• ×
السبت 6 مارس 2021 | 03-05-2021
بابكر سلك

اكتب قبل لقاء المدعوم باهلي عطبرة

بابكر سلك

 20  0  2482
بابكر سلك


* اي اكتب قبل ميلاد البلنت رقم 27

* البلنت رقم 27 الذي غاب عن مباراة الفاشر

* فكانت بليلة المباشر وانياب المكاشر وهتافات الجماهير المخدوعه الله يجازي حجازي

* اكتب قبل اللقاء واحساسي يحدثني بانه يوم ميلاد البلنت رقم 27

* اتضايقت واتاها الطلق وشارات الميلاد بشرت بها

* تحتاج فقط لدعم

* لان المدعوم بدون دعم لا يتقدم خطوة

* اريت الناس تضوق جغمة المديده و تسمع دقة الحديده وتدق صدورها وتعزمنا السماية

* سماية البلنت رقم 27

* ايها الناس

* الله يجازي حجازي سكت ولاعندو رأي ???

* ومريخ السلاطين موقفوا شنو !!!!

* ساكتين ولا شنوووووو+ وشنوووو+ وشنوووو???

* وموقف الاتحاد شنوووووووو!!!

* اليس ماقرأناهو اشارة واضحه للتواطوء ???

* اليس من واجبات الاتحاد ان يمنع التواطوء و يتخذ من الاجراءات والعقوبات ما يضمن به استمرار المنافسه بتجرد ونزاهة ????

* طيب عملتوا شنوووووو!!

* قلتوا شنوووووو???

* ايها الناس

* لماذا تغادر الاندية التي تحمل اسم المريخ الممتاز بسرعه ???

* ولماذا تبقي الاندية التي تحمل اسم الهلال او التي تحمل اسماء مستعارة لتغطية هلاليتها برغم تواضع مستوياتها ???

* مريخ الابيض كان في الممتاز

* وكان مميزا

* اين هو الآن ???

* مريخ الحصاحيصا كان بغلب المدعوم عااادي

* وكان مميزا

* اين هو الآن ????

* مريخ بورتسودان كان بعبعا بالممتاز

* وغلب المدعوم في استادو دوريا بي ناس فتيل

* من ديك ماشفناهو

* وكان مميزا جدا

* اين هو الآن ????

* حتي الاندية التي لا توافق علي تبعية المدعوم تغادر الممتاز ولو كان اسمها الهلال

* فهلال بورتسودان سموهوا الابن العاق لانه كان يقف بقوة و نزاهة في وجه والده المدعوم

* وكان مميزا

* اين هو الآن ????

* حتي الاندية التي تلعب ضد المدعوم بنزاهه تسقط من الممتاز

* ودونكم النسور الذي شنوا عليه حمله لا لشئ سوي انه بجرسهم كلما يلاقيهم برغم حماية اخطاء الحكام الغير مقصودة لهم بالذات في مباريات النسور

* يبقي هل ده كلو بحصل صدفه ??

* او بحصل لانو اهل المدعوم يقوموا بالشغل ده ???

* الرأي عندي ده بحصل لان الكوادر المريخيه الزيهه بعيده كل البعد عن الاتحادات ولجانها

* وبالتالي تعمل تلك بدون رقيب يقعدها في علبها

* وبالتالي تتساقط الاندية صاحبة الشخصية والنزاهه

* وتبقي اندية مستواها الفني لا يؤهلها للبقاء في الممتاز و معدل الشخصيه المستقله ينعدم عندها

* ايها الناس

* مريخ الحصاحيصا والابيض وبورتسودان اتنسوا داخل مدنهم

* فهل نعترف بقصورنا ونعمل علي دعم الاندية صاحبة الشخصيه لتبقي في التنافس تزينه بحيادها وقوة ارادتها بعيدا عن التبعيه ولو كانت تلك التبعية لنا

* ام نسكت لنري يوما الممتاز فيهو حداشر هلال وسبعه اشباه هلال

* ووقتها مريخنا يكون في دار الرياضه امدرمان

* ايها الناس

* يا اهل الربع

* يا ناس المريخ

* اصحوا وصححوا الاوضاع

* المهم

* مولانا احمد هرون كانت له اليد العليا في صعود هلال كادوقلي للممتاز بحكم منصبه وقتها

* ثم جاء شمال كردفان وكان دورة مشابها مع هلال الابيض

* يعني دايرنا يا مولانا نختار الولاه تاني بحكم لونهم الرياضي ولا شنو ???

