((())) لماذا الهلال اولا :
مبروك النقطه ٦٨
ومبروك صدارة الممتاز
ومبروك سيادة السودان
ومبروك ريادة الاوطان
انهم يتساءلون لماذا الهلال أولا ؟؟؟
ولماذا يأتي من بعده الآخرون
ولماذا يحهلون كل شعاب الهلال
وما اصعب ان يعرف الاخرون عظمته
انهم دوما يتساءلون لماذا الهلال اولا ؟
وهو سؤال يجعلنا نفخر بأننا اول من يفتح الطريق كذلك الجندى الشجاع الذى يتقدم الصفوف الاماميه في الجبهه
وكما قالوا : أن تكون سيدا فهذا يعني أنك تدرك الفرق ..بين القائد .. والتابع ..!!
وأن تكون زعيماً ..فأنك تدرك ..أن عثرتك مجد لغيرك
وانجازك موت لهم . ..
وتحليقك عاليا هو حزن كبير وقد التوت اعناقهم وهم ينظرون الى اعلى ..
انه الازرق الدفاق ..
يهيم فينا حلاوة الحياة فنشتم منه رائحة المطر..
ويعطرنا أنفاس الصبح البهيج ..
وحين يدغدغ عيناك ازرقه وأبيضه ..
تدرك الفرق بين قلبك وقلوب الاخرين
وعندها لاتملك إلا أن تصفق له بنشوه .
متعوا اخوتى عشاق الازرق اعينكم بهذا الهلال الحميل
و إذا لَعِـبَ الـهِـلالُ فـاخبـِـرونـي فـإن الفـَـنَّ مَـنبَـعَـهُ الـهِـلالُ
افرحوا ايها الاسياد
واتركوا الآخرين في القاع
اتركوهم يتعاركون والمتمردين
اتركوهم ينزفون حتي الاغماءة
اتركوهم والانضباط الانضباطي
اتركوهم والشكاوي والولوله والعويل والبكاء
اتركوهم في حفرتهم يأكلون الموز ابو نقطه
والله ما عارفين وصيف دنيانا عندو كم نقطه
لانه كل يوم بينقط زي الزير
ونقط ينقط تنقيطا
ووصف يوصف توصيفا
وخلاص سيكون التنافس محموما علي مركز الوصافة
وسيظهر فرسان آخرون في ساحات الوغي
وممكن الوصيف يقع من قد القفه
وشوفي الزمن يا يمة ساقني بعيد خلاص
جرعني كاس
دردرني اتغربت واتعذبت
يا يمة وريني الخلاص
وظلم الزمان الخاني يا ريتو لو كان خـــــــــانك
ليه جرت واتنكرت لي الساب ديارو عشانك
شكرا اقمار الهلال هذا التميز
شكرا اقمار الهلال هذا الاداء المتميز
وحبيناك من قلوبنا وإخترناك ياحلو
ماتبادلونا العواطف
ليه تتدللو
حبينا فيك العفه والدم الشربات
والله العيون خلتنا في حيره وآهات
وفي إبتسامتك شفنا جنات وجنات
شوف العلينا وأحكم كان داير إثبات
كان الدلال من طبعك عاجبنا فيك غرور
إن جرت برضك عادل ظلم الجميل مغفور
نهواك نتيه في ريدك شايفين ألمنا سرور
نار الغرام يا ساحر في قلوبنا توقد نور
أصلو الجحيم في غرامك نرضاه عشان يرضيك
حتي المحال إن درت بنطوعو ونهديك
أرواحنا حولك هايمه حارساك دوام تحميك
بيك نورت أيامنا والفرحه تمت بيك
وما اروعك ايها الهلال
((())) قناة النيلين تستحق المقاطعة :
والله كرهتينا ايتها النيلين البائسه
فهذه القناة تكتب شهادة وفاتها كل يوم
وهي في الحقيقة قناة سيئه و
وهي تستحق المقاطعة التي تقوم بها الانديه
وما في قناة في الدنيا بهذا القبح وهذا التخلف
الكاميرات بائسه لدرجة كبيره
والنقل سيئ بدرجه شديده
والاستديو التحليلي مخجل
والعاملين علي الكاميرات لا علاقة لهم بالعمل الاعلامي
ارحمونا يا ناس بقناة اخري
محمد حسن شوربجي
كفيت ووفيت