• ×
السبت 25 سبتمبر 2021 | 09-24-2021
شوربجي

لا تحزنوا فنتيجة الفحص حمل كاذب

شوربجي

 14  0  2155
شوربجي
لا تحزنوا فنتيجة الفحص حمل كاذب

((())) يعجبني الازرق :

يعجني الازرق الازرق ما غيره يعجبني

يطربني الازرق الازرق بفنه يطربني

ازرقنا عجبه فنان بلعبه وسط الملاعب الازرق

الكل يحبه

بلعبه وفنه الازرق يعجبني

كل ما يجي منه الازرق يعجني

يعطينا الصافي مثله ابد مافي

ازرقنا عجبه فنان بلعبه

وسط الملاعب الازرق الكل يحبة

يعطينا من ذاته الازرق يعجني

هذى انتصاراته الازرق يعجني

هذى خبرنا فية من يقدر يجاريه

ازرقنا عجبه فنان بلعبه

وسط الملاعب الازرق الكل يحبة


((())) مسكنات ما بعد الهروب الكبير :

وبعد ان سقط المريخ في قاع لا قرار له

فهل كانت نتيجة الفحص حملا كاذبا

وقد عاد بص الوالي حاملا اطنانا من المسكنات الحمراء

وحبتين عند اللزوم علها تزيل الآم الجماهير الحزينه

وقد قالوا انهم سيعسكرون في انطاليا وايطاليا وتركيا وقطر ( وربما يقصدون مروي )

وقالوا انهم سيعالجون أوجه الخلل التي حدثت في الموسم الحالي لخوض موسم قادم يحقق فيه النادي طموحات جماهيره الوفية، ( ولا اظن ذلك )

واستعرض الخطط الموضوعة للوفاء بالاستحقاقات القادمة والمتمثلة في بطولة دوري أبطال افريقا وكأس العالم العربي للأندية إضافة إلي الاستحقاقات المحلية الراتبة. ( لا اظن ان هناك خطط )

استمع المجلس إلى تقرير ضافٍ من رئيس مجلس الادارة ورئيس لجنة التسجيلات عن التسجيلات على صعيد اللاعبين المحليين والأجانب،

( المفتاح عند النجار

* والنجار عايز عروس

والعروس عايزه الفلوس

والفلوس عند الجهال

والجهال عايزين لبن

واللبن عند البقر

والبقر عايز حشيش

والحشيش عند الأرض

والأرض عايزه المطر

والمطر عند ربنا )

ونتائج التشاور بين رئيس المجلس والمدير الفني حول تكملة عناصر الجهاز الفني لفريق الكرة الاول في موسم 2017، ( والمدرب الجديد مازال يسجل في الملاحظات )

وما تم تنفيذه بخصوص فترة الانتقالات الرئيسية ورصد ميزانية متكاملة لها. ( سنسجل لاعبين كبار كبار كبار وعيرتني بالشيب وهو وقار )

كون المجلس لجنة من بين أعضائه للاتصال والتنسيق مع الاتحادات والأندية للتعامل مع ملف الاتحاد السوداني بما فيه الانتخابات، اللجنة برئاسة الأستاذ عصام الحاج ، وعضوية كل من نادر إبراهيم مالك، مزمل ابوالقاسم، متوكل أحمد علي، وعثمان إبراهيم ادروب . ( سنقدم الفحص ثم نقدم الفحص ثم نقدم الفحص ثم نقدم الفحص )

ولا تحزنوا فالفحص كان حملا كاذبا


((())) لو سمحتو المقاعد زرقاء فقط :

هي مباراة للتاريخ

يختلط فيها عبق هلال الملايين بياسمين هلال الابيض الفواح

ويلتقي فيها كل الزرق تحت سقف اسمه الهلال

وكما قلنا من قبل لا تهمنا النتيجه بقدر اهتمامنا بالتوحد الهلالي

وبصراحه لا مكان في استاد مدني للالوان الاخري

فلا مكان للون الاحمر

ولا مكان للون الاصفر

ويا ابيض يا ازرق والاحمر ما بحبوش

وكل اهلة السودان سيملؤن ملعب مدني

وما اجملها من مباراة زرقاء اللون تسر الناظرين

ومادامت سماء مدني زرقاء

فكل شوارع مدني ستكون زرقاء

وكل اشجارها ستكون زرقاء

هي مباراة للتاريخ ما بين الاب والابن

وهي مباراة لها خصوصيتها الاسريه

ولها طقوسها الاسريه

ولها عشقها الاسري

ولا مكان للمتنطحين

ولا مكان للمنسحبين

ولا مكان للهاربين

( وان قيل لكم ارجعوا فارجعوا هو ازكي لكم )

