• ×
الأحد 7 مارس 2021 | 03-06-2021
معاذ ابو مؤيد

رغم الاحداث تتواصل نفرات رجال القروبات بالدولار والمجلس يمارس مايكفله القانون من غير انفعال

معاذ ابو مؤيد

 3  0  885
معاذ ابو مؤيد



مجلس المريخ يضع النقاط فوق الحروف
الكل يتحدث عن انسحاب
لكن الوضع مافيه انسحاب فية ممارسة حقنا القانوني بكل اقتدار
عرفتو الان من يروج للانسحاب ومن هم ؟؟؟
المجلس بيمارس في حقه القانوني ودا ماقلناه امس في التغريدة
المجلس لم يتحدث عن انسحاب ولم يتكلم عن الانسحاب في اي بيان ،،،
يعني هناك من يروج للانسحاب لسحب المريخ لمستنقع غذر يسمى الانسحاب لم
يشتهر به المريخ؟؟
بل استهرت به بعض الاسماء والشخصيات
هذه امنية بعض الناس ان ينسحب المريخ حتى تدون للتاريخ
لكن فاتت عليكم ياحبايب
اي مرحلة تقاضي سنمارسها حتى اخر باب
الانسحاب امنية لبعض الناس لكن لن تحصلو عليها في كوكب المريخ
لانو الانسحاب لثلاثة مواسم يشبه بعض الناس ،،
عشاق الاصطياد في الماء العكر لقد فاتكم القطار بلغة علي عبدالله صالح ،،،،
لذلك عليكم بالبحث عن منبع اخر لماء عكر خلاف كوكب المريخ،،،،

رغم الاحداث المتعاقبة علي الكوكب
الاحمر لكن كان هناك رجال اخرين يعملون بصمت من اجل دعم المحبوب
لم تشغلهم سخونة الاخداث عن سخونه جيوبهم التي تنادي للمريخ،،،
استمرت النفرات رغم استخفاف صحيفة في مانشيت ما
لم يتوقف المد الجماهيري لدعم المريخ
وسيستمر المد لمدة يومين
واليوم توجد ثاني نفرة،،،
ونفرتنا نفرات رجال
مش وراها الف سؤال
والدولار كان حاضر
(حلال بلال)
من جيب جماهير رجال
يعني جمهورنا بيدعم بالدولار الحار
والرسالة انشاء الله وصلت ياصحافة الغفلة
جماهير المريخ في حالة استنفار شهري
نسوف عناوينكم ولا نفراتنا
الكلام ليك يالمطير عينيك
عشقناللمريخ لايستجدى
عشقنا نابع بالفطرة
حبنا للكيان مابالعنترية
حبنا للمريخ اصلا يعتبر هوية وطنية
لان المريخ وطن نسكنه قبل ان يكون ماردا نعشقة
العاقبة علي الزعلانين وعاملين فريق
ماعلينا علي قول السر قدور
وسيستمر المد المالي لليوم التاني علي التوالي
ولو الجمهور وفر فقط قروش مياه التدريبات افضل من شراءها علي النوته ومن بتاع الدكان !!!
لان المشجع شريك اصيل في هذا الكيان
ولحدي نفرة اليوم عندنا رجعة ليكم تاني احتمال تجيب ليه نفرة بالجنية الاسترليني او اليوررو
اخر كلامنا
الصفوة كانت في الميعاد والاخضر الدولار حضر

رسالتي الي الجماهير
مايشاع عن انسحاب لاوجود له في الواقع ولا اساس له من الاعراب
المريخ في مرحلة تقاضي مع الاتحاد لم تخلص مراحل التقاضي سنلعب المباريات
الفريق جاهز (موية ونور) وفي حالة تدريبات متواصلة
والقانون بياخد مجراه الان حتى نصل للمرحلة النهائية
والفيفا (جاك زول)
يعني خلف القانون داخليا وعالميا
وكورتنا تاني معاكم (واطه)
والمطلوب من الجماهير الالتفاف حول الكيان والمساندة والاطمئنان
وباذن الله لايوجد مايعكر صفانا،،،،
والمريخ عالم جميل
هذه ارائي واراء التغريدة اقبل منها ماتشاء وارفض منها ماشئت
ليس بالضرورة ان تقتنع بكل مايكتب
ولا اطلب منك الاتفاق علي حروف التغريدة
اسطر التغريدة ونسة وحكاوي بصوت مسموع تنقل نبضي ونبض المدرجات عشان نشوف مريخ جميل وملك بطولات
ولنا لقاء في تغريدة اخرى باذن الله

للتواصل
واتس اب/ ٠٠٩٦٦٥٤٧١٤٤٥١٣
تويتر abumoshtaha@
abumoshtaha77@gmail.com

امسح للحصول على الرابط
بواسطة : معاذ ابو مؤيد
 3  0
التعليقات ( 3 )
الترتيب بـ
الأحدث
الأقدم
الملائم
  • #1
    بكري 10-08-2016 06:0
    مستنقع غذر!!! .. ياخي ارحم ام اللغة العربية البتبكي كل يوم لمن تشوفك مسكته القلم .. على العموم المريخ هايخوض المستنقع الغذر بتاعك ده وهاينسحب ياخوي هاينسحب انتهى عهد ادوار الكومبارس.. فاهم ياخالد ليمونه ..
  • #2
    badr 10-08-2016 03:0
    العب ووقف تسليم كاس الممتاز الي حين الانتهاء من التقاضي هكذا الكورة ما تبع
  • #3
    hashim 10-08-2016 10:0
    شكرا لك ياااستاذ بس خليكم مع القانون واهم حاجة يكون عندكم مستندات يعني عقد احتراف مع شيبوب لانكم لو مشيتو للفيفا تشتكو زول هاوي حايسجلها لكم التاريخ وستكون وصمة عار لن تخبأكقتل الصحفي التنزاني وتتويجكم من منازلهم واصحاب الجلكسيات يعني الفيفا ماعندها غميض واضحة وبتنشر واي زول حايضحك علي اللجنة المريخيه







    افضل تنسحبو والاتحاد مابيقصر بيحفظ لكم مركز الوصيف


    وشيبوب تشوفوهو في استاد الخرطوم بعد ان شردتو من استادكم حتي لايتحسرالجمهور علي اخطاء لجنتكم المطيعه
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019