• ×
الجمعة 29 مارس 2024 | 03-28-2024
شوربجي

مساء الخير يا الامير

شوربجي

 8  0  3387
شوربجي


((())) ومساء الخير يا الامير :

ومساء الخير يا الأمير ياالحبك شغل الضمير

انا اه يا ملاك حي والله غيرك مالي سمير

باهي طلعك ما ليك نظير

والزهر في خديك نضير

يالخيالك صار لي سمير

بي حنانك انا مستجير

حي والله غيرك مالي سمير

ومرسوم اميري خرطومي في الدقيقه ٨٠ وتحت توقيع الرائع صلاح الامير

وانبراشه رهيبه لجمال سالم

وعينك ما تشوف الا النور

وما اروعك ايها الغاني كواسي

لقد روضت وصيف دنيانا

وعلمته درسا لن ينساه

والتحكيم كان تمام

والملعب كان تمام

والكشافات كانت تمام

والرغيف كان كبير

والمواصلات كانت فاضيه

والكهربا كانت مجانا

والمويه كانت نظيفه

وبالروح بالدم نفديك يا جمولي

وبالطول بالعرض مريخنا يهز الارض

و العارف عزو مستريح

واعلام المريخ بالحيل فصيح

اللهم ارحم وصيفنا الغالي

واحفظ له الرئيس طوالي

اللهم اسكنه فسيح جناتك

لقد كان الفقيد طيب المعشر

وحسن الخلق

ودود كريم متفان

ومجتهد محب للوصافه

معاديا للحكام

صديقا للشكاوي


((())) اقرع وعلي راسه ريشه :

ينطبق هذا المثل علي المريخ الذي تعود الوصافه لكنه يتنكر

وقد قال مريدوه ان من اسباب عدم تصدر المريخ للدوري البرمجة السيئه للدوري

وان كل مباريات المريخ تسبق مباريات الهلال

رغم ان اسباب الفشل في الدوري متعددة وكثيره

فالمريخ يعاني فقرا مدقعا بعد رحيل جمال الوالي وعودته فقيرا معدما

فالكثير من لاعبي المريخ لا يحصلون علي مرتباتهم ومستحقاتهم ناهيك عن النثريات اليوميه

والشجمن من اللاعبين من يتمرد ويدخل الغابه

والذكي من اللاعبين من يتمارض ويسافر الي القاهره ولا يعود الا بالتهديد والوعيد

والمسكين من اللاعبين من يصبر ويصبر وعيونه علي السراب

والمشكله ان جمال الوالي اصبح عصام حاج آخر

وتقشف فاسي ومعلن

كشفه من هرولوا الي المريخ طمعا في دولارات جمال الوالي

والآن ولا مليم

والما عجبو يشرب من البحر

وفشل تام للنفرات الحكوميه

وفشل تام لمشروع الدعم الجماهيري ٢٨٧٠

وفشل تام للقروبات في توفير المنصرفات اليوميه للمريخ

وبارك الله في تجار الفواكه والخضروات وكرمهم الحاتمي في مد الفريق بكراتين الموز والبرتقال

ونعشم ان تحذو بعض المطاعم المريخيه حذو تجار الفواكه ومد الفريق ببعض الوجبات المفيده

