((())) المريخ هو المدعوم الحقيقي :
سألني ولدي قائلا : من هو المدعوم الحقيقي المريخ ام الهلال ؟
قلت له انهم يتحدثون عن دعومات وهميه تحكيميه لا وجود لها الا في قواميسهم الباليه وقد شككوا حتي في الحكام الاجانب ناهيك عن السودانيين وان كان الهلال ليس طرفا في اتهاماتهم للحكم السوداني المسكين
ومن المفترض ان تقدم ادارة المريخ لللجنة الانضباط في الاتحاد العام وان كان يرأسها الجكومي وهو مريخابي معروف ولا يثق فيه ( وربنا يعجل بقدوم بعبد الرحمن سر الختم ) عشان تشوفوا النجوم في عز الضهر
وياريت يتم محاكمة المريخ كما يجري في المملكة العربيه السعوديه حيث اقترح بعضهم بتقديم الدكتور عبد اللطيف بخاري للتحقيق لمجرد تغريدة عبر حسابه في موقع التواصل الاجتماعي "تويتر" جاء فيها "الهلال يُمتعني جدا في لعبه وجدير بالبطولة.. ولكني أشم هناك عمل خفي وترتيبات دنيئة مبكرة لتمكينه ببطولة الدوري..
وقامت لجنة الانضباط في الاتحاد السعودي لكرة القدم بإيقاف د.عبداللطيف بخاري لمدة عام وغرامة(300,000) ريال لإساءته وتشكيكه في نزاهة اتحاد الكرة .
وشوفوا كيف قرارات الرجال وبعكس اتحادنا الهزيل وهو يترك المريخ يضرب الحكام ويطرد الشرطه ويسيىء اليهم ودون عقاب
اتهامات المريخ المستمرة للتحكيم تستحق المحاكمه فهل من مجيب
فيا ولدي اعلم ان :
المدعوم الحقيقي هو من يسانده اتحاد معتصم باسامته ومجديه ومعتصمه وهو يسيىء للتحكيم بصفه مستمره
والمدعوم الحقيقي هو من تجمع له النفرات الحكوميه علي التوالي
والمدعوم الحقيقي هو من اختاره الاتحاد الفاشل للبطوله العربيه
والمدعوم الحقيقي هو من منحته الحكومه بطولة دوري ٢٠١٥ علي الورق
والمدعوم الحقيقي هو من يصرف مرتبات محترفيه من ديوان الزكاة
والمدعوم الحقيقي هو من افلس ببنك الثروة الحيوانيه
والمدعوم الحقيقي هو من حصل علي دعم عبد الرحيم حسين والي الخرطوم
والمدعوم الحقيقي هو من كان يدعمه مصطفي اسماعيل وزير الاستثمار باستمرار
والمدعوم الحقيقي هو من طلب من الاتحاد العام بحكام معينين لمبارياته وكان له
والمدعوم الحقيقي هو من تجرأ بطرد شرطة السودان من ملعب المريخ ولم يعاقب
والمدعوم الحقيقي هو من اقتلع النقاط الخمس من فرق الدوري المسكينه
والمدعوم الحقيقي هو من قام بفعلته المشينه في مكاتب اتحاد الحصاحيصا وقالوا دي زجاجات فيتامين سي ولم يحقق معه احد
هل عرفت يا ولدي من هو المدعوم ؟
قال ولدي : بصراحه فريق المريخ هو المدعوم الحقيقي في هذه البلاد
((())) مباراتنا مع المريخ ليست بمباراة قمه :
ولانها مع نائب الوصيف فلن تكون قمه
وحقا فنحن ننتظر بشوق ليلة القبض علي الوصيف الرهيف
وننتظر بشوق ليلة سقوطه علي الرصيف
وننتظر بشوق ليلة العمر التي ستخرس فيها كل الابواق الحمراء
وننتظر بشوق ليلة القضاء علي من انهكته تبلديات موكورو
وننتظر بشوق ليلة توقف طبول الاعلام السالب
