الوصيف قال عايز ميدو الهلال.
هو الكلام بقروش.
بس طلع الكلام دا جد.
المشكلة انو ميدو زاتو استغرب وما مصدق.
طبعا ما مصدق عشان ما كان بجي يوم ويطلبوا الوصيف.
ميدوا كدا يادوب بقي يشعر انو مستواه هبط.
لكن ميدو مستواه ما هبط.
الوصيف اصبح يحلم احلام يقظة كتيرة.
ميدو قال انا ما بلعب إلا للهلال.
لو ربنا كتب لي ألعب في فريق تاني غير الهلال ح يكون خارج السودان.
شفتو الكلام دا كيف.
ديل أولاد الهلال.
عارفين إنو عقد ميدو قرب بنتهي وح يجدد تاني للهلال.
لكن دي حركات الوصيف من يومو.
عايز يشتت تفكير الولد.
عليكم الله طريقة لعب ميدو بتشبه الوصيف في حاجة.
فارق كبير طبعا.
ميدو دا ما بشبه إلا الهلال.
الهلال معروف بقدم المواهب للكرة السودانية.
ميدو ما ح يكون آخر نجم.
بس الوصيف بقي يكترها معانا.
معقولة عايز ميدو مرة واحدة.
يا وصيف خليك في إنسحابك دا.
اي صحي عملتو شنو في الانسحاب.
لسه قاعدين معانا في الممتاز ولا اتخارجتوا.
طبعا مشينا السوق عشان نشتري طعمية.
بتاع الطعمية ادانا ليها في يدنا.
قلت ليهو يا عمك الليله مالك.
مش كان بتديني ليها في ورقة ظريفة كدا.
قال لي يا ولدي الوصيف عمل لينا ازمة في الورق.
قلت ليهو مالو.
طبعا عمكم زول مواكب.
قال لي يعني ما شايف كمية البيانات البطلع فيها الوصيف دي.
علي رأس كل دقيقة بيان.
أي والله صحي عشان كدا عندنا أزمة في الورق.
معقولة ميدو يمشي لي نادي كلو بيانات.
الورق مردوم من شارع الزلط.
إنتو عارفين ميدو دا حاليا يعتبر أفضل موهبة سودانية.
والمهارة العندو ما موجودة في اي لاعب في السودان.
لكن نعمل شنو مع العين.
الحمد لله اللاعب عاد اكثر قوة وسيشارك في القمة.
طبعا ح نحجز ليهو هدف في شباك جمال سالم من أسي.
اليوغندي يا ربي رجع والله لسه.
عرفها والله وعايز يزوغ.
احسن ليك.
في ناس زعلت من نتيجة مباراة الخرطوم الوطني.
النتيجة عادية.
كلنا بنحب سيد البلد يفوز في كل يوم.
حتي في المباريات الاعدادية عايزنو يفوز.
الجهاز الفني بقيادة ابناء الازرق الابرار اشركوا عدد كبير من اللاعبين كانوا بعيدين عن المشاركة في الفترة الماضية.
العملوه كلو منحوهم فرصة.
الدوري محسوم والكأس في الدولاب.
مش لينا حق نتجدع زي ما عايزين.
نلعب بالرديف ولا الناشئين.
المهم الكأس شلناه خلاص.
عارفين الوصيف بالاساسيين خائف من نمور دار جعل.
أركز يا جنا.
عايزين يهربوا لكن بقت ليهم شينه.
عايزين يتخارجوا بس خايفين من جماهير الوصيف واقلام الازرق الشرسة.
انا بديكم حل كويس.
لو عايزين تنسحبوا انسحبوا بالليل زول بشوفكم مافي.
مش كلام معقول.
دا الهلال بنريدو جد.
الهلال مفخرة داخل وخارج الجوهرة.
(صمت اخير) ..
لو عايزين تنسحبوا انسحبوا بالليل زول بشوفكم مافي.