* كده بتكتر الالوان وبتبقي اللوحه جايطه

* كفاية اللون السياسي

* اما السيد كبر

* فوجود هلال السلاطين بالممتاز يثبت حيادية الرجل وسعيه لتطوير الرياضة في ولايته بدعم الجميع

* المهم

* الساعه اسي سبعه وتلت ياربي البلنت 27 اتولد ولا لسه ???

* ايها الناس قارنوا بين مريخ الابيض والحصاحيصا وبورتسودان وهلالها الابن العاق والنسور وموقف مريخ كوستي وبين الرابطه وهلال كادوقلي وامل عطبره

* وبعد داك ورونا النتائج شنو والمواقف شنو ولي شنووووو!

* المهم

* ماشين مدني

* والريس بره البلد

* كلف عزالدين الجاك الذي قام بحجز الفندق وسداد المبلغ والذي منو

* وتكفل البلف ببقية الالتزامات

* في بص الوالي البقول للكمساري نفرين البلف بس

* في ناس التزموا بحاجات كتييييره

* مادفعوها

* وبقولوا للكمساري لو طقطق ليهم

* قداااااااااام

* ياناس

* لو زول عازم الناس غداء

* وفي الغداء زاغ من الدفع

* وغيرو دفع

* شينه منو لو حلف طلاق يدفع حق الشاي

* القصة دي ما بتتضاري عزومة الغداء الزاغ منها

* ايها الناس

* الساعه سبعه ونص

* ولم نسمع صرخة المولود البلنت رقم 27

* الدكتور ده أخر الولاده لي بعد تسعه ولا شنو!!

* معليش نسيت

* المواعيد بعد تمنية

* يربي في عزكم ياروشا

* ايها الناس

* ان تنصروا الله ينصركم

* اها

* نجي لي شمارات والي الخرتوم

* كان شفت يا والينا

* زهجنا زهج

* زهجنا زهج يا والينا

* لمن للموت اتمنينا

* حتي الموت رافع قزازو علينا

* والسكاك ساكينا قبال نقول حرينا

سلك كهربا

ننساك كيف والكلب قال يا الحريتوا وجريتوا ميس مافي تجروا بس لمن نفسكم ينقطع
امسح للحصول على الرابط
بواسطة : بابكر سلك
 20  0
التعليقات ( 20 )
الترتيب بـ
الأحدث
الأقدم
الملائم
  • #1
    badr 09-30-2016 04:0
    تخريمة اولى: اقترب الهلال بنسبة كبيرة من حسم لقب الدوري الممتاز بعد فوزه الباهر مساء امس على الاهلي عطبرة وصار الفريق بحاجة الى نقطة واحدة لاعلان فوزه بالبطولة.. واعتبارا من اليوم نحن على موعد مع المزيد من النحيب والبكاء على اللقب الضائع من جانب الكورال الاحمر..
    # تخريمة ثانية: ان العقبات الغنية والاخطاء الني وقع فيها مجلس الادارة المريخي ومن يتولون مسئولية التحكم في القرارات بالريموت كنترول.. والظن ان الاولى للمريخاب الاصلاء البحث عن الاسباب الحقيقية التي ادت لضياع البطولة بدلا من اللهث خلف الوهم المتعلق بمحاباة الحكام للهلال وغيره من الاوهام..
    # تخريمة ثالثة: مع اقتراب موسم التسجيلات الرئيسية فاننا على موعد مع انتعاش سوق السماسرة وبالتالي فان هواة الصيد في المياه العكرة سيتحركون بقوة خلال الاسابيع القليلة القادمة.. وده معناه اننا موعودون بالعديد من التحاوزات الخطيرة.. فقط تابعوا ولا تتعحبوا..!!
    محمد كامل سعيد.
    ...والله يا استاذ سلك الاختشوا ماتوا

