجمعة 29 مارس 2024 | 03-28-2024
بابكر سلك

ضد الاتحاد الحالي والجاي

بابكر سلك

 8  0  2908
بابكر سلك
رموز ما يسمي بالاصلاح الذين ينوون ترشيح انفسهم لقيادة الاتحاد العام في دورته القادمه
* عقدوا جلسه مع الاعلام المريخي
* شخصيا اعتبرت الدعوه امعانا في الاستفذاذ الشديد ولكنه ليس بالمفاجئ
* فتلك الرموز لها من المواقف المنحازه والمستفذه الكثير والمثير
* وتبريرات سر الختم لاتهامات كابو كانت فطيرة جدا
* شارع شنو البشبه الهلال
* ولجنة منو الغيرت الوان مواصلات الجزيره
* ونيل ابيض مين ونيل ازرق شنو البتقع بينهما الجزيره
* ولجنة شنو الغيرت الوان طلاء البيت العتيق
* دي مبررات فطيره لا تقنع شفع الروضه
* نحن نقولها بالواضح وبالصوت العالي
* نحن كمريخاب علي وجه الخصوص وكرياضيين علي وجه العموم نرفض وبشده ان تقود الاتحاد العام هذه المجموعه التي اشتهر معظم اعضائها بالانحياز الفاضح
* ونسأل سر الختم
* ماذا كان موقفه عندما كان رئيسا للجنة الوساطه بتاعت الجوديه التي كسرت عنق القانون لاجل العيون الزرق !!
* وماذا قال للصحف واجهزة الاعلام ???
* الم يذكر بان المريخ ليس طرفا ووقتها المريخ كان احد اهم اطراف النزاع ???
* الم يصرح بان لجنة الاستئنافات اخطأت وهي التي حكمت لصالح المريخ !
* الم يقل بان للهلال قضية والقضيه كانت تخص المريخ وامل عطبره وهلال كادوقلي واتحاد القضارف ??
* موقف كهذا يا سعادتك يجعلنا نرفضك وبشدة وللابد طالما كانت في عروقنا قطرة كرامة تسبح في دمائنا الحمراء
* ونعلنها نحن ضد الاتحاد الحالي
* وضد الاتحاد الجاي لو كان الجاي ما الحالي
* ونعلنها حربا علي الاثنين بكل وضوح
* ولقاء اعلام المريخ لايخدع الشفوت
* وثوره ثوره حتي النصر
* سنطالب باتحاد محايد ونعمل علي ذلك
* لان ذلك حق لكل رياضي
* ولاضاع حق ورائه مطالب
* لذا سنظل نطالب بحقنا كاملا
* حتي السيرة الذاتيه الشخصيه لمن يريد ان يقود الكرة في البلاد يجب ان تكون محل فحص وتقييم و تعميم علي الكافه
* ليعلم الناس حقيقة من يقودهم
* قال يفوز قال
* تفوز عشان تغير لينا اسم شارع افريقيا لشارع صفر افريقيا ????
* والله ياهو الفضل
* المهم
* نري كسكته عند الانتقالات
* اراهن علي اننا سنري ما كسكته عند النهايات
* فاكل الشطه بافراط يقود الي اماكن محدده وبسرعه
* بس ان شاء الله الموية ما تقطع
* ايها الناس
* ستظل احلام المنقولاب جزء من ماضينا ولو نقلوا مكاتب الاتحاد لشارع الهلال بود مدني
* تظل احلام المنقولاب جزء من ماضينا ولو استغلوا جميع السلطات الممنوحه لهم في خدمة النادي الفيهو منقولي بحسب ما وصفته المنسقه بتاعتهم
* ونظل نقاوم الظلم حتي تشرق الشمس لنا
* وندق الصخر لتنفجر ينابيع العداله ماء طاهرا يغسل الظلم الذي حاق بنا
* وتسلحنا بروح الشفوت ولن نرجع شبرا
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* مسئول كبير قالوا قال لينا
* العندو يقري اولادو والماعندو يمشي ديوان الزكاة يا والينا
* لكن ما وقع لينا
* الزكاة ولا الذكاء قاصد لينا
* الم يستفد يوما ذلك الزول من مجانية التعليم وسكن الداخليات المدرسيه المجانيه ???
سلك كهربا
ننساك كيف و الكلب قال الكلب الراقد في الشارع وما سائل فيك ماتحقروا كان قام بعضيك
والي لقاء
سلك
في السلك
امسح للحصول على الرابط
بواسطة : بابكر سلك
 8  0
التعليقات ( 8 )
الترتيب بـ
الأحدث
الأقدم
الملائم
  • #1
