• ×
الجمعة 29 مارس 2024 | 03-28-2024
شوربجي

عيد الاغاني والانضباط الوهمي

شوربجي

 3  0  1849
شوربجي


((())) وبأي حال عدت يا عيد :

اقتنعت اخيرا ان جمال عيد الفطر قد افسدته فضائياتنا البائسه

وبصراحه فهذه الفضائيات لا جديد لديها

وبرامجها متشابهه ومكرره وممله

وما ان تجلس امام التلفاز الا وتصاب بدوار وزهج وملل

وتضطر الي التنقل ما بين الفضائيات الاخري علك تعثر علي مبتغاك

وان كانت المصريه هي الاخري قد اكثر سواء" من فضائياتنا

فضائياتنا بصراحة مفلسه شديد

والجميع يقدم ستايل واحد ويقلدوا بعض

والاسئله تقليديه وكيف العيد في السودان

ويبدأ السرد الممل من صلاة العيد والزيارات والبيت الكبير

ومطربين لا علاقة لهم بالفن يرددون بين الفينة اغاني العمالقة ليصيبوك بالغثيان

وليست العلة كلها في هؤلاء المطربين بل في الضيوف انفسهم

وقد قيل لنا انهم نخب هذا المجتمع

وحكايه بطاله اشبه بحالنا الاقتصادي المتدني

وحال الفوضي التي تعم الكثير الكثير من المرافق

وقد سألني صديقي لماذا يتفاخر هؤلاء بنجاحات وهميه لا وجود لها

فالبلاد خالية وللاسف من كل هذه المؤشرات النجاحيه

ولكنهم يصورون السودان وكأنه جنة عدن

شأنهم شأن الملكة ماري أنطوانيت ملكة فرنسا ومقولتها المشهوره "إذا لم يكن هناك خبزٌ للفقراء.. دعهم يأكلون كعكاً"

وذلك حين تظاهرت الجماهير قرب قصرها وقد اطلت عليهم من شرفه قصرها لتسال عن الضجة والازعاج ليقال لها ان الجماهير الفقيره جائعه وتتظاهر بسبب الخبز

فقالت قولتها المشهوره : دعوهم يأكلون كعكا

وهكذا هم نخب بلادي ونجومهم التي تستضيفهم فضائياتنا

وهم يتحدثون عن الحياة السهله والجميله والرائعه التي يعيشها شعبنا المسكين

وهذا بالطبع مخالف للحقيقة

فالفقر عنوان كبير قد فرض نفسه واقعا اليما

وقد اصبح الكذب صناعة اعلاميه

فلا وجود اخوتي لهذه النرجسيه المزعومه في احياءنا الفقيرة

ودموع اطفالنا قد بللت كل وجنات الوطن

فبأي حال عدت يا عيد


((())) وبدأت التحانييس وبدأت الهتافات وعايد عايد يا بكري :

سيناريو احمر يجهز عودة بكري

وعليك الله سامحنا يا بكري

وما ترجع للهلال تاني يا بكري

وما تكوي قلوب المريخاب يا بكري

وما تروح للكاردينال يا بكري

وما تلبس ازرق يا بكري

وجمولي بعتذر ليك يا بكري

ومزمل بعتذر ليك يا بكري

وحمد السيد مضوي غلطان يا بكري

وعبدالصمد غلطان يا بكري

وعصام الحاج غلطان يا بكري

وخليك من الانضباط يا بكري

واضرب الحكام علي كيفك يا بكري

واصلا انت ما غلطان يا بكري

ونحن نحن الغلطانين يا بكري

ونحن نحن المزنوقين يا بكري

ونحن نحن المفلسين يا بكري

ونحن نحن المبشتنين يا بكري

وما عندنا مهاجم غيرك يا بكري

وتراوري راح مننا خلاص يا بكري

وعنكبه ما منو فايده يا بكري

وعبده جابر ديمه مصاب يا بكري

وهجوم بالمعني ما عندنا يا بكري

وشيبولا جننا شديد يا بكري

وسادومبا رجع تاني يا بكري

والهلال بقي نار منقد يا بكري

والظروف بقت بطاله يا بكري

وجمال ما هو جمال يا بكري

ونحن ما عيدنا سمح يا بكري

والعيد كان مسيخ شديد يا بكري

والخبيز كان محروق يا بكري

والكاف بصراحه جننا يا بكري

والعقوبات حاره علينا يا بكري

وده كله ما يهمك يا بكري

بس تكون معانا يا بكري

وتمتعنا بالشقلوب يا بكري

و ما عدت قادر انتظر

سامحني غلطان بعتذر

ما كنت قايل من عتاب تحكم علي ّ

بالوحدة والشوق والعذاب

انت القبيل شلت الصعاب

في دربو عديت ألف باب

لو انت زهو الحسن في عيونك بدا

خليك أمين في العشرة لي آخر مدى

كيف تنسى لهفة قلبي ليك

تنسى الحنان الكان لديك

لو مرّ اسمك في البعيد شايلو الصدى

بلّ النسايم الحلوة بي قطر الندى

تلقاني واقف مرتعش ضارع إليك

عارف تمام ده المستحيل

الحُسن والطبع النبيل

يغضب يجور

لحظات خصامو المُره تتمدد شهور

صدقني لو أغلط معاك دايماً أقول

انت الأصيل انت الوفي

عن حبي ما ممكن يميل

يضحك سلام الدنيا في عيونك دليل

من بعدو ما داير دليل

يرضو غلطان وبعتذر


محمد حسن شوربجي
امسح للحصول على الرابط
بواسطة : شوربجي
 3  0
التعليقات ( 3 )
الترتيب بـ
الأحدث
الأقدم
الملائم
  • #1
    zain 07-11-2016 12:0
    أجمل ماكتبت ياشوووربه والله والله الفضائيات عباره عن كوم من الوهم والوسخ.ولا تشبه الشعب السودانى وهى عباره عن شله تتنقل من قناه إلى أخرى وعبارة عن قنوات للاغاني ..كدى أسألهم ياشوربه فى مطربين قدموا بلد وطوروها .ربنا يكون فى عونك يااغلى وطن
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019