• ×
السبت 19 يونيو 2021 | 06-19-2021
بلل

كان بعد سنة .. النمر برضو في رجاك وتمشي وين مننا

بلل

 0  0  687
بلل

برضو ح تمشو من النمور وين.
النمر وراك وراك.
كان قمتوا او قعدتو.
النمور قاعدين.
في الميدان حارسنكم.
بعد تلاته ايام او بعد سنة.
برضو ح تجوا.
ح تمشوا وين يعني.
نحن كمان متشوقين للمعركة دي.
حظك يا نمر.
تضرب بمزااااااج.
شايف الجماعه فرحوا.
علي الوصافة.
لا.
الدوري إتلغي ولا شنو.
برضو لا.
طيب في شنو.
الجماعة فرحانين علي كورة النمور.
نمور دار جعل.
اي.
أولاد المك نمر.
دا الحرق الباشا.
هييييع اي يا جنا يا هو زاتو.
المك دا عاد ما انا بفخر بيهو وليهو بغني.
دا فخر البلد كلها.
في زول عاقل بجي ماشي جمب أولادو كمان.
تقول شنو.
في جماعة كدا قنعوا من رقبتهم وقالوا عايزين يقابلوا أولادو.
بس يا زول هم مش قالوا ما جايين.
اتخيل قالو شنو.
اها قول الله يكفينا شر قالو وقلنا.
قالوا نحن ما قلنا ما جايين كلو كلو.
قالوا طلبنا الموعد دا يتأجل شوية.
وأسي براه إتأجل كدا.
لمدة تلاته ايام.
ونقوم نسمع ليك زغاريد وكواريك في الحلة الفيها الجماعة ديل.
فرحانين عشان التأجيل.
بالحيل.
طيب بعد تلاتة يوم مش ح يقابلوا النمر دا.
نمر دار جعل.
اولاد المك.
أكيييييد.
طيب الفرح دا فوق شنو.
والله تقول شنو.
يمكن عشان الضرب إتأجل شوية.
لو فرحانين عشان كدا.
معناها الوصافة منها العوض وليها العوض.
نرحب بالنمور في المركز الجديد.
الهلال وآرسنال شندي في صراع شرس علي البطولة.
بسرعة كدا لغيت الناس ديل.
مش قلت فرحوا عشان هزيمتهم إتأجلت شويه.
وناس شندي زعلانين.
اي والله.
ناس شندي زعلانين عشان التأجيل دا.
وهروب الوصيف.
طيب معناها كلامي صااح.
ناس فرحانين عشان التأجيل.
وناس زعلانه من التأجيل.
يلا احسب
حسبتها.
هاهاهاها ... ااااي.
الله يجازي محنك.
دي عرفتها كيف.
خليك كدا.
يعني الموسم الجاي الوصيف محلو ح يكون وين.
مش يقول ليك ديل من اندية الوسط.
أي.
بس ديل ح يكونوا بعد الوسط.
الناس كلها عندها طموح.
عايزه تمشي قدام.
بتغامر عشان تنجح.
وتمشي قدام.
وديل ما عايزين يجازفوا عشان خايفين.
وطيب.
المراكز دي كلها محجوزة للناس الما بتخاف.
وديل خايفين.
ودا شئ طبيعي.
يكون مركزهم هنا.
يا وصافة مع السلامة.
الوصافة النمور بتستحقها.
الصدارة محجوزة برضو.
الصدارة بتشبه سيد البلد.
الهلال وبس.
لكن ناس جايين وما جايين.
قاعدين ومنسحبين.
دا ما مكانهم.
يمشو ورااا هناك.
الهلال واهلي شندي وهلال الابيض والخرطوم الوطني.
خلاص المقاعد اتحجزت من أسي.
شايف ليك وصيف سابق هنا.
لا.
كدا ح تزعل منك الجماعة ديل.
الكلام دا ان جبتو من بيتنا.
دي المعطيات بتقول كدا.
المعطيات دي حلوه.
فلسفة شديدة.
يا بتاع المعطيات انت.
أزمة الورق خبرها شنو.
لسه ما اتحلت.
أها متين.
وبعدين.
نبارك لهلال التبلدي التمثيل الخارجي.
تستاهلوا.
نحن الهلال بنريدو جد.
الهلال مفخرة داخل وخارج الجوهرة.
(صمت اخير) ..
كان بعد سنة .. النمر برضو في رجاك وتمشي وين مننا.
امسح للحصول على الرابط
بواسطة : بلل
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019