شوف المحبوب في قناة النيلين مابيملا العين
تعال لقلعة الابطال وشاهد المباراة من الميدان
تعال شاهد من غير حراق الروح والصورة مره مره تروح
تعال علينا وشاهدة الكوره من شاخور
اليوم يعود المحبوب الي قلعة الاسود لملاقاة السلاطين
يعود المحبوب بعد شوق للعروض بعد ان امتع واقنع القاعدة الجماهيرية نهاية الاسبوع
يعود اليوم وستعود معة الجماهير الي المدرجات باذن الله
سيعود المريخ ويطربنا وييرجع الينا مريخ سابق الاعوام
الدعوة موجهة للجميع للعودة للمدرجات ودعم شباب المريخ
شبابنا اليوم في انتظاركم
ننتظر امسية اليوم لمشاهدة المريخ الاب ضد المريخ الابن مريخ فاشر السلطان
المساندة الجماهيرية والدعم والتشجيع لشباب المريخ معناها مزيد من النقاط والسير نحو الصدارة باذن الله
مشاهدة المباراة في النيلين مابتملا العين
تعال ومعك اخرون نور القلعة وقبل الدخول لو ماعندك عضوية طلع عضويتك بالمرة
يعني اضرب عصفورين بحضورك
عضوية ومشاهدة مباراة مارثونية
القلعة تفتقدكم ياشفوت المدرجات
منظر القلعة مابشبهكم وهي فاضية
وقلعتتا ماشاء الله طابقين
تشيل من الحبايب الف
موعدنا مساء اليوم باذن الله
في فرق بين الاستثمار الرياضي والتسويق الرياضي
والاثنين نحن فيهم صفر
لا استثمار ولا تسويق
ماقادرين نستثمر الاصول الثابته
وماقادرين نسوق منتجنا
الجمهور دا من الاصول الثابته
لاذم نشوف حل للاستثمار دا عشان نفتح باب جميل اسمو الاستثمار الرياضي في الجمهور
لامنتجات تباع
ولاحفلات تقام
ولا حتى شوية اهتمام
الجمهور عندنا لسه مادة بترولية خام
ابار بترول لم تكتشف بعد
الجمهور عندنا يضاهي البترول ويتفوق عليه
علي ادارتنا فتح ابار البترول دي عشان تعيش في نعيم
مامحتاجين دول خارجية عشان
تسرق بترولنا دا
اي تسرب لمشاهدة الدوريات الخارجيه معناها بترولنا بيسرق مننا
الحقوا بترولكم ياناس قبل مالارض تجف!!!
كل اندية العالم استثمارها في الجمهور
الى عندنا نصدر الجمهور!!!!!
ياخوفي غدا نبحث عن بترولنا ونصرف قروش عشان نعيده الي منصاتة
الاهتمام بالجمهور واستثمارة مفروض من الاولويات،،،،،،،،
بمناسبة الاستثمار دا
الايام دي بيحاربو في شركات التقليد لشعارات الاندية السعودية
لماذا لانفتح الباب للشركات دي لتسويق شعارات الاندية السودانية عندنا
طالما تم قفل السوق امامهم هناك
من الاندية السعودية
لماذا لانفتح الباب لهم عندنا
هم في السعودية بيقلدو في العلامات الاصليه للاندية
لماذا لانفتح لهم الباب ليكونوا هم من يسوق العلامات الاصلية عندنا
طالما السوق امامهم تم قفله هناك واي تاجر بيبحث عن سوق جديد لبضاعتة !!!!
تعاقدوا مع شركتين وافتحوا لهم متجر في النادي يبيع للجماهير الشعارات وكل المستلزمات
لاتحتاجون الى مكان والنادي كبير يسع من المتاجر كتير
افتحو متجرين واستقطبوا شركتين من الشركات المطروده او الممنوعه من البيع في المملكة خلوهم يستوعبوا الجماهير والنادي يستفيد من الايجار ونسبة في بيع الشعار وارضاء الجمهور والاستثمار فيه
الموضوع سنعود له بالتفصيل ومستعدين لتوفير كافه المعلومات والنقاش في النقاط السابقة بالذات،،،،
لنا عودة غدا للتسويق الرياضي وباقي من الاستثمارالرياضي
ونحن علي المدرج ندعم ونشجع ونتفرج
مطلوب من كل الجماهير غدا رفع لافتات ضد الحكام ،،،
فلنرجع لمعركة الكمامات ونضيف عليها لافتات
رسالتنا لابد ان توصل
عليكم باللافتات والكمامات
حتي يستوعب الحكام الدرس جيدا
ونتمني معاها هتاف
المريخ يعاني من التحكيم
ونحن دورنا رفع المعاناة
لافتاتكم وكماماتكم والهتاف هو الحل،،،،،
ولاننسى دورنا في النفرات
والحمد لله الكل مستعد ليوم الوثبة والنفرة الكبري بتاريخ ٢٠١٦/٨/١٢
يوم الجمعه
وتم الاستعداد من قبل اللجان بعد تشكيلها والحمد لله بقيادة الجنرال هاشم الزبير
ومخرجاتها كالاتي
اللجان
١/الضيافة
المك - الرفيع - د. مجتبي - جنابو حزيفه
٢/اللجان الخارجية
ابورهف- شهاب شمت - انور فيصل - محمد نصر الدين
٣/ اللجان الداخلية
هاشم حسين - ايمن الكناني - عثمان ابونيران
الضوصغيرون- ودالشاهر- محمد غبوش
كل التوفيق للكوكبه المختارة وانشاء الله تكون نفرة تسعد اركان حرب الادارة وتحقق المراد بدعم المريخ الكيان
امامنا يومين علي كل القروبات ايتنفار اعضاءها حتى ندعم الادارة
لو كل شخص دفع فقط عشره جنيه اقل قروب حيجمع اثنين مليون
نعمه من كريم
يلاياشباب يومين الواقع فيهم يتغير في دول
ونحن في قروباتنا نستطيع نحرك نفراتنا،،،،
علي كل الروابط والتنظيمات دعوة منتسبيها للعضوية ومشاهدة مباراة اليوم والاستعداد للنفرة
عضويتنا هي الاستثمار الحقيقي
وحضورنا للمباريات ارتفاع للدخل
ونفرتنا هي الداعم الاول للادارة
يعني الكوره في ملعب الجماهير،،
هل نستطيع تجاوز الامتحان!!!!
هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية........
التغريدة لن تخرج خارج نطاق المجتمع المريخي نهائيا الا ماندر
ونقد الذات يوصلنا الي الامام والي المنصات باذن الله ،،،،،
ادعمونا بالنصح والارشاد وصححونا إن اخطأنا في يوم من الايام ،،،،،،،،
***تغريدتنا ونسة وحكاوي ونقاط بصوت مسموع***
تعالوا ومعكم حبوب الضغط والسكرى حتى لا تسقطوا مغشيا عليكم .
تعالوا وخلوا أعصابكم فى التلاجات حتى لا يحدث لكم إنهيار عصبى
إنت قايل الجمهور دا لابس مريلة ، الجمهور واعى ويعرف متى يأتى ومتى يحجم
نقطونا بى سكاتكم انتم أيها الصحفيون أس البلوى فى الكورة السودانية .