> نديكم عصير ولا نولع ليكم النور
> عبارة بقولوها الشرفاء في اطراف المدن بعد الكهرباء تدخل ليهم
> خلنا تلك العبارة قد اندثرت
> ولكنه كان خيال ساي
> لم تندثر تلك العبارة
> لانو ناس روشا كرروها
> شوية الاسمنت الكباها كردنه
> دفعت ناس روشا لتكرار العبارة
> ما تولعوا لينا النور يا روشا
> لانو ما بدهشنا
> النور بخلعكم انتو ناس الكشافات البتطفي براها وبتولع براها
> لكن نحنا لما دخلنا النور
> الوكت داك انتوا الكهربا قايلنها ضرب من ضروب الجن
> الحقيقة كردنة بنى بناءً مؤسساً
> لكن ليس المهم كيف تبني بقدرما المهم وين تبني
> فندق في العشوائي ما بنتج يا روشا
> وموقع استادكم المجاور للمنطقة الصناعية الفاتح على حوش البلدية الواقع على الشوارع الداخلية
> ده ما موقع عمار
> ده موقع دمار
> لو سمعتوا كلام صلاح ادريس ومشيتوا صالحة كان اخير ليكم
> على الاقل منطقة مستقبلية وقريبه للمطار الجديد
> يمكن قربكم من المطار كان يمرقكم من صفركم الحير الكاردينال
> ما حاسدنكم ياروشا على حلاوة طابق
> لانو الحاسد بحسد الناس على الحاجة الما عندو
> لكن بصراحة حاسدنكم على شفافية التعامل عندكم
> وكردنة شفاااااااف
> وشوفتو اصبحت شفا لمعظم الاهلة
> حتى الشرفاء منهم > وصبرا آل روشا
> الاستثمار اصبح واقعاً عندنا
> حاتفتحوا خشومكم سنة من فرط الدهشة
> الشركة الممولة للمشروع طبعا حا تستعين بشركات محلية للتنفيذ
> ولاننا مهنيون شديد
> سنفتح العطاءات للشركات المحلية كي تتنافس
> نستفيد من تنافسها على المشروع
> وستصيغ ادارتنا القانونية عقوداً تحفظ حقوق المريخ شديد
> وستحدد تلك العقود تواريخ العمل والافتتاح
> المجمع التجاري على الشارع الرئيسي عجب يا روشا
> الايجار بالمتر
> شقة ولا بنطلون يا كافي البلا
> ولسه انتوا شفتوا حاجة
> سنعيد تفعيل القطاع الطبي
> وسنستفيد من القومسيون المريخي العملوهو ناس دكتور سامي
> الفيهو البدري ورفاقو
> ونستفيد في هذا المنحى من دكتور النعيم
> عشان تاني قصة جابسون مصاب ولا ما مصاب يحددها الكمبيوتر
> ولسه يا روشا
> حا نستثمر في جماهيرنا الوفية
> تاني زول يسوق شعار النادي في الشارع مافي
> حانستقطب اموال الانصار
> انصار الداخل والخارج
> وندير نادينا بمنهجية وشفافية يا روشا
> ولسه انتوا شفتوا شيء!!
> والاهم من كده يا روشا
> سنحسم التحكيم
> يخطئ ولا يظلم دي كترت
> لدينا مجلس يستطيع ان يقلب الاوضاع بسهولة
> انقلاب ناجح جداً ما زي الانقلاب على اوردوغان
> والاهم من كده
> لو اقتضت المصلحة بنرجع غرزة يا فطومة يا اختي
> بمناسبة فطومة
> عمودك حق العيد عجبني
> برغم ان البعض اعتبره انبراشة
> الا اني اعتبرته شجاعة منك
> فالاعتذار امام الملأ شجاعة لا يمارسها الا الفرسان
> وكان يكون اجمل لو دفعتك نفسك الى ذلك بدون تأثير من كردنة كما ذكرت في عمود العيدية
> لكن في الآخر برضك شجاعة منك
> وكنت اتوقع قبلها بكثير ان يكون هناك اعتذار منك لنفوس تسمو باجنحتها مرفرفة على فضاءات الوطن الشاسع > المهم > روشا معجب بهدف العجب > الاحلى من هدف العجب يا روشا عندنا
> هو هدف اهلي شندي التعادلي باستادكم الذي نقضه التحكيم بحجة لم يعرفها انسان الى اليوم
> دحين عاطف النور ما وراكم السبب شنو؟
> قال فرق نقاط قال
> تاني لو دايرين الدوري يتلغي كدي الينقضوا هدف صحيح ولج شباككم
> عشان تعرفوا منو الطفأ النور
> عاطف النور قالوا اخو رجل الراية النقض القون
> دي عرفناها
> عرفتوا يا ناس عاطف النور واخو عاطف النور منو الطفأ النور؟
> قال فرق نقاط قال
> ايها الناس
> اللجنة الطبية او لجنة الاطباء كانت من انشط وافيد وانتج الجهات في المريخ
> ماذا اصابها؟
> ام اصابوها في مقتل؟!
> ولكن ماهي العلاقة بين اصابة جابسون وطبالي اليسع في ميدان جاكسون؟
> وبمناسبة جابسون سؤال
> هل الإصابة التي سافر جابسون الامارات بسببها هي نفس الاصابة الواردة بالتقرير الطبي الذي يتم تداوله الآن؟
> وهل في الكشف الطبي لجابسون لما جانا من ليبيا كانت الاصابة الدايره (ترقيع عظم ) واضحة؟
> ان كانت الاجابة بنعم يبقى تسجيلو كان مشكلة
> وان كانت الاجابه بلا
> تبقي بت بتي رحمها الله اشطر من الرنين المغنطيسي
> انتوا بتجيبوا الرنين المغنطيسي ده من فيييييين؟
> الرأي عندي جابسون لاعب مهول فنياً صغير سناً
> ان كان علاجه يضمن عودته للملاعب
> الافيد للمريخ كنادٍ كبير علاجه
> وان كان الأمر غير ذلك
> الافضل للمريخ كنادٍ كبير تسليمه مستحقاته وشكره على الفترة التي قضاها بيننا
> وفي الحالين
> صفوية المريخ وادب الطب تمنع تسريب تقرير تفصيلي عن الحالة الصحية للاعب > فهل من الأدب اذا ظهر للاعب ايدز ان ننشر ذلك الفحص؟!
> ايها الناس
> ان تنصروا الله ينصركم
> اها
> نجي لي شمارات والي الخرتوم
> كان شفت يا والينا
> واحد صاحبنا شغل لينا
> تسجيل لخطاب الشهيد الزبير قالوا قبل كده لينا
> وقفنا لمن وقفنا يا والينا
> في عبارة قالها الشهيد لينا
> لو لقيتونا امتلكنا العمارات والعربات الفارهة يبقي سرقنا
سلك كهربا
ننساك كيف والكلب قال : انتو مسرحية (السرقونا اتعرفوا) ما بعيدوها لينا وهز ضنبو ورقد في الطين مردداً: يا فكيك
وإلى لقاء.
سلك
الله يقرفك يا شيخ