> أيها الناس
> للجمهور أدوار كثيرة يلعبها تختلف حسب إختلاف المرحلة
> فهو الداعم مادياً فى كل المرحل
> والداعم معنوياً كذلك
> والمتحلى بالصبر الجميل لما الزراعه تكون بور
> من سخريات القدر أن يكون المدعوم هو المتصدر وهو بهذا المستوى المتردى
> صافرات الإستهجان تملأ المكان إستنكاراً للهردبيس البحصل فى الملعب
> وإستغراباً من نصرٍ يأتى كيف ما معروف
> أسى أهلى الخرطوم ده محتاج لى قون تسلل؟
> أسى النسور ده بحتاج لعدم إحتساب ضربة جزاء صحيحة له؟
> ولكنها الأقدار تأتى بالعجائب
> المهم
> البعض فى مجلسنا وفر أموال اللاعبين ومستحقاتهم وحوافزهم
> أقول البعض لأن البعض يقوم والبقية قاعدة تعاين والأمر فى لآخر ينسب للمجلس
> الخير تجقلب والشكر لى حماد
> وفى بص الوالى فى عشرين حماد
> وحمدو فى بطنو
> المهم
وافز ومعسكرات مافى مشكلة
> تبقى النفسيات عال العال
> ولكنه زمن الزراعة البور
> لأن إمكانيات اللاعبين أكبر مما نشاهده
> فقط التوظيف مافيش
> المهم
> الحوافز فى شهر ممكن تفوق التلتمية مليون
> والعين بصيرة
> وهنا يأتى دور الجمهور
> الكورة فى إستادنا الدخل حقنا
> ليه ما نلزم أنفسنا بدخول جميع المباريات التى تقام بالقلعة الحمراء ويكون الهدف الأول دعم النادى مادياً فى المقام الأول ودعم الفريق معنوياً
> وصدقونى الهزم الأهلى أمام الهلال هو جمهور الهلال
> فهل وعينا واجبنا فى هذه المرحلة وجينا كلنا مهما كان الأمر للإستاد لنقدم الدعم بشقيه المادى والمعنوى؟
> وفى الحتة دى بوصى المجلس بتشديد الرقابة على مافيا الدخل
> عشان ما ندفع وغيرنا يلبع
> أما الدور الثانى للجمهور فى مرحلة الزراعة البور فهو الصبر
> فمن يبتعد عن الفريق قى مثل هكذا ظروف يبقى ما صاحب وجعة
> وأظن أن الشفوت أصحاب وجعة
> فهمتونى؟
> أيها الناس
> الأندية الجماهيرية لا تموت لأن جماهيرها تتواجد حولها عند المحن
> والمريخ فريقٌ جماهيرى
> يكفى أنه الوحيد الذى حقق دخلاً بلغ مليار جنيه
> يكفى انه الوحيد الذى التف حوله من داخل الإستاد خمسون الف مشجع بالتمام والكمال
> يبقى الدعم بشقيه والصبر هو المطلوب فى زمن الزراعة البور
> أيها الناس
> أتحدى فريق فى الممتاز لاعبينو ما عندهم إستحقاقات مؤجلة
> بدءاً من المدعوم وحتى آخر فريق فى الممتاز
> بمناسبة الممتاز
> الفريق الوحيد الما إتغلب أربعه هو الزعيم
> ويا عين يا عينيا
> المواسير كلها أخدت أربعة
> والمواسير الكبيرة أخدت الأربعة على أرضها وبين صافرات إستهجان جماهيرها
> نحنا فى زمن الزراعة البور نحمد الله
> أيها الناس
> أتمنى ان تكون الرسالة وصلت
> وعرفنا دورنا فى هذه المرحلة
> أيها الناس
> إن تنصروا الله ينصركم
> أها
> نجى لى شمارات والى الخرتوم
> أكان شفت يا والينا
> نردر جِد لينا جِد لينا
> الطيارة تلاتة يوم ترش لينا
> ده الشغل يا والينا
> عشان نحس بدولة شغالة لينا
> والطيارة تجى قرييييييييييييب يا والينا
> إن شاء الله تكتل لنا بس الباعوض ما ينونى فينا
> رغم إنو واجبكم يا والينا
> لكن نشكركم على إهتمامكم بينا
*سلك كهربا*
>> ننساك كيف والكلب قال لما شفته الطيارة بترش قلت يا ربى انا فى حلم ولا فى علم ولا فى الأمارات ؟!!
والللللللللللللى لقاااء
سللللللللللللللللللللللك
ونجى لشمارات سلكنا
ياسلكنا وين بكرى المدينة مالو مابجينا
زعلان ولا بيتدلل علينا
بس مايكون كرهنا وعاوز يخلينا
انحنا مابنقدر على زعلوا وبنتيتم بعد يخلينا
سلك كهرباء عامل شورت.
جوعان حتي إذا ما ىأصابني الغثيان لا أتضرركثيرا فاليوم الساتر الله \\\
بودى لا بجيب مرة واااااحدة سطر ليك عمود ننتفع به .لماذا لا تتكلم عن مستوى المريخ المتدهور وعن بص الوالى المشحون من غير فائدة ياخ النميرى وسبعة وزراء كانوا حاكمين السودان كلو وكنا فى نعيم 28 فرد ماقادرين يسيروا نمر
والنعسان وضفر والله ديل انا براااى اديرهم ليك خليك منطقى وتحدث بمنطق مفهوم
انتو ما بتغيروا من كتاب الهلال الهلال بكون منتصر ورغم الفارق 9نقاط وعشان
المستوى المتدنى كتاب الهلال ما برحموا لا مدرب لا لاعب لا ادرى معصوم عندهم من النقد دا الكلام لا عندهم تمليس لا عندهم طبطبة الطبطبة دى خلوها ليكم
انتو اتحداك واتحداك ثم اتحداك ان تنتقد اللوالى ولو مرة وممكن تاخذ الاذن من عرابكم الكبير والله الوالى لو كان فى الهلال كان اعتزل الرياضـة
الى يوم الدين وذى ما قال ولدنا محمد عبدالماجد نحن اى حاجة عندنا بنظام وبنظام دقيق 28 عضوء مرة واحد وكشف المريخ فيه25 لاعب عجب والله عجب
الفريق الوحيدالذي إتغلب أربعة ولديه أكثر من60 نقطة (حكمة والله وحكاية)
يكفى انه الوحيد الذى التف حوله من داخل الإستاد خمسون الف مشجع بالتمام والكمال من60 نقطة (حكمة والله وحكاية)
سعة الإستاد كم نسمة؟؟؟؟؟
أسى النسور ده بحتاج لعدم إحتساب ضربة جزاء صحيحة له؟ ليه المباراة في عطبرة ولا شنو؟
صافرات الإستهجان تملأ المكان إستنكاراً للهردبيس البحصل فى الملعب
دليل على أن جمهور الهلال صاحب وجعة وضمير وإحساس
الأندية الجماهيرية لا تموت لأن جماهيرها تتواجد حولها عند المحن
هذه الأندية الجماهيرية وليست الملكية والرئيس طوالي
قلت الدخل كم مليار ؟ بالقديم ولا الجديد
الفريق الوحيدالذي إتغلب أربعة ولديه أكثر من60 نقطة (حكمة والله وحكاية)
من هو الفريق الوحيد في العالم الذي يختار الحكام حسب مزاجه؟؟
اجب علي هذه الأسئلة بامانة ياعم تنقو. الاختشو ماتوا
. رمتني بدائها وانسلت.
اقول خلك في حالك احسن
هلالابي انا لكن والله بحبك ياسلك
زز