    بالله عليكم كفاية غش فينا ومدعوم ما مدعوم الهلال رغم عثراتة كان افضل من المريع تنظيما واستقرار اداريا ولو كان الكارجينال ما بسمع كلام فطومة والرشيد ومزمزم ابو القنابل و حاج موت اب شيبة والصحفي المابعرف اكتب الا لما ينغلب الهلال ولما ينغلب المريخ يغيب شهة الصحفي بتاع الحريم داك راح لي اسمة صراحة كان ح يكون فائتنا اقصد فائت المريخ اقل شيء ب 18 نقطة بس تغيير المدربين اثر علي اداءه الفني عشان و مزمزم واب شيبة وود الجاك وصحفي الحريم وواحد تاني اسمه معاوية لكن ود كامل دا زول والله بحب المريخ اكثر منكم وانت لانك محامي بيع كلام كلامك ما بنصدقة لانه كل غش ولانك بعتوا لينا وهم بالله لا تستحقر الناس واكتب بادب عشان نقرأ والله مقالك دا انا ما قريتة لانه مافيه جاحة تنفع المريخ بعد ما نفختوه واطرشق في راس مزمزم ابو القنابل الكذاب المنافق
  • #2
    alisheikh mohamed 09-29-2016 11:0
    انت موهوم ومدعوم واهداف الهلال سيدكم عمل ليك واخوانك الدلاقين ارتجاج في بقية عقلكم الطيروا ليكم شيبولا وموكورو
    بكرة داعنك حفلة عندما نحتفل بالكاس من الملعب وليس من المكتب
    تسقط تسقط تسقط شلة اللقيمات ( عزو ---سمير فضل -معتصم - مجدي واسامة ومزمز وابو شيبة ) وغيرهم من الدلاقين المدفورين من اتحاد اللقيمات
  • #3
    الفاتح نورالدين قاقا 09-29-2016 10:0
    يا سلك يا مهرج أربعة أهلي عطبرة فيها كم بلنتي عشان نصدقك بشرت الرياضين بمولد البلنتي رقم 27 و ينو ياوهم صحفي كيسو فاضي و فاقد تربوي بطل الحقد و زرع الفتن و نشر ثقافة العنف و الترهيب و التنكيل بالحكام و قد بدأت بوادر الفتنة التي روجت لها ضد الحكام تأتي أكلها و اصبح اي فريق ينهزم يكون التحكيم هو السبب و يكون الحكم هو الضحية و تسال الدماء و تنتهك حرمة السلوك الرياضي و تتفشى العصبية الرياضية والتي أنت أول مؤسسيها
  • #4
    ابو عمر 09-29-2016 10:0
    انت فى و ادى و الصحافة الرياضية فى وادى .... شمارات و شغل مشاطات ... ارتقى لمستوى المهنية يا .... سلك
  • #5
    ابو عمر 09-29-2016 10:0
    انت فى و ادى و الصحافة الرياضية فى وادى .... شمارات و شغل مشاطات ... ارتقى لمستوى المهنية يا .... سلك
  • #6
    وطن الجمال 09-29-2016 09:0
    بالله دي كتابة زول يحسب نفسه صحفي. أسفي على صحافة بلدي مثل اسفي على كل جميل قد رحل.
  • #7
    fathi farah 09-29-2016 08:0
    والله العظيم انت رجل مخرف يا اخوي احسن ليك تشوف التمثيل وتستفيد منه بالله عليك الله ده كلام واحد صحفي واقسم بالله انت ومثلك محمد عبد الماجد ومزمل وكذلك كثير من الصحفيين والله خساره فيك وفيهم اسم صحفي وبسببكم دمرتو الكورة السودانيه وارجع للوراء ولارشيف الصحافه الرياضيه وانظر ماذا كان بيكتب الصحفيين الرياضييين وبس اقول ربنا يهديكم وتبعدو عن الرياضه السودانيه .
  • #8
    عبد الهادي عبد المطلب 09-29-2016 07:0
    ايها السلك كنت تكتبها قبل لقاء المدعوم واهلي عطبرة ... لانه بعدها صار موضوعك وكل ماذكرته شمال في مرقه ... ومرجبا بالسكورتا بعد غيبه وامسكو الخشب الدوري انشاء الله العام القادم لا داعم ولا مدعوم الاقاليم ظلت... سلك عنكبة
  • #9
    أبو محمد 09-29-2016 06:0
