ايها الناس
* التسيير تو ماشاء الله كتار كترة يملوا العين
* عشان كدة تم اطلاق لقب بص الوالي علي مجلسنا
* ومعروف انو هذا المجلس بهذا العدد المهول
* لم يستصحب معه ممثلا للمناشط
* قلنا يمكن سقط سهوا
* نوهنا بعدم وجود ممثل للمناشط بالمجلس
* برغم نجاحات الاخ معتصم مالك في ذلك المنصب
* في محطة المناشط الكمساري كورك
* طوالي يا
* فتحرك البص المكتظ بدون ممثل للمناشط
* بالشباك كوركوا لي معتصم وفداسي وقالوا ليهم اسي بنجي خلوا بالكم من المناشط
* يخلوا بالهم من المناشط كدة ساي
* لاقرش،ولا تعريفه ولا طرقة كسرة رهيفه ولا دقت حديده ولا جغمة مديده
* ايها الناس
* تسجيلات السله علي،الابواب
* عندنا اربعه من اولادنا طالعين فك تسجيل مستواهم في السلك
* ونرصد اتنين تانيين خطرين
* والامر بحتاج لحافز تسجيل
* سمعنا انو تم رفع الامر للمجلس
* واجتمع المجلس ولم يناقش الامر
* كتااااااار كده تسجيل ستة لاعبين سله راجين بيهو بابا جمال!!!!
* طيب راكبين البص مالنو توف لي شنو!!!
* خلو البدفع لما الكمساري يطقطق يركب
* معظم ركاب بص الوالي للاسف لو الكمساري طقطق بقولوا قدام
* ما فيهم زول بدفع وبقول نفرين
* طيب محاربين مجلس ونسي في شنو!
* كان نجيب جمال مجلس ونسي ونخليها تدردق كده
* غايتو لو فوتوا اعادة قيد الاولاد ديل تبقوا وريتونا الطفا النور منو
*ايها الناس
* دخول المجالس تكليف لا تشريف
* ومن يلج مجلسا بمفهوم انه تشريف
* عجاج كرعينو ضروري
* اما الذين يحشدون العضويه سنويا للانتخابات
* ديل موضوعهم لا تكليف ولا تشريف
* ديل ناس حاجات تانية حامياني
* لانهم بخسروا في الانتخابات
* وببخلوا وقت دعم النادي
* النوع ده نسأل الله الذي ابتلانا به ان يبتليه لينشغل،عنا
* ده النوع البحتاج قفلة بلف وقفلة اوكسجين زاتو
*المهم
* عدنا للتباري داخل العاصمه
* يعني الفرصة متاحة للاستفادة من السند الجماهيري
* والشفوت لو قصدوا التلاته نقاط بجوا حازمنها
* مابوصي شفوت المدرجات
* القصه فرض عين
* و السحب بهناك اتلملمت
* وحاتنقط تاني صدقوني
* في النقعه بتصب عديل لان الاجواء خريفه
* النقعه حيث لا تنفع صيانة المستشفيات
* المستشفي كيف يتصان والمطره كابه شوووووو ???
*بل شديد
* غايتو ياروشا الا تكتروا في المضاد الحيوي والمسكنات
* مطرة النقعه بتبل
* والبل بجيب الالتهاب
* والالتهاب بودي المستشفي
* والمستشفي مامصان
* وعدم صيانة المستشفي بجيب الحمي
* والحمي بتكتل
*
*المهم
* محمد عبد الماجد امس ضحكني
* قال استاد الهلال تلاته طوابق
* جايز يا حماده
* اي شئ زاد
* عليك الله الكورة الجايه اقعد انت في طابق
* وروشا في طابق
* وفطومه في طابق
* واتصوروا سيلفي عشان تثبتوا لينا التلاته طوابق يا حماده
* وضحكني اكتر لما قال الحكومة ما جايبه طوبه
* طوبة بالطا ولا بالاعفا يا حمودي!!
* السيخ الركب البطاح ورجع كان معفي ولا كان مسدد جماركو!!!!
* المهم
* اصدر الاتحاد عقوبات متفاوته علي لاعبي هلال كادوقلي
* في مجموعها عشرة سنوات
* القصه دي ذكرتني زمااان عندنا صاحبنا اخوهو صغير وجاهل
* اشترك مع جماعة وبتهور طعنوا ليهم زول
* قبضوهم وودوهم المحكمه
* يوم النطق بالحكم مشينا كلنا
* انا كنت واقف جمب صاحبي شقيق احد المتهمين
* القاضي وجد انهم مذنبين
* وبدأ في تلاوة العقوبه
* السجن كذا سنه لمخالفة المادة الفلانيه
* السجن تلاته سنين لمخالفة المادة الفلانيه
* السجن اربعه سنين للاشتراك الجنائي
* وواصل
* صاحبي اخو المتهم قال لي يعني كلها كده كم سنة???
* قلت ليهو اربعطاشر سنه
* اتلفت علي مولانا وقال ليهو
* يا مولانا الاعدام عندكم كم سنه!!!!!
* خيرا فعل السلاطين بمعاقبة لاعبهم عماد لاعتدائه علي الديسكو
* وده بوري ان السلاطين ناس الادب و الاخلاق عندهم قبل كل شئ
* اتمني بعد ان وعي عماد حجم الخطأ ان يسامح
* بالذات و السلاطين لديهم مباراة ضد فريق صيانة المستشفيات
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* ده الحصل لينا
* ولسه عايشين والروح فينا
* اقسم بالله العظيم يا والينا
سلك كهربا
ننساك كيف والكلب بغني ..موش حانموت الله يخليلنا
والي لقاء
سلك