* بابلو هو اشهر تجار المخدرات في العالم
* كولمبي الجنسيه وولد فيها من اب مزارع وام مدرسة
* كان منذ صغره يحلم بالثروة
* لذا كان يحدث اقرانه في صغره عن انه سيصبح مليونيرا عندما يصل العشرين
* برغم انه من اكبر تجار المخدرات في العالم
* الا انه مازول بحر
* ماكان بيتعاطي كتير
* وقبل مايشتغل في المخدرات كان شغال حرامي عربات
* المهم اصبح مليونير كبير
* المهم
* دعم الرياضه في بلدو وبني المنتزهات وملاعب كرة القدم
* وقال ليك يوم اتراهن مع زميل تاجر بحر كبير زيو
* كلو واحد فيهما عزل فريقو
* وجابو اللاعبين بالطيارة ولعبو علي ملعب بمنزل باولو
* عندو الحنه عاد
* الزول بمشي يدخل الكورة
* باولو بجيب الكورة في البيت
* عندو الحنه عاد
* ولان كولمبيا من الدول المتخلفه اجتماعيا
* ولان شبابها كان يغرق في بحر المخدرات يوميا
* فان امثال باولو يجدون رواجا في مجتمع مثل مجتمع كولومبيا
* مجتمع يحترمك بعندك كم ولا يهمه جبتها من وين
* لذا يصر امثال باولو علي دعم الرياضة وانشاء المستشفيات واقامة الجمعيات الخيريه ليصبحوا نجوما يشار اليها في مجتمعاتهم في محاولة لاراحة الضمير من الجرائم التي يرتكبونها في سبيل كسب المال وضمان العيش
* ولان المجتمع بكون فارغ سريع التهليل لاي حفنة نقود يلقيها هولاء علي وجوه المجتمع علي قارعة الطريق ليسبحوا بحمده
* وامثال باولو يجدون ضالتهم في الدول التي تهمل الرياضه
* فيقومون بتبني شأن رياضي يضمن لهم الهتاف الجماهيري بطول العمر
* وفي ظروف دولتنا دي المناخ ملائم لبابلو من بابلوهات الدنيا الكانت الي سنة كم و تسعين تشحد حق المواصلات بالامارات
* فيا الدولة تهتم بالرياضه وتجنب الشباب ويلات هذا الزمان التي تؤدي للضياع
* يا اركزوا وتحملوا بابلو جديد مع كل اشراق ليوم جديد
* لكن بيني وبينكم مابتعرفوا ليكم بابلو يتبني لينا تيم في البلد دي عشان نضمن كأس العالم للاندية??
* روشا بتعرف ليك باولو!!
* كان ما عندكم افتش ليكم معاي
* الزمن زمن بابلوهات وتابلوهات يافطومه يا اختي
* علي الرغم من ذلك كان يساعد الفقراء حتي لقبوهو بروبين هود
*ومن مظاهر مساعدته للفقراء كانت له جمعية خيرية للفقراء ولم يتناسي الدين فكانت له جمعية لدعم الكنائس كما قام ببناء المستشفيات و صيانة القائمة منها
* الزول ده شدت ما ارتاح
* يوم طفلتو جاته حمي حرق ليها اتنين مليون دولار عشان يدفيها
* عندو القنزب عاد
* والعندو القنزب عندو الحنه
* والعندو الحنه بحنن ايدينو الاتنين
*المهم
* بابلو عندو الحنه
* عشان كدة انشأ حديقة حيوان كبيييرة بمنزله
* جنينة حيوانات عديل كده
* ونحنا دولتنا عندها الحنه وعندها المحنه وجنينة حيواناتنا فرتقناها بي ايدينا
* بارك الله في صاحب ذلك القرار
* فبسببه دخلت القرود جامعة الخرطوم
* اخاف يوم قرود الجامعه تنشر جريدة حائطيه وتقيم ركنا للنقاش
* ايها الناس
* سمعنا تحت تحت بان مجلسنا جاب المليارات لاعادة هيبة الاستاد
* طبعا بقول مجلسنا اطلاقا للكل ولكني اريد الجزء
* الطقطقة البتجيب قولة قدام دي ما ظنيت ناسها بساهموا في شئ
* ولكن دعونا نطلق المحل( المجلس) و نريد الحال( من يدفع من اعضاء المجلس)
* فكل انواع المجاز المرسل تجدها متوفرة في حضرة بص الوالي
* المهم
* سألني شفت قال لي انت مابتكتب عن انجازات الهلال الدوليه ليه?
* قلت ليهو يطرشني ويعميني هو الهلال عندو انجازات دولية?
* قال لي ايوه.. قون صبحي في الزمالك
* فضحكت حتي قامت صلعتي وانزعطت من جديد تاني
* ايها الناس
* ان تنصروا الله ينصركم
* اها
* نجي لي شمارات والي الخرطوم
* كان شفت يا والينا
* ملاريات وتايفويدات وايرغانات لامات فينا
* وكلها امراض وسخ ونتاج ضبابينا
* ما مشكلة المؤمن مصاب يا والينا
* بس السؤال الحايص لينا
* العلاج عليكم ولا علينا
سلك كهربا
ننساك كيف والكلب بطنو وجعتو قال منعول ابو الضبان ظااااااتو
والي لقاء
سلك