• ×
الأحد 19 سبتمبر 2021 | 09-19-2021
شوربجي

شكوي في نحل كادوقلي

شوربجي

 2  0  1886
شوربجي


((())) برافو كردنه :

ﺩﻋﻮﻧﺎ نواصل الافراح بقلعتنا الزرقاء

ﺩﻋﻮنا نعانق ﺍﻻﺑﻨﻴﻪ ﻭﺍﻟﻌﻤﺪﺍﻥ ﺍﻟﺨﺮﺳﺎﻧﻴﻪ ﻭﺍﻟﻄﻮﺍﺑﻖ ﺍﻟﺸﺎﻫﻘﻪ

دعونا نعانق ﺍﻟﺴﻴﺦ ﻭﺍﻻﺳﻤﻨﺖ ﻭﺍﻟﺮﻣﺎﻝ

ﺩﻋﻮنا نستمع بشوق شديد لﻃﺮﻗﺎﺕ ﺍﻟﺸﻮﺍﻛﻴﺶ ﻭﺍﺻﻮﺍﺕ ﺍﻟﻜﺮﺍﻛﺎﺕ وهي ﺗﺪﻕ ﺭﺅﻭﺳﻬﻢ

ﺩﻋﻮنا نسخر منهم وهم ﻳﺴﻤﻜﺮﻭﻥ ﻭﻳﺰﻭﺭﻭﻥ ﻭﻳﻜﺬﺑﻮﻥ ﻭﻳﺘﻼﻋﺒﻮﻥ

ﺩﻋﻮنا نضحك وهم ﻳﺜﺮﺛﺮﻭﻥ ﻭﻳﺪﻋﻮﻥ ﻭﻳﺪﺑﺠﻮﻥ ﻭﻳﺒﺎﻟﻐﻮﻥ

ﺍﻟﻘﻠﻌﺔ ﺍﻟﺰﺭﻗﺎﺀ ﻫﻲ ﺍﻟﺮﺩ ﺍﻟﻘﺎﻃﻊ عليهم

وﺍﻟﻘﻠﻌﺔ ﺍﻟﺰﺭﻗﺎﺀ ﻫﻲ ﺛﻮﺭﻩ ﺣﻘﻴﻘﻴﻪ ﻓﻲ رياضتنا السودانيه

فكلما ارتفعت اعمدة الجوهرة الزرقاء ازدادت افراح اهل الهلال

وكلما تكاثرت الاعمده وعانقت عنان السماء تعالت زغاريد مهيرات الهلال

ففي الاخبار ان ﺍﻟﺸﺮﻛﺔ ﺍﻟﺼﻴﻨﻴﺔ ﻫﻮﻓﻮﻧﺞ ﺍﻟﻤﻨﻔﺬﺓ ﻟـ (ﺍﻟﺠﻮﻫﺮﺓ ﺍﻟﺰﺭﻗﺎﺀ ) قد قاربت من النهايات

الله اكبر الله علي من كل طغي وتكبر

هي قمة افراح اهل الهلال والتي ستهل عليهم بعد اكتمال هذا المشروع العظيم

فشكرا كردنه الرائع الفريق والقلعه

شكرا كردنه فالهلال ملء القلب والعين

شكرا كردنه فقد جعلت الهلال يستقطب كل جماهير السودان

فما من عاقل الا ويكون هلاليا

*** اقتراح عجيب لفت نظري في احدي المنتديات ان لا يتم تركيب الكراسي الجديدة في المساطب الجنوبيه

وهنا نقول لاخونا صاحب الاقتراح ان هذا ليس من شيم الهلال

فسواعد ابناء الهلال هي من ستحمي القلعة وكراسي القلعه

فأطمئن فالهلال تحرسه القلوب الزرقاء


((())) شكوي في نحل كادوقلي :

وبشده يبحث اهل المريخ هذه الايام عن شكوي واي شكوي في هلال كادوقلي

رغم انتهاء عهد اللقيمات الميمون

وقرب زول كابوس عصابة الاربعة

واهتزاز عرش معتصم

وانحسار باسطة جمال الوالي

ولهم نقول ان كل لاعبي هلال كادقلي مية في الميه

والتسجيل صحيح مية في الميه

وارقامهم صحيحه مية في الميه

وكداراتهم قانونيه مية في الميه

وجيمي اولاقو مية الميه

وتسجيل تونغ طوك صحيح مية في الميه

وما في زول موقوف وكل اللاعبين مية في الميه

وما في زول اوراقو ملكلكه

وما في زول مزور الرقم الوطني

وما في زول مزور اسمه مازن شمس الفلاح

وما في زول جاء ناطي من الدور التالت

وما في زول من ابييي

وما في زول الحكم موقفه

وكل شيي في السليم

وشرف الدين تمام التمام وما طلع بره الخط

والجماهير تمام التمام

وما رشقوا الملعب بالحجاره

وما ضربوا الحكام

وما طردوا الشرطه

وما قطعوا كيبل التلفزيون

هذه المرة هلال كادوقلي قفل كل الثغرات

لذا نقترح ان يقدم المريخ شكوي في ملعب كادقلي

وممكن ان يشتكوا هلال كادقلي في المطره

وممكن ان يشتكوا هلال كادقلي في الجو

وممكن ان يشتكوا هلال كادقلي في اللعب عصرا

وممكن ان يشتكوا هلال كادقلي في العراضات

وممكن ان يشتكوا هلال كادقلي في النحل الذي لم يكن حاضرا

والله يسامحك ايها النحل ( انت مبتجيش ليه - مش تبقي تجي - اجي فين - انت بس تعال واسال )

فلو كنت حاضرا ايها النحل لتأجلت المباراة

وقد يكسب المريخ نقاط المباراة بعد الاعاده

وقد تمنح لجنة سمير فضل المريخ نقاط المباراة

وخاصة بعد عودة جمال الوالي كرئيس طوالي

واذا كسب المريخ شكوي نحل كادوقلي

علينا ان نؤيد بشدة مشاركة المريخ في البطولة العربيه

ونؤيد بشدة مشاركته بديلا للوفاق في البطولة الافريقيه

فالمريخ الذي يتدحرج بقوة في الدوري الممتاز عليه ان يشارك في هذه البطولات

والمريخ الذي نراه قزما في الاقاليم عليه ان يشارك في هذه البطولات

ولانهم يشنون حملاتهم الحمراء واحقيتهم بهذه المشاركات

وكل يوم واجعين راسنا نحن ابطال دوري ٢٠١٥

ونحن من حصل علي ٥ نقاط (حلال ) من اتحاد معتصم

ونحن من تم تتويجه من الاتحاد العام ( زورا ) بدنقلا وبشهادة بكري حسن صالح

انهم لا يريدون الاستفاقة رغم ان عقدة الاهلة قد اصابتهم بمقتل

تعادل مع هلال الفاشر سلبيا

خساره من هلال الأبيض بهدف مهند الطاهر

خسارة من هلال السودان بهدفي شيبولا وسادومبا

تعادل مع هلال الجبال ١/١

وتعادل بالامس مع هلال الفاشر ٢/٢


محمد حسن شوربجي
امسح للحصول على الرابط
بواسطة : شوربجي
 2  0
التعليقات ( 2 )
الترتيب بـ
الأحدث
الأقدم
الملائم
  • #2
    سيف مدثر 07-13-2016 02:0
    واللة لأجبك حب كبير لأسلوبك الممتع احبك احبك النخاع مني ليك التحية
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019