* المنهجيه والعلميه التي تعمل بها لجنة تسجيلاتنا بقيادة الفريق طارق تجبرنا علي الفرجة ورفع القبعات لها
* تروي ودراسة في الاحلال والابدال
* عمل بموجب تقارير اختصاصيين
* البعد عن المكايدات والشوفونيه
* حوجة الفريق والخانه والمستوي هي مؤشرات التوجه نحو اللاعب
* لا نريد التدخل في عمل اللجنة
* فلسنا مؤهلين لذلك
* ولا اظنها تسمح بذلك
* لان الامر لو كان كذلك
* لما اشدنا بها
* فقط نستعجل ونلفت نظرها الي ان الكرة الحديثه تقوم علي تلاته محاور
* محور يدافع
* ومحور يضغط
* ومحور يحوم و يصنع اللعب
* تلك هي محاور الكرة الحديثه
* لا تقبل محور شيبوب اقصد معطوب
* ولا محور طاعن في السن له من السنوات سته مضروبه في سته
* ولا محور يحير الطبيب ويخاف الكشف الطبي
* المهم
* وصية للشبل ابراهومه
* لسه امامك الدرب طويل برغم الموهبه
* والمريخ الذي رعاك يافعا واشركك في المباريات الكبيره ليقوي عودك وانت حينها في كشف الاشبال
* بل المريخ الذي خسر نقاط هامة بالممتاز عن طريقك
* علي سبيل المثال هدف امل عطبره التعادلي واربعه من اهداف هلال التبلدي الخمسه
* وبرغم ذلك اتاح لك فرصا جديده حتي لا تفقد الثقه بنفسك وحتي لا يفقد الجمهور ثقته فيك
* ذلك المريخ يا ابراهومه لايستحق تلك الصفات التي تتناقلها في محيط الحله وتتباهي بانك لا تريد الاستمرار فيه
* فان صحت تلك الاقاويل عنك
* صدقني لن يخسر المريخ بقدرما ستخسر انت
* فالذين يخدعونك ويخادعونك لا يضعون يدهم في النار
* وقبل ذلك ضاع الكثيرون من اصحاب المواهب بنفس تلك الاسباب ومنهم والي الدين القضارف
* نصيحه مني ليك و لعلها الاخيرة
* المهم
* لاتزال احلام الجماعه جزء من ماضينا
* وكردنه يعدهم بمفارقة محطة الصفر واللحاق بالمريخ علي لوح الشرف الافريقي
* واذا فشل كردنه في دي لانلومه
* لانه ليس باول رئيس زنطوري يضرب البوري ويعد بكأس افريقيا ويفشل
* وبالطبع لن يكون الاخير
* وبرغم عطاء الرجل الا انه سيفشل
* لان البطولة الافريقيه ليست سيخ واسمنت وصيانة مستشفيات
* ده شغل تاني و اسأل مجرب ما تسأل طبيب
* لو سألت طبيب حايقول ليك جابسون ملجن لاحق شيبوب
* ايها الناس
* لا تستبعدوا ان يستغني الهلال عن شيبوب
* ثم تطل علينا فطومه مدعيه ان الامر مجرد اخلاء خانة ريثما يكتمل العلاج
* وان كردنه موديهو لندن للعلاج
* لنتفاجأ بشيبوب خاتي كرسي في صابرين وقاعد
* صابرين سميتوها لندن يا روشا !!!
* بتسموها انتوا ما بتغلبكم
* ايها الناس
* الوالي وبصو يستحقون رفع القبعات في موضوع التسجيلات ده
* وعليهم ان يحافظوا علي هذه المنهجية والجدية في التعامل مع بقية الملفات
* واولها ملف كيف يدار هؤلاء اللاعبين !!!
* لانك اذا مليت بستانك باجمل الزهور واغلاها
* بدون تنظيم لا يظهر جمالها
* وبدون اهتمام ستموت
* فالعبرة ليست في الحصول علي الشتله الجيده المميزه
* ولكن العبرة في العناية بها ورعايتها و ابعاد الحشرات عنها وتسليمها لجنايني خبير وصاحب خبره
* المهم
* حقو نعرف انو نجاح التسجيلات ليس في الدخول في مزايدات مع الند
* نجاحها هو مايسد الرمق بمن يستحق
* ومقدرة القادم علي الانسجام هي الباعث الدافع للتألق
* ووقفة الجماهير وتقديرها لما يقوم به الناس
* هو اول الابواب التي يدخل علينا منها النجاح
* فتجارب الماضي علمتنا ان الانسجام وروح الاسرة الواحدة هو اول خطوات الجويات نحو المطار
* او هكذا تعلمنا من ماضينا
* وتظل احلامكم جزء من ماضينا
* بس متين تتعلموا !!!!
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* في شئ بخير فينا
* ماندفع النفايات عسكري لمحكمة النظام العام يودينا
* نقول لي مولانا ما دفعنا لانو العربيه ليها شهرين مابتجينا
* مولانا يقول ليك تجيك ماتجيك ده ما شغلي يا اخينا
* ياندفع يا والينا
* يا مولانا للسجن يودينا
* نعمل شنو .افتينا
سلك كهربا ننساك كيف والكلب قال جني وجن القانون البرتب عليك التزامات وبتجاهل حقوقك كده ببقي حكم حكم حكم العيش الناشف داك كان اسمو شنو ???
والي لقاء
سلك