• ×
الخميس 23 سبتمبر 2021 | 09-23-2021
معتصم محمود

الكاردينال ومخطط شراء الهلال !!

معتصم محمود

 19  0  3810
معتصم محمود


@ انفردت (قوون) بالخبر الذي هز استقرار نادي الحركه الوطنيه .
@ الصدفه وحدها كشفت خطاب الكاردينال (السري) للمفوضيه لاقامة جمعيه عموميه !!
@ من عرفوا المعلومه سربوها ل(قوون) فقط باعتبارها الصحيفه الوحيده التي تملك ارادة نشر الاخبار الجرئية .
@ ماكان الامر يحتاج لهذه السريه وذاك التخفي ان كان الغرض من العموميه مشروع وغير مشبوه .
@ كافة الدلائل والمؤشرات تقول ان للكاردينال اهدافه غير المعلنه من العموميه الفُجائيه .
@ اقول (الكاردينال) لا (مجلس الهلال) لان المجلس بعيد عن القرار !!
@ استفسرت (3) من مجلس الهلال بينهم (ضابط) فنفوا علمهم بالعمومية الفُجائية هذه واكدوا ان مجلس الهلال لم يجتمع ولم يصدر مثل هكذا القرار !!
@ لم يعد سراً ان كردنه يسعي من خلال العموميه تعديل النظام الاساسي وتحويل الهلال لشركة يشتريها بما يزعمه ديون علي الهلال !!
@ امتلاك الهلال و بالمجان كمان !!
@ ان كان كردنه يمضي في السليم فعليه نشر الميزانيه المزعومه للراي الهلالي وتوزيعها علي اعضاء الجمعيه قبل فترة وفقاً للنظام الاساسي .
@ ميزانيه مراجعه من ديوان المراجع القومي .
@ عموماً لا نظن ان الامور ستمضي وفق المخطط الذي دُبر بليل ومن وراء ظهر اهل الهلال .
@ صحيح ان باب العضوية الجديده ظل مغلقاً في وجه اهل الهلال ومفتوحاً (في الخفاء) لاهل الولاء
@ صحيح ان باب تجديد العضويه ظل هو الاخر مغلقاً الا لاهل الحظوه .
@ برغم كل ذلك نقول ان الامور لن تمضي كما خُطط لها .
@ شعب الهلال لن يسمح بتحويل النادي لملكيه خاصه .
@ صحيح ان العضويه الجديده مُغلقه والتجديدات متوقفه والزمن المتبقي اقل من عشرة ايام غالبها داخل عطلة العيد لكن ذلك لن يكسر ارادة شعب الهلال .
@ حتي القلة التي تري ان سيخ واسمنت الكاردينال انجاز يعلو علي فريق الهلال لن يرضوا بتحويل الهلال لشركه خاصه .
@ كردنه ادخل نفسه في معركة مع جمهور الهلال واعلامه (غير التابع)
@ اخشي ان يغيب كردنه عن العموميه الفُجائيه.
@ لا ازعم ان الرجل يخشي المواجهات ويتهرب من مباريات الهلال لكني اقول ان العضوية المستاجره لن تحجب صوت الهلال وان كردنه (ان حضر) سيسمع راي المدرجات في كثير من تخبطاته .
@ نادي الحركه الوطنيه لن يُصبح ملكيه فرديه .
امسح للحصول على الرابط
بواسطة : معتصم محمود
 19  0
التعليقات ( 19 )
الترتيب بـ
الأحدث
الأقدم
الملائم
  • #1
    ابو مازن 09-07-2016 10:0
    اجمل واسعد خبر لشعب وامة الهلال.. وقبل كده قلت ليك بأن الكاردينال سيشتري الهلال سيشتري الهلال.. موت بغيظك بس بعدين اوع نلقاك بتشجع الهلال بعد ان يشتريه الكاردينال اعظم رؤوساء الهلال على مر التاريخ.