    قال التحكيم ،، بونية بكري جري كيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    بعدين ما دام المريخ أبوهم التعبان وخايب برفعوا فيه ترفع داير فرق مرخرخيين الأقاليم ينجحوا؟؟؟
  • #10
    معز حيدر 09-28-2016 09:0
    انشاء الله اتمتعت امس
    البلنتي 27 في الرد خسر
    خلي الولي يحكمها
    انت امسك راية وابوشيبة الاخري
    الحكم الرابع مزمز
    مراقب الحكام هيثم طرب
    كدة كيف
    نحن باقي لينا نقطة ونعرش
  • #12
    Zaza 09-28-2016 09:0
    المخدر الثانى فى المريخ عمنا أبو السلك.لحدى ماتلقو نفسكم سابع الدورى فريقك تعبان ياعشمان وكا حيوديك لقدام وامس شفناكم فى سوق مواسير نيالا وهدفكم التسللل الواضح ومهاجم مريخ نيالا يواجه القون وضعها خارج الشبكه.وكل الناس فهمت الحاصل
  • #13
    محمد ابراهيم 09-28-2016 08:0
    ركز على الوصافة قبل ما تطير منكم هل هلال الابيض مدعوم
  • #14
    وليد عبدالعزيز المهدي 09-28-2016 08:0
    يا اخ بابكر حرام عليك اتقي الله ياخ مايصح كتاباتك بالطريقة دي انت كدا بتولد الحقد والكره داخل النفوس وتثير الفتنة بين الجماهير والرياضة يجب ان ترقي فوق هذا وذاك انها في الاخر رياضة مافي داعي تبث احقادك وتثير الفتن عيب عليك الفتنة اشد من القتل مفروض نرقي بافكارنا واطروحاتنا ونحاول نعالج ماخلفته كتابات تمثالك من انصاف الصحفيين المحسوبين علي الصحافة ياخ تعلم من الصحافي علم الدين هاشم وانظر الي كتاباته واستفيد منها
  • #16
    Hajjam 09-28-2016 07:0
    بلنتيات الجلكسات مابتلحق ياسلوكة والبيتو من قزاز مايجدع الناس بالحجارة.
  • #17
    Hajjam 09-28-2016 07:0
    حسبنا الله ونعم الوكيل عليكم يادعاة الفتنة والتعصب الاعمي وربنا يجعل كيدكم في نحوركم يااعلام الضلال. هل يوجد دعم اكبر من كاسات اللقيمات والاستئنافات. حقا الاختشو ماتوا. ان شاء الله ربنا يورينا فيكم ياصحافي الغفلة.
  • #18
    Adil Salih 09-28-2016 07:0
    اكثر فريق نال ضربات جزاء فى الممتاز هو المريخ فمن يكون المدعوم هذا بغير القرارات الإدارية التى تمنحه نقاط المباريات التى انهزم فيها. اكتب هذا الكلام مع علمى التام بانه لن ينشر كما سبقه من آراء كتبتها وهذا ايضا نوع من التنحياز والدعم
  • #19
    صالح عثمان 09-28-2016 07:0
    لماذا تغادر الاندية التي تحمل اسم المريخ الممتاز بسرعه ???

    * ولماذا تبقي الاندية التي تحمل اسم الهلال او التي تحمل اسماء مستعارة لتغطية هلاليتها برغم تواضع مستوياتها ???
    اقولك ليك السبب لا لا انت بالجد حتزعل .
  • #20
    محمد عبدالقادرالرديري 09-28-2016 06:0
    شر البلية ما يضحك خلاص المريخ نزيه وماشي في الطريق الصحيح / عمك سمير غاب وغابت البطولة للابد ان شاء الله ولو نزل قانون الرياضة الجديد تاني الممتاز للمريخ لحسة كوع في ظل ظهور قوة جديدة / كدي انصح جبره بحال الفريق ما يفقد المركز الثاني خليك من الامور التافه دي / الهلال خلاص اخد الكاس بضربات جزاء وهمية او صحيحة خلاص ما في داعي للبكاء واتركوا شماعة التحكيم وشوف مشاكل فريقك المالية والادارية والفنية يا صحفي الغفلة والوالي محق في وصفكم بالاعلام السالب
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019