وننتظر بشوق ليلة اقامة سرادق الحزن الاحمر
وننتظر بشوق ليلة ندم السيد جمال علي العودة الي ذلك الكوكب المتهالك
وننتظر بشوق ليلة حزن ٢٨ تسييري
وننتظر بشوق ليلة اهداف البطاح الجميله في جمال سالم
وننتظر بشوق ليلة ابداعات شيبولا وتلاعبه برواكيب الوصيف
وننتظر بشوق ليلة سيمفونية مازيكا الهلال
وننتظر بشوق ليلة ذكري صاروخ بويا في اكرم الهادي
وننتظر بشوق ليلة تشات بشه المحفوظه للمريخاب
وننتظر بشوق ليلة حصاد بلاتشي وابداعاته
وننتظر بشوق ليلة افراح جماهير الهلال بالدوري
وتحيه للفنان الكبير صلاح مصطفي
وﻣﺎ ﻋﺪﺕ ﻗﺎﺩﺭ ﺍﻧﺘﻈﺮ
ﺳﺎﻣﺤﻨﻲ ﻏﻠﻄﺎﻥ ﺑﻌﺘﺬﺭ
ﻣﺎ ﻛﻨﺖ ﻗﺎﻳﻞ ﻣﻦ ﻋﺘﺎﺏ ﺗﺤﻜﻢ ﻋﻠﻲ
ﺑﺎﻟﻮﺣﺪﺓ ﻭﺍﻟﺸﻮﻕ ﻭﺍﻟﻌﺬﺍﺏ
ﺍﻧﺖ ﺍﻟﻘﺒﻴﻞ ﺷﻠﺖ ﺍﻟﺼﻌﺎﺏ
ﻓﻲ ﺩﺭﺑﻮ ﻋﺪﻳﺖ ﺃﻟﻒ ﺑﺎﺏ
ﻟﻮ ﺍﻧﺖ ﺯﻫﻮ ﺍﻟﺤﺴﻦ ﻓﻲ ﻋﻴﻮﻧﻚ ﺑﺪﺍ
ﺧﻠﻴﻚ ﺃﻣﻴﻦ ﻓﻲ ﺍﻟﻌﺸﺮﺓ ﻟﻲ ﺁﺧﺮ ﻣﺪﻯ
ﻛﻴﻒ ﺗﻨﺴﻰ ﻟﻬﻔﺔ ﻗﻠﺒﻲ ﻟﻴﻚ
ﺗﻨﺴﻰ ﺍﻟﺤﻨﺎﻥ ﺍﻟﻜﺎﻥ ﻟﺪﻳﻚ
ﻟﻮ ﻣﺮﺓ ﺍﺳﻤﻚ ﻓﻲ ﺍﻟﺒﻌﻴﺪ ﺷﺎﻳﻠﻮ ﺍﻟﺼﺪﻯ
ﺑﻞّ ﺍﻟﻨﺴﺎﻳﻢ ﺍﻟﺤﻠﻮﺓ ﺑﻲ ﻗﻄﺮ ﺍﻟﻨﺪﻯ
ﺗﻠﻘﺎﻧﻲ ﻭﺍﻗﻒ ﻣﺮﺗﻌﺶ ﺿﺎﺭﻉ ﺇﻟﻴﻚ
ﻋﺎﺭﻑ ﺗﻤﺎﻡ ﺩﻩ ﺍﻟﻤﺴﺘﺤﻴﻞ
ﺍﻟﺤﺴﻦ ﻭﺍﻟﻄﺒﻊ ﺍﻟﻨﺒﻴﻞ
ﻳﻐﻀﺐ ﻳﺠﻮﺭ
ﻟﺤﻈﺎﺕ ﺧﺼﺎﻣﻮ ﺍﻟﻤﺮﺓ ﺗﺘﻤﺪﺩ ﺷﻬﻮﺭ
ﺻﺪﻗﻨﻲ ﻟﻮ ﺃﻏﻠﻂ ﻣﻌﺎﻙ ﺩﺍﻳﻤﺎً ﺃﻗﻮﻝ
ﺍﻧﺖ ﺍﻷﺻﻴﻞ ﺍﻧﺖ ﺍﻟﻮﻓﻲ
ﻋﻦ ﺣﺒﻲ ﻣﺎ ﻣﻤﻜﻦ ﻳﻤﻴﻞ
ﻳﻀﺤﻚ ﺳﻼﻡ ﺍﻟﺪﻧﻴﺎ ﻓﻲ ﻋﻴﻮﻧﻚ ﺩﻟﻴﻞ
ﻣﻦ ﺑﻌﺪﻭ ﻣﺎ ﺩﺍﻳﺮ ﺩﻟﻴﻞ
ﻣﺎ ﻋﺪﺕ ﻗﺎﺩﺭ ﺍﻧﺘﻈﺮ
ﺳﺎﻣﺤﻨﻲ ﻏﻠﻄﺎﻥ ﺑﻌﺘﺬﺭ...
وتحيه حاره للشاعرة الجميله نضال حسن الحاج التي يدق قلبها عشقا للهلال :
سيد البلد دخري السنين الشينة.....
توجناك امير تملأ الفرق لي عينا
يا عشم الوطن ساعة جفاف العينة
دا ( الهلال ) البطل الماشربوا قالوا روينا
===================
جبناها بالحلال ما بالكجور واللفة
عاجبنا الهلال ملك النشاط والخفة
ناس واحد أغسطس ما كان مروقهم صدفة
يشربو في الأسي ولسة الوجع ما خفا
===================
والناس الحمر قالوا الهلال ما بجيبا
شغالين مواجع..غايتو حاجة عجيبة
اكان جابا الوصيف والصدفة جاتو قريبة
لسيد البلد شايفين دي حاجة غريبة
===================
ويالمريخ دحين اسكت كلامك لمو
ناسين ( التبلدي ) الكب فيكم سمو
لو تبدوا الكلام والله نحن نتمو
وإن نضم الأسد حقو ........ ينطموا
====================
وشن جاب القمر للنجمة....يأخ معقولة
دا القمر البغيب من شوفنا يأخد طولة
بظهر باناقة نجيماتكم ما بتطولا
ويا الكان انغلبت جوانا انت بطولة
((())) الوصافه في مهب الريح :
وانا اختم هذا المقال اخبرني صديق ان هلال الابيض قد قلص الفرق بينه وبين المريخ الي نقطتين فقط
قلت لصديقي الليله والليله دار ام بادر يا حليله
قال لي : سجم رمادك يالوصافه وين رايحه مني
محمد حسن شوربجي
والمدعوم الحقيقي هو الهليل الذي أعفي من الهبوط إلى الدرجة الأولى بسبب تهربه من الدوري الممتاز وانسحابه من كأس السودان
(اتوبونق) ولكن المدعوم هو من يدعمه الحكام ويعطي ضربات الجزاء ويزبح له اهلي مدني ونيل الحصاحيصا والخرطوم الوطني والقائمه طوووووووووووووووويله لا تضلل القارئ...