  • #2
    ابو صديق 09-07-2016 02:0
    بي حقو يا جنا هوي انتا بس فالح في الورجغة ما في منك فايدة غير تولع النيران ودا كلو عشان الكاردينال ما غمت ليك شي
  • #3
    محمد مصطفى 09-07-2016 12:0
    مسكين تباصر في الزمن ليكون لك شئ لكن الزمن نفسه يرفسك أما البشر يقول لا يستقيم الظل والعود أعوج..أقعد دندن نشاز عودك خلف الشعاع وليس هناك مستمع حتى النسمة لا تعبر مكانك لتحمل نشاز نغمك في الخيوط
  • #4
    بكرى النحاس 09-07-2016 11:0
    باريس سان جيرمان الفرنسى ملك الخليفى القطرى وجل الفرنسيين بيشجعونه وشلسى ملك الملياردير الروسى واغلب الانجليز بشجعوهونه وغيرهم من الفرق الاربيه بل جلها شركات واملاك خاصة مافى مشكله لو صار الهلال ملك لافراد واصبح بقامة الفرق الاروبيه وبرضه ح نشجعه لاننا بنشجع الهلال باي صفته كانت اوباي شخصيه الاعتبارية سيظل هو الهلال دعك من هذه المفاهيم القديمة والعواطف التى لاتثمن ولاتغنى من جوع الملكية لاتحجب الاهلية والشعبيه الشركات والمصانع تنتج ماهو ملك للشعوب فهى تنتج لهم ازواقهم حتى يكتب لها الحياة . مسؤلية الانتاج على الشركات ولكن مواصفات الانتاج تحدده ازواقنا اذا نحن المسؤلين عن المحتوى وبامكاننا فرض مانريده لاننا لانشارك فى قيمة المنتج حتى يرى النور ولاكن نشارك فى قيمة تقييم المنتج فاذا حجبنا مساهماتنا فى فيمة المنتج فلاحياة له مهما كانت تكلفة انتاجه يجب ان يعرف كل منا حدود مساهماته حتى يحترم ما يقدمه الاخرين فمرحب بهلالنا و هلال الكاردنال .
  • #5
    abdulbagi 09-06-2016 07:0
    يا اخى قلنا الف مره انو نحن فى الهلال عندنا كبير والكاردينال انتقدناه كثيرا ارجع الى ارشيف كفر ووتر ولكن انت تشخصن الامور ولا ترى فى الرجل غير اخطائه وهذا ليس عدلا ولا اسلوب صحفى لان شخصنة الامور ليس من الصحافه فى شىْ . شخصنه الامور لها مكان اخر غير الصحافه
  • #6
    abdulbagi 09-06-2016 07:0
    يا اخى قلنا الف مره انو نحن فى الهلال عندنا كبير والكاردينال انتقدناه كثيرا ارجع الى ارشيف كفر ووتر ولكن انت تشخصن الامور ولا ترى فى الرجل غير اخطائه وهذا ليس عدلا ولا اسلوب صحفى لان شخصنة الامور ليس من الصحافه فى شىْ . شخصنه الامور لها مكان اخر غير الصحافه
  • #7
    حاتم احمد محمد يوسف 09-06-2016 06:0
    الاخ معتصم
    تحياتي
    اولا انا من المتابعين بكتابتك ومايسطره قلمك من مواضيع حساسه ونقد بناء وشجاعتك في معالجة كثير من المواضيع التي تخص الجانب الهلالي علي وجهه الخصوص ولكن اخالفك الراي هذه المره فيما تطرقت اليه من وجهة نظرك في تفكير الكردينال من شراء نادي الهلال لان الهلال لم يكن يوما ملك لاحدولن يكون ملكا لاحد فكل توقعاتك او ما تستند اليه لا يمت للحقيقة بصلة فرجاء يا اخي ان تكتب عن شئ واقعي وملموس مثل افتخارنا بالجوهرة
  • #8
    قاسم امين 09-06-2016 05:0
    يا معتصم (البرير) انت عارف واي سوداني عارف انو الهلال دة ما ممكن زول يشتريه وحتي الحكومات كلها حاولت ذلك لكن هلال الشعب عصي علي التطويع ..اما ما يقوم به الكاردينال من عمل عظيم تجاه محبوبنا الهلال فهو عمل يستحق منا ان نشكره وندعو له بالتوفيق وطول العمر وليس الشتم والتشكيك ليل نهار كما تفعل انت ارضاء لكفيلك البرير الذي دمر الهلال رغم هلاليته التي لا ننكرها..وانا عضو الجمعية العمومية وساحضرها حتي ولو لم استلم تقريري الاداء والميزانية
  • #9
    ابوعايشه 09-06-2016 05:0
    وانت قاعدين للخراب منو قاعد ادفع غير الكاردنال مدام هو البدفع يستاهل اعمل اي شي
  • #10
    أسامة 09-06-2016 04:0
    تخبطات شنو وبيع شنو وشراء شنو ياخي خليك موضوعي لنفرض إنه عايز إمتلك الهلال أو يشتريه أيه يعني ما معظم الأندية الكبيرة في العالم مملوكة لأفراد حصل أيه يعني هل حجبت المتعة عن الناس هل ستُحدد فئة معينة لدخول المباريات أو هل لعبت المباريات في حوش خاص ولا بس عايز ليك موضوع والله إنت محسوب علينا في الفاضي الله يهديك با معتصم إتحدث في المفيد يا خي بدلاً عن هذا الغثاء الذي تقوله.