    زاهر جعقر 11-09-2016 09:0
    كلام مشجع وكلام فطير مافيهو جملة مفيدة وبعدين انت شابكنا والينا والينا شوف بلدك وين وواليك في منطقتك الجاي منها قال من الخرطوم قال ده شكل زول من الخرطوم .
  • #2
    بكرى 11-09-2016 09:0
    ماعندك موضوع وتنتهز الفرص عشان تعمل ليك موضوع دورتين والاتحاد احمر منحاز حتى لون علم الفريق الوطنى غيرتوه من اخضر الى احمر ما قلنا حاجة الدورى ادوه ليكم من المكتب ما قلنا حاجه بطولة العرب ادوكم ليها ماقلنا حاجة بكرى سجلوه ليكم ماقلنا حاجه الوك ادوكم ليه ماقلنا حاجة .علما بان رؤساء الاتحاد من الون الازرق كلهم حياديين ولكن انتو ما بيعجبكم الحياد دايما دايرين الانحياذ .بعدين اصبر شويه انت السنه الجاية ما ح تكون طرف فى القمه ولاحيكون لك صوت وبما ان حالين ما لك صوت الاتحرش ساى وسلم لى على التعيين .
  • #3
    Zaza 11-09-2016 12:0
    طيب هسى معتصم وعطاالمنان ما مريخاب ومعروف 90% من الشعب السودانى هلالاب ليه ماطلعو مظاهرات .قال صفوف قال انتو بالدفره ماحتعملو حاجه .احسن خليك فى كلبك جررررر جررر
  • #4
    ودعقيده خلف 11-09-2016 12:0
    استاذي الفاضل لك التحيه دوما نحن نرفض بشده كل من تسول له نفسه اللعب بالنار بان مصيره الزل والهوان الله اكبر والنصر للزعيم ولانامت اعين الجبناء
  • #5
    الامين محمد نور 11-08-2016 11:0
    سيفوز سر الختم غصبا عنك . وسيكون الاتحاد ازرق . اردت ام ابيت .ايوا الجزيرة بين النيل الابيض و النيل الازرق دي حقيقة . ما قلت بتحب الحق وبتدق الصخر لتتفجر ينابيع العدالة اي عدالة و اي حق تحب و انت تقول اي نيل ابيض واى نيل ازرق .متناقض دائما .نحن نريد ونتمنى ان يفوز الفريق المدهش وان يقف على مسافة واحدة من كل الاندية و لايظلم احدا لا مريخ ولا غيره . والله العظيم لا نريد ظلما للمريخ رغم كرايهتنا الشديدة له بسبب كتاب اخر زمن . ويا حليل زمن ازرنا وشجعنا وفرحنا لمنديلا التي اصبحت الان غصة في حلقونا بسب ناس مزمل و سلك و كابو وبقية المصلحجية و الحاقدين .
  • #6
    متابع مستاء 11-08-2016 10:0
    عليك الله انتي صحفي ؟ اتقي الله في نفسك شغالين بتكتبوا بس اي كلام وخلاص عشان بس تبيعوا صحفكم الصفراء للمواطن المغلوب علي أمره وبعدين شنو حكاية المنقولاب ؟ المسكت فيها جديد بغض النظر عن منو القالها كونك تروج للخطأ ما عندو تبرير ، بعدين الصحيح منغولي بالغين وهي فئة كرمها الله تجوا انتو في صحافة الغفلة تسخروا منهم .. كلكم عبارة عن مخرجات الإنقاذ النتة بس خلاص ما باقي ليكم كتير ان شاءالله
  • #7
    bushar 11-08-2016 10:0
    بالله دا تفكير واحد عامل نفسه صحفي أكيد أمثالك يتمني أن يستمر إتحاد اللقيمات العودكم علي التنصيب بالبطولة من المكاتب وليس الملاعب
  • #8
    عمر 11-08-2016 10:0
    الكلب قال ليك عيب عليك ياسلك وانت الرجل القانوني ان تجاري الناطقة فاطمة الصادق في عباراتها المسيئة لشريحة كبيرة من المجتمع وهي شريحة مرضي مترامنة داون ( المنغوليين ) وتستخدموا ابتلاءهم في مجال السخرية والمكاواة والتريقة .
    الكلب قال ليك لاتتخيل مدي الالم الذي سببته لاسر هؤلاء المرضي .
    فبدلا من ان تنصح الناطقة ان تبتعد عن الاساءة لهم نجدك طفقت تجاريها فيما خاضت فيه .
    ننساك كيف والكلب المنغولي واسرته يتألمون ؟؟؟
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019