وناس الكهربا والمويه

وناس الطرمبات

وناس الاتصالات

وخليك سوداني

والمريخ هو فريق الحكومه

وقد تخلت عنه الحكومه

وغرق المريخ في موية المطره

الحفرة اصبحت خطيره علي اللاعبين

ويا حليل ايام زمان ودعومات بنك الثروة الحيوانيه الذي سلم اللوحات

ويا حليل ايام الحضري واحواض السباحه

ويا حليل ايام اللقيمات

ويا حليل ايام النقاط المجانيه

ويا حليل ايام معتصم

ويا حليل سمكرات مجدي

ويا حليل اسامه عطا المنان وكيل لاعبي المريخ

يا حليل ايام العقوبات الرمزيه لبكري المدينه

ويا حليل ايام ال ٦ مباريات ايقاف وحين ضرب الحكم في شندي

في حين نال نصف فريق هلال كادوقلي عقوبات بالسنين

ويا حليل مريخ زمان والبوفيه المفتوح

ويا حليل طيارة جمال الوالي

ويا حليل هتاف جمال الوالي رئيس طوالي

ويا حليل شعار الكاش يقلل النقاش

ويا حليل قوة العين وطرد شرطة السودان من ملعب المريخ

ويا حليل ايام تحديد حكام المباريات

ويا حليل قوائم الحكام الذين يحددهم جمال الوالي

ويا حليل ايام الشكاوي

ويا حليل اللاعب الظاهره

ويا حليل الشقلوب والعقروب والعنكوب

ويا حليل الكان بيهدي الغير وصبح محتار يكوس هداي

ويا حليل المريخ الذي كان

ولا حول ولا قوة الا بالله


((())) صح لسانك شاعرة الهلال :

سوهندا عبدالوهاب

خرطوم السرور،،،والله ماقصرتا
لي تيم ناس جمال،،، شايفاك تملي دثرتا
والله الدرر،،، الليله ليها نثرتا
بكيتا النجوم،، لتيما كلو كسرتا
******
يا السموك صلاح ودالامير ياباشا
بالهدف الجميل نورت لينا الشاشه
اكرمت الوصيف بكل ذوق وبشاشه
خليت النجوم منهاره باقيه هشاشه
*******
ماشمتانه،،بس فرحانه حبه زياده
والليله الوصيف مضروب عديل كالعاده
الولد الامير للكوره شاتا وجادا
فرتق للنجوم الليله حطم وباااادا
*******
ﺑﻜﻴﺘـﻮوووﻧﺎ ﻳﺎﺥ ؛؛ ﻭﺍﻧﺎ ﻏﺎﻳﺘﻮ ﻫﺴﻲ حـﺰﻳﻨﻪ
ﺟﻴﺘﻜﻢ ﺍﻭﺍسـﻲ ؛؛ ﺑﺲ ﻋﺎﺭﻓﻨﻲ ﺯﻭﻟﻪ ﺣﻨﻴﻨﻪ
ﺷﻘﻠﺒﺖ ﺍﻟﻜﻼﻡ ؛؛ﻣﻦ ﺩﻭﻥ ﻗــﻮﺍﻓﻲ ﺭﺻـﻴﻨﻪ
ﻣﺮﻳﺨﻜﻢ ﺧﻼﺹ ؛؛ ﻭﺍﻟﺒﺮكـﻪ ﻓﻴﻜـﻢ ﻭﻓﻴﻨـﺎ


محمد حسن شوربجي
امسح للحصول على الرابط
بواسطة : شوربجي
 8  0
التعليقات ( 8 )
الترتيب بـ
الأحدث
الأقدم
الملائم
  • #2
    Mustafa Ali 08-29-2016 01:0
    تعرف يا صلاح انت ماجبت القون الصاح
    كلموا ابوشيبة حكام قولوا ليه القون مافيه اى كلام ...
  • #4
    osama 08-28-2016 12:0
    الله على الجمال كلام موسيقي ولية معني بدون الخروج من الخط ..حليل ابوآمنه حامد وكيشو.
  • #5
    حاج حمد محمد علي 08-28-2016 09:0
    ما داير اتمني هزيمة الهلال اليوم

    لكن يا جماعة الخير الدوري بيفقد طعمه

    يحننو والله قلبي متقطع عشانهم
  • #6
    وطن الجمال 08-28-2016 08:0
    "الصفوة" قالوا سبب الهزيمة المساعد مارصف العلامات كويس
  • #8
    ودعقيده خلف 08-28-2016 08:0
    يا مغيور يا صفرابي الما بتلحقو جدعو داء شنو داء المنصقه الاعلاميه امراءه والشاعره امراءه باقي الرئيس ونائبه احسن ليكم ترشحو امراءه من هسع
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019