  • #11
    ابو مازن 09-06-2016 04:0
    اذا حدث هذا فسيكون من اجمل واسعد الاخبار لشعب وامة الهلال ولقد قلت لك من قبل ان الكاردينال سيشتري الهلال.. موت بغيظك .
  • #12
    جون سينا 09-06-2016 03:0
    تعال ادفع إنت زيو وإشتريه يا مفتن أنت دائما لا ترى فى الهلال شيئا جميلا غير تمجيد أصحاب نعمتك وتبخيس كل ما يقوم به الكاردينال - رضيت أم أبيت غصبا عنك الكاردينال رئيس الهلال- عليك الله شوف ليك فريق شجعو وفكنا من كتاباتك المملة والمكررةدى.
  • #13
    أبوقصي 09-06-2016 03:0
    للاسف انت واحد بتاع فتن ولانك مالقيت مصلحة شخصية من وراء الكاردينال لذلك تحاربة لو قلبك علي الهلال تحقق من المعلومة الصحيح وبهدها تكلم بمستند يصبح صحة كلامك ولايعلم النوايا الا الله فكيف يافالح عرفت نية الكاردينال استحي واخجل علي كلامك
  • #14
    osama 09-06-2016 03:0
    لا أثق في هذا الكاتب لأننا تعودنا منه الهجوم على الكاردينال بالحق وبالباطل ولكن بالرغم من ذلك إن كان هذا الكلام صحيح فإن هذا الأمر خطير وعلى الأهلة أن يدافعوا على كيانهم بكل قوة . على إدارة الهلال إصدار بيان لتوضيح ما يدور. كما نرجو من الجميع عدم إثارة المشاكل في هذة المرحلة الحرجه ونحن على أعتاب التتويج ببطولة الدوري الممتاز.
  • #16
    وطن الجمال 09-06-2016 01:0
    اولا خبر ساااار جدا بالنسبة ليك. الارباب طلع براءة. ههههههه. خبر حلو مش! تانيا كل أندية الكورة في العالم المتقدم اصبحت شركات مملوكة لافراد واذا كان الكردنة أو غيره هم بس اللي بصرفو على الهلال الداعي شنو نقعد على عضوية ما تامين 15 الف من ملايين المشجعين وما بدفعو غير تذاكر المباريات اللي برضو حيدفعوها سواء ظل الهلال ملك عام أو خاص. اكبر شوية انت ستيني الان.
  • #18
    بكري عبده 09-06-2016 10:0
    كل الاندية الكبيرة مملوكه لاناس مقتدرين ، يعنى شنو لو الكاردينال اشتري برشلونه زاتو !!؟ هو الناس لاقيه زول يشتري ولا يبيع .. خلى يشتري ونحن الهلال بنشجعوا ونموت فيهو كان بقى حق الكارينال ولا حق اوباما .. المشكله انت الما لاقى البعبرك ... قال تلاته من المجلس قال !! انت الغايظك انو مافى زول قاعد يقول ليك بغم
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019