من يفوز اليوم هو هلال

وممكن نرميها قرعه

وممكن يفوز الاب

وممكن يفوز الابن

وممكن نطلعها تعادل

وهذا يحدث اسريا

وكم مرة لعبت في البيت مع اولادي وهزمتهم وهزموني

وما احلي الترابط الاسري

وما احلي توحد الهلالاب

وان كنا نعتب قليلا علي ابن لنا في كادوقلي الحبيبه

وحين تراجع تاركا اباه

وحين اغتصب المريخ نقاطه في حين غفلة واذاه

وحين عاد الي بيته نادما وقد تاه

وبكي وندم وحضن اباه

وهكذا نريد كل اهلة السودان متحابين متوحدين

ودعوتنا بعودة هلال الفاشر الذي تعثر في الدوري

ونتمني البروز لهلال بورسودان الذي غاب عنا كثيرا

وهلال حلفا الذي يمكن ان يكون

وكل الاهله في السودان

والنصر للاهله هنا وهناك


محمد حسن شوربجي
امسح للحصول على الرابط
بواسطة : شوربجي
 14  0
التعليقات ( 14 )
الترتيب بـ
الأحدث
الأقدم
الملائم
  • #1
    السما الأحمر 10-27-2016 04:0
    يا oaltahiir شكلك نسيت اختطاف ولاء الدين بواسطة المدعوم
  • #2
    خالد حسن 10-27-2016 03:0
    انت ماملاحظ انك بتكتب عن المريخ اكتر من الهلال؟
    شكلك فعلا مريخابي زعلان
  • #4
    كمال سر الختم 10-27-2016 12:0
    يا ناس د. الشريف اتفه معلق نرجو حظره نهائيا ففي الكثير من مقالات الكتاب نراه كثير الاساءات
    احظروا هذا المراهق وان كان كبيرا في سنه
    مكانه المناسب مع الشماشه
  • #6
    oaltahiir 10-27-2016 10:0
    احلامكم جزء من ماضينا

    و مشاطيبنا جزء من فريقكم فاقد الهوية
  • #7
    ALI 10-27-2016 10:0
    يا شوربه كلامك مالو انهزامي كده وين الفتونه التي تستعرض بها علينا والله شكلك خايف من تبلدية جديده الله يستر ما في حاجه سمها الهلال الأب او الهلال الإبن وإنت عارف كده كويس وتأكيدا لذلك حانشوف بكرة لهجتك لو فوزتوا ياراجل العب غيرها وخليكم قدر التحدي . اساليبك ياشوربة اصبحت محفوظة وجميع السيناريوهات معروفة برضو
  • #8
    SAYED ABDOUN 10-27-2016 10:0
    لزوم حرف الفاء في كلمة نتيجة بالعنوان لزومه شنو يا شوربه
  • #9
    ود النيل 10-27-2016 09:0
    والله الكتابة الصحفية في اتجاه وانت في اتجاه اخر ..ياخي شوف ليك صاج طعمية وفكنا من هبطرقاتك دي
  • #10
    Jaxy 10-27-2016 09:0
    هذا منظق العاجز قال أولادنا قال هرون إقترح على هلال الأبيض تغيير أسمه يعني هم ما رضيانين بي إسمكم دة ولشدة خوفك من الهزيمة داير تبرر إنو ولدنا وما ولدنا غايتو الليلة إلا يحلكم منهم التحكيم لكن الخماسية محمداكم محمداكم.
  • #12
    EzzSudan 10-27-2016 08:0
    الزبون المدعوم, الجماعة ديل ما بقول براحة عليهم بل لصق ليهم لمن يفهموا حاجة, هسي بالله الزعيم منو,( مرخرخ يدعي رخروخ), اديهم بالحتة الفيها الحديدة.
  • #14
    oaltahiir 10-27-2016 08:0
    كيف يبرر يا عزيزنا شو المدنون عملية اختطاف السماني

    من الضروري معاقبة المريخ على فعلته اللاخلاقية

    كيف يختطف لاعب من داخل معسكر فريقه الذي امامه مباراه تاريخية

    اعتقد ان هذه الحادثة يجب الا تمر مر الكرام
    و لكنها غير مستغربة من فريق فقد الهوية
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019