* تحدثنا عن مجلسنا واطلقنا عليه لقب بص الوالي
* والقصة دي ما عندنا برانا
* فهي منتشرة من زمن الكورة كان اسمها التيوه
* اعضاء مجالس قاعدين ساي
* الشغل كلو عند الرئيس وعضو او عضوين
* والبقية دورها عند طقطقة الكمساري الترديد بشكل كورالي قداااااام
* ولن ننسي عبد المحمود في الموردة ولن ننسي عثمان انطون في التحرير ولا عباس الحافظ في العباسيه ولا الوسيلة العكام في التاج
* حتي الاندية الولائيه تسيرها اسماء محدده وبيوتات معينه من حر مالها
* وهو وضع لا يؤكد علي اهلية الحركة الرياضية بقدر ما يدلل علي همجية ادارة الكرة عندنا وعدم منهجيتها
* فنادي يعتمد علي جيب نفر نفرين يدخل تحت طائلة اندية الحلال والحواري
* النادي المثالي والذي يرنو للعالمية والمؤسسية هو الذي يعتمد في ايرادته علي استثماراته
* هذا الوضع العجيب مستمر حتي يومنا هذا وفي اكبر انديتنا
* في زول بتذكر مجلس صلاح ادريس كان فيهو منو ???
* طيب في زول بتذكر نائب صلاح ادريس كان منو ???
* بالطبع الارباب زاتو لا يذكر لان اعضاء مجالس صلاح كانوا يدمنون قولة قدام
* خليهو مجلس صلاح داك
* اسي
* في هلالاب مابعرفوا زول في مجلس الهلال غير كردنه
* والمتابع عن قرب منهم بعرف من مجلس الهلال فقط كردنه وفطومة اختي و عماد الطيب
* في ناس قايلين فطومة اختي عضو مجلس جابت تلتمية صوت
* شخصيا بعرف انو الباشمهندس هرون نائب كردنه
* تاني فيكم زول بعرف عضو مجلس في ادارة الهلال!!
* قول كردنه لا قدر الله قول زهج مشي
* ناس روشا ديل حايسقفوا علي كدة ولا حاتدقهم المطرة زي دقتها ليهم يوم التطواني!!
* ده حال ادارة الرياضة في بلد تحلم باللعب في كاس العالم
* غايتو اخير نحنا
* عندنا عبد الصمد بدفع وبقول نفرين
* زيو في مجلسنا ما ظنيت
* وزيو في باقي انديتنا بما فيها هلال فطومة برضو ما ظنيت
* نغمة اعضاء المجالس واااحده
* زي نغمة الجلكسي
* تلقي تلفون ضرب الناس كلها تهبش موبايلاتها
* نغمة واااضحه
* طق طق طق
* قداااااااااام
* ايها الناس
* بناء فريق لنادي ساهل
* وممكن يتم سريع
* لكن الصعب هو بناء استثمارات للنادي تمكنه من الاعتماد علي نفسه وبلوغ العالميه بخطي ثابته
* عشان كدة لينا مية سنه بنقول الاستثمار الاستثمار ولو كريز وامجاد وركشه ودفار
* المهم
* فيكم زول بعرف خمسة من اعضاء مجلس الهلال !!!!!
* انا غايتو بعرف كردنه واشرف وفطومه وهرون وعماد
* شخصيا ما بعرف كل اعضاء بص الوالي
* لانو الذاكرة البتكفي لحفظ اساميهم كلهم بتكفي براحة لحفظ القرآن
* لكن الفاعلين منهم خمسه
* الريس وقافل البلف و دكتور علاء
* انقروا الاتنين البتمو الخمسه منوووو و منوووووو !!!!
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* الباعوض اليومين دي شغال ردم فينا
* العض كلو في رجلينا
* ده باعوض ولا كلب يا والينا!!!
سلك كهربا
ننساك كيف والكلب قال حقو يخصموا ليكم حق البفباف من العوائد .وهز ضنبو وجري
والي لقاء
سلك