• ×
الإثنين 26 يوليو 2021 | 07-25-2021
بابكر سلك

العرس البعد الولادة

بابكر سلك

 1  0  1394
بابكر سلك



* فى مرحلة من مراحلى الدراسية ذهبت للدرسة بتشيكوسلوفاكيا
* كعادة السودانيين فى الغربة إندمجت فى المجتمع بسهولة
* ويعود الفضل فى ذلك إلى من سبقونا للدراسه هناك ووجدناهم كجنكات كبار فى البلد ديك
* أولاد قلب براغ
* المهم كان تجمع سودانى إنسانى رائع
* وأروع مافيه ناس سخدل
* سخدل كانت جنة وفيها كلية الزراعة
* معظم اللقاءات كانت تتم بسخدل الرائعة وكذلك الرحلات
* ومن أسباب عدم الإحساس بالغربة مشاعر الأبوة التى كان يمارسها معنا طاقم سفارتنا ببراغ وعلى رأسهم المرحوم اللواء مبارك عثمان رحمه
* المهم يوم عزمونا عرس زول سودانى هناك
* العروس بولنديه جابوها الدرب هناك
* عروس السرور العظمة
* موديله ده أسى نااااااااادر
* إلا فى السفارات والبعثات الدبلوماسية
* ومشينا
* ربيناها ليك لما الجيك إحتاروا والسلوفاك إندهشو
* نحنا كمان فى الربه بنلعب !!!
* فى الحفلة ديك كان فى شافع شليق حايم
* نص السودانيين بعرفوهوا
* قلت ليهم ده ود منو ده !!
* قالو لى ود العريس ده
* قلت ليهو وأمو وين ؟؟
* قالوا لى أمو ياها العروس دى
* إستغربت من العرس البعد الولادة ده
* وذكرنى بهذا الموضوع مجلسنا
* قرارات تغيير الجهاز الفنى والتعيينات فى القطاع الرياضى ليست سوى عرس بعد الولادة
* يا حليل براغ
* ولكن هل كانت تلك القرارات نتيجة كارثة التبلدى أم كانت مدروسه وفى الحسبان !!!
* الرأى عندى لو هلال التبلدى غلبنا لى تلاتة لما ذهب محسن وبرهان
* لأننا إعتدنا على التصرف بردة الفعل لإمتصاص غضبة ناتجة عن قصور إدارى بائن
* ثم نأتى لدعوة الناس للعرس بعد الولادة
* هلال التبلدى زكرنا براغ
* نعلم انه لا فائدة من البكاء على اللبن المسكوب
* ولكن الوقوف على الأسباب التى أدت لإنسكاب اللبن نضمن به سلامة لبنا فى المستقبل ده إذا البقر حلبن
* فالابقار اصابها الجنون وهى تشاهد لبنه كل يوم مسكوب
* مسكوب مسكوب يا ولدى
* أيها الناس
* فى أغنية البنات بيت يستحق الوقفة عنده
* ووب عليا والبكا ما بجيبو ليا
* ولكن العلاقات فى بيوت البكا بقولن للنسوان خلوها تبكى عشان تتفشا
* خاص صفحة الأحمر الوهاج
* ونحن عشان نتفشى خلونا نبكى
* ولكنه ليس بكاءاً على اللبن المسكوب
* إنه بكاءٌ على تكرار الأسباب البتعتر لينا يوماتى ونحن شايلين حلة اللبن نمنى النفس بحليب كامل الدسم فنتفنقل ونكشح لبنا
* خلوها تبكى عشان تتفشه
* وخلونا نبكى عشان نتفشه
* دحيه دق الصيوان يا زول
* نبارك لمنتخبنا الشاب
* ولو ان النتيجة مخيفة
* الا ان العشم فى الخندقة يدينا الأمل الصعود
* اولاد أحمد هارون ماشين تمام
* وحقيقةً مايقوم به أحمد هارون يجعلنا نتمنى له كأسا افريقيه مع المنتخب الشاب أو مع هلال الأبيض
* تستاهل يا ابوحميد لآنك بتعرف شغل الكورة
* المهم
* سمعنا بكردنه ودعمه المتوقع لهلال الفاشر
* من حقو
* لكن لا اظن أن السلاطين بحاجة لدعم
* بل هم من يقدم الدعم المعنوى الكبير المتوقع منهم
* مريخ الفاشر كبير كبير كبير
* خاص صفحة الأحمر الوهاج
* المهم
* اسلام قالت لى نزلتوا يابابا !
* قلت ليها ياحليل العيد نزلنا يابتى
* قالت لى ان شاء الله الدولار نزل معاكم !
* عملت روحى ما سمعتها
* وبقيت اطنطن
* لو عملوا ليهو يومية ودقوا ليهو الطار ما ظنيتو ينزل
* طالما وقفنا تصدير القطن وفتحنا استيراد التفاح كل شي جائز
* الموت ذاتو جائز
* ايها الناس
* ان تنصروا الله ينصركم
* أها
* نجى لشمارات والى الخرتوم
* أكان شفت ياالينا
* زمان كنا بنقول باكر احلى
* أحلى علينا
* أسى الكلام بقى يا والينا
* أمس أحلى
* بقينا نجتر
* بقينا من الامس ياوالينا
* خاص صفحة الأحمر الوهاج

سلك كهرباء

** ننساك كيف والكلب بعد غنى قوم بارحا قال أمس أحلى وباكر أغلى؟!!!
امسح للحصول على الرابط
بواسطة : بابكر سلك
 1  0
التعليقات ( 1 )
الترتيب بـ
الأحدث
الأقدم
الملائم
  • #1
    Hajjam 09-20-2016 09:0
    الله يشبعكم في المغايص ياسلوكة. كلو حصاد السنتكم السليطة.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019