جمعتكم مباركة
والعفو والعافية
وربنا يتقبل منا ومنكم
تتوجه قروبات المريخ اليوم الجمعة صوب النادي
لاداء الواجب الثاني من واجبات الجماهير.....
سنتوجه جميعا لاداء مسؤليتنا الاجتماعية تجاه المحبوب
كل قروب عليه التوجه للنادي بما جمع كان ميه ولا مليون ولاعشرة ولاخمسة عشر مليون
تعال بالعندك وساهم في مسيرة ناديك
كل الفكره استشعارنا بالمسؤلية التضامنية مع الادارة تجاه نادينا
نحن اصحاب المبادرة ونحن في المريخ من ابتكرنا الفكره
سياتي يوم ويتم تقليدكم من الاخرين،،،،
يوم مفتوح في نادي للجميع تعال وشاركنا الفرحة والنفرة وناس العضوية موجودين لاستخراج بطاقة الانتماء والعضوية الحمراء
يعني حضورك مكاسب للمريخ ولناديك ،،،،
الجمعة عطلة
والقروبات نافرة
والعضوية حقتنا
والمساء عندنا حفلة
يوم حيكون متعة وحب للكيان
يوم مريخي خااااااااص
وفي المملكة العربية السعودية وفي مدينة الرياض اليوم الجمعة ملتقي المريخاب مقدمة الدعوة للمجلس وعاملة نفره
ومريخاب الرياض مجتمعين للدعم ولتوسعة ماعون الملتقى
يعني برضو فتح عضوية للمريخاب في الرياض
مدن الخرطوم والرياض سيرتدون الاحمر والاصفر عنوان
ويستنشقون عطر المريخ استنشاق
الدعوة موجهه لكل مريخاب الرياض للحضور في مخرج ١٨
استراحة المها
الدعوة عامة لكل مريخاب الرياض
المجلس امس اجتمع واختصر المسافات في خمسة مكاتب ومجموعات
الحمد لله المجلس يعمل في صمت وبعيد عن الضغوط الاعلامية والجماهيرية
والاجمل حاليا ابتعاد قادة المجلس الحالي من دوائر الاعلام والحوارات الاذاعية والتلفزيونية والصحفية ،،،،،
وباكر سيتواصل الاجتماع وفي مجموعة قرارات باذن الله تسر الشارع المريخي
الحمد لله كثيرا علي نعمة المريخ
الكل يعمل.....
الجماهير تعمل نفرات
الادارة تعمل علي تسير دولاب العمل
اللاعبين يعملون في صمت ويبدعون
واعلامنا يعمل بس مرات مصحصح والمرات التانية يبتعد عننا خطوات
لو كل شخص فينا عمل العليهو تاني مافي حاجه توقفنا باذن الله
المريخ عالم جميل يااااخ
تكلمنا عن الاستثمار الرياضي قبل يومين
وسنتكلم اليوم عن التسويق الرياضي
التسويق حاليا عندنا متوقف تمام
لاتسويق للملعب وماحوله من اعلانات
ولاتسويق للمحترفين في مجال الاعلام والاعلانات
ولا تسويق لتاريخ النادي في اصدار كتاب البطولات
التسويق عندنا في اجازة مفتوحة
لكن غدا سنعلن انطلاقة جديدة لاحد روافد التسويق في نادي المريخ
ترقبوا المفاجاءة باذن الله
لكن نتمنى الالتفات للتسويق والاستثمار الرياضي
عندنا منتجات للتسويق وعندنا اصول ثابته للاستثمار
الناس لو توحدت باذن الله الملفات تشوف النور ،،،
ولنا عودة للملفات مرة اخرى،،،،
ونحن علي المدرج ندعم ونشجع ونتفرج
والرهان الان سيصبح حقيقه في نفرتنا
ثلاثة من القروبات فقط ستكسر حاجز ال٤٠ مليون
يعني من راهن علي الصفوة لن يخسر
الحمد لله اليوم يتوج مجهود الناس بنفرة تسر الامة
والحصيلة من اجل الخزينة
سنحقق المبداء الاول
نحن علي المدرج ندعم
وقبل يوم حققنا الهدف الثاني شجعنا
وباذن الله فرجتنا في مقبل الايام علي مريخ مليان شباب
شفوت مدرجات
وشفوت نفرات
وشفوت مباريات
وشفوت يلقطو في النقاط
المريخ عالم جميل
هلموا الي صلاة الجمعه في نادي المريخ وتنطلق احتفالتنا بنفراتنا
المريخ للجميع
المريخ مريخ الشعب
والشعب هو الجمهور
والجمهو هو السند للادارة
تعال استنشق عبير النفرات
تعال شوف دعم الرجال
تعال طلع بطاقة عضويتك واستمتع بالبرنامج وحترجع مبسوط
وحتمشي تترنم انك مريخاااابي
وبرااااااك تغني
اووووو اوووووو مريخ
هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية........
التغريدة لن تخرج خارج نطاق المجتمع المريخي نهائيا الا ماندر
ونقد الذات يوصلنا الي الامام والي المنصات باذن الله ،،،،،
ادعمونا بالنصح والارشاد وصححونا إن اخطأنا في يوم من الايام ،،،،،،،،
***تغريدتنا ونسة وحكاوي ونقاط بصوت مسموع***
