* اكتب قبل لقاء نيل شندي
* النيل شندي الذي اغرق الكذبة الكبري
* كذبة متصدر الدوري الذي يخسر بالاربعة في عقر داره
* وبالثلاثة خارج الديار
* انها مشاهد تؤكد تحكم التحكيم الذي لا يظلم في نتائج مباريات الدوري المنحاز
* من الله خلقنا ما شفنا متصدر دوري بتغلب سبعه في كورتين في نفس الدوري
* ولكنها ارادة الله
* اسي عليكم الله اهلي الخرطوم ده محتاج للصهينه عن ضربة جزاء ترتكب مع خليفة والنتيجة وقتها هدف للمدعوم؟؟
* يخطئ ولا يظلم وفنونو
* المهم
* اسي النسور ده محتاج لاحتجاج مكي في الكنبة ومكي في المكتبة !!
* خليهو مكي
* النسور ده كان محتاج للصهينة عن ضربة جزاء مع طرد مدافع الهلال !!!
* انه يخطئ الذي لا يظلم
* لكن لي اسي ما عرفنا اسباب رحيل الفنان والي الدين
* هل هو الاهمال من الهلال
* ام خطأ طبي
* ام انتهت المدة الافتراضية للمسطرة
* ام انه التخدير المميت يا فطومة !!!
* فطومة كلمينا
* وعن دور الهلال الكبير في علاج فقيد الشباب ود الجنيد
* كلمينا وقولي لينا ما تدسي علينا
* المهم
* امس مشينا كورتنا ضد النيل الغرق الجماعة
* برغم احترامي لبرهان
* برغم صداقتي بمحسن والتي اعتز بها
* الا ان امانة الانتماء للمريخ وقدسية الكيان وتفريز الكيمان تجعلني اقول ما اراه بكل شفافيه
* تبقت لنا مباريات اهلي مدني واهلي شندي والزنطور الدولي واهلي الخرطوم وهلال التبلدي الاربعاوي
* ببرهان ومحسن الشايفهم ديل
* ستحدث كوارث تنتج عنها كوارث جماهيريه يمكن ان تصل لدرجة نري اعضاء المجلس جاريين والجمهور جاري وراهم وشايل الطوب
صفحة وقروب شبكة المريخ سبورت.
* اليوم داك كمينة مابتكفينا
* الفضائح ماحبابها
* وعلي المجلس تحمل تلك السكة والفلقه لانه اصر علي الابقاء علي هذا الجهاز الفني
* في كورة الخرطوم الوطني وفي الدقيقة عشرين
* ام بخت ست القهوة في الاستاد
* كان لها رأي فني ناتج عن خبرة تواجدها في الاستاد طيلة خمسطاشر سنة
* الدقيقه عشرين قالت لي مدربكو ده مالو يا سلك؟
* قلت ليها مالو؟
* قالت لي يرجع رمضان النص و يطلع الشافع ابراهيم ده ويدخل باك دي شغلتو
* عاينت ليها ولقيت كنبتنا فيها فراغات كبييييرة
* اكرر احترامي لبرهان ومحبتي الشخصية لمحسن
* ولكن الرحيل واجب ومن ابناء النادي المدربين ممكن نعمل كونسلت للانقاذ
* ان شاء الله نخسر جميع مباريات الممتاز لا قدر الله
* بس تكون عندنا شخصية في الملعب وما نتعصر عصرة الخرطوم الوطني
* وان اضاع الخرطوم خمس اهداف مضمونة
* غيره ممكن مايضيعها فيضيع علينا تاريخا نتشرف به
* غايتو يا مزمل يا اخوي زي ما ضحكت في جرية الحبيب كابو في الجزائر
* كابو حايضحك عليك في جرية المجلس من الجماهير بسبب الجهاز الفني المصريين عليهو انتوا كاعضاء مجلس يا مزمز
* يبقي يا حبيب يا الاستقالة يا المضمار تمارين جري شديدة
* ايها الناس
* نعم المريخ يفقد دعائمه الاساسية
* بدءاً من السيد راجي عبد العاطي سفير المريخ لدي مصر و مروراً بامير وعلي وعلولو وبكري وغيرهم
* لكن حتى ولو بالاشبال البصمة التدريبية لو في بتنشم
* ايها الناس
* قمت بزيارة للابن الفنان شول منوت
* ذلك الابنوسي المبدع الذي اطل علينا من خلال نجوم الغد
* وجدته في حال يغني عن السؤال
صفحة وقروب شبكة المريخ سبورت.
* ليس وحده
* بل بقية زملائه من المرضي ومرافقيهم
* وموش كده وبس
* بل المستشفى زاتو
* لو جيت نصيح تمرض جوة
* عبارة عن حوش الخرد
* ومهجور فارقت اشجاره الطيور
* الشكل مامقبول وكذا المضمون
* لما تدخل اول سؤال يتبادر لذهنك الولاية دي فيها وزير صحة؟؟
* وكمان تم اقتطاع الجزء الغربي من المستشفى
* ياربي اتباع متين ولي منو؟؟
* ولا لسه ما اتباع؟؟
* وهل حال المستشفى هو اعلان لتجفيفه؟؟
* طيب غيرو وين في السودان ده مستشفى متخصص في الحالات دي؟؟؟
* وهل صحيح ان من ينقل منه تجفف وظيفته؟؟؟
* يا ناس البرلمان
* بدل تصفقوا زوروا مستشفى الصدرية بامدرمان واستدعوا وزير الصحة وفتفتوهوا حته حته
* صفقتكم اتعرفت واتكرهت
* شوفوا ليكم مرة واحده شغلة غير صفقة الكورس دي
* واذا عاجبكم الصفقة
* دار الغناء الشعبي محتاج صفاقه
* موضوع كبير سنعود له بالتفصيل الممل
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* زماااان لما عيد الضحية يجينا
* في ناس كده كانوا بتجدعوا فينا
* الواحد يجي الزريبة وقريييب يقيف لينا
صفحة وقروب شبكة المريخ سبورت.
* ارفع الاربعة خرفان الكبار ديل في البرادو ده يا اخينا
* وبعد يرفعوهن يدفع ربط ربط ويفحط يخلينا
* السنة دي يا والينا
* زول من ديل لما في الزريبة يجينا
* اتوقعوا يقول للعربي ارفع الاربعه خرفان الكبار ديل في البرادو ده وشيل البرادو يا اخينا
سلك كهربا
ننساك كيف والكلب قال السنة دي يا خروف يا بلح يا بهارات التلاته مع بعض استحاله
وإلى لقاء
سلك
