• ×
الخميس 28 مارس 2024 | 03-27-2024
بلل

إنسحاب صيني

بلل

 0  0  1790
بلل

لجنة الاستئنافات قالت كلامها.
اعادتو ليكم بالبطئ كمان.
شيبوب لاعبا رسميا للهلال.
الناس كلها عارفه الكلام دا
إلا أنتو.
ما مصدقين يعني.
عارفين الضربة كانت موجعة.
لاعب كان نجم سوبر ستار في فريقكم
الكاردينال قلعوا منكم قلع.
بالجد حارة.
ما رضيناها ليك تغمر الدمعات عينيك.
عينيك مدن.
قلنا ليكم القضية دي محسومة.
ما بتسمعوا في الكلام.
حركاتكم دي عشان تهربوا من معركة النمور.
أها حددوا ليكم موقعة النمور.
ح تجو ولا عندكم كلام.
شيبوب لاعبا رسميا للهلال.
اي وصيفابي صاحي يكلم أخوه النائم.
لجنة الاستئنافات قالت كلمتها.
انتو قلت كلام.
لو اللجنة رفضت حسم الاستئناف وما رجعت شيبوب لينا تاني.
سوف نعلن الانسحاب رسميا.
يلا يا نفذوا طوالي.
انسحاب طوالي.
اصلا خربانه خربانه.
الحالة بطالة.
فقدان الدوري.
فقدان الوصافة.
ضرب تقيل من النمور.
ضرب تقيل من سيد البلد.
الانسحاب دا عايز ليهو بيان قوي.
طيب.
ح تجيبو الورق من وين تاني.
الورق تاني ببح.
كملتو الورق نهائي.
عملتو ازمة في الورق.
شكلوا الامتحانات السنة دي مافي.
ما ح يلقوا ورقة واحدة يطبعوا فيها امتحان.
الطالب الكسلان داك البفرح يوم يكون مافي تسميع او اختبار.
الايام دي ايام عيدو.
ورق مافي عشان طباعة الامتحانات.
الوصيف عمل لينا ازمة في الورق.
الطعمية زاتها تاني في كيس بس.
ورق لا.
ما مشكلة عشان خاطر تنسحبوا ح نستورد ليكم ورق.
من اي حتة ان شاء الله من الصين.
ح تكتبوا انسحابكم في ورق صيني.
انسحاب صيني.
حلوة دي.
إنسحاب صيني.
لجنة الاستئنافات ورتكم كتاب.
عايزين نشوف كتابكم انتو عامل شنو.
رئيس اهلي شندي قال كلام جميل جدا.
نحن جاهزين لمواجهة الوصيف في اي مكان.
ما قلنا ليكم كلام جميل.
عماد الطيب برضو قال كلام جميل.
جاهزين لمواجهة الوصيف في اي مكان.
تاني في شنو.
الناس كلها جاهزة ليكم.
شيلو شيلتكم بس.
الحمد لله انتو ما تواجهوا هلال الابيض.
الانسحاب كان ح يكون مضاعف.
العجب كان قابلتو الخرطوم الوطني.
صلاح الامير تااااني.
يا زول ما بالغت.
انت مالك مع الجماعة ديل.
المشكلة مافي في كدا.
المشكلة جماهير الوصيف بقت ما شغالة ببيانات المجلس.
عارفه الكلام دا كلام صيني.
الانسحاب برضو صيني.
السواي ما حداث.
انسحبوا طوالي.
الهلال واهلي شندي يتصارعان علي لقب الدوري.
الخرطوم الوطني وهلال الابيض يشاركان في الكونفدرالية.
حلاوة يا ناس.
بالجد حلاوة.
كدا الدوري بقي زوي الفول المصلح وزيتو كتير.
تأكل بمزاااااج.
عليكم الله انسحبوا طوالي.
انا شايف الممتاز من غيركم ح يكون طعموا تاني.
انسحاب صيني.
نحن الهلال بنريدو جد.
الهلال مفخرة داخل وخارج الجوهرة.
(صمت اخير) ..
في يوم الجمعة اكثروا من الصلاة علي افضل خلق الله.
(اللهم صلي وسلم علي حبيبك ونبيك محمد .. عدد خلقك .. ورضا نفسك .. وزنة عرشك .. ومداد كلماتك)
امسح للحصول على الرابط
بواسطة : بلل
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019