هدف شيبولا في المريخ قلب كيان هذا النادي فوقاني تحتاني
وبدأ المريخ يحترق
وقال ايه دايرين يعملوا انضباط في النادي
انهم حقا يريدون ايهام الرأي العام بأنهم قد اوقفوا بكري وعلاء الدين يوسف
ويريدون خداع الكاف بأنهم قد عاقبوا اللاعبين وحتي يخفف الكاف عقوباته الرادعه
وان المريخ نادي للانضباط
رغم ان الانضباط لا يكون الا في وجود المال
والمريخ لا يملك المال
ومن حادثة الحصاحيصا وتبول لاعبي المريخ في القوارير ووضعها في ثلاجة الملعب طالبنا بمعاقبة لاعبي المريخ ولكن لم يحدث ذلك
وبعدها ضربوا الحكام في الداخل
وضربوهم في الخارج
ولم يعاقب اللاعبون ولا الاداريون
واستمرأ الجميع العنف في مختلف المباريات
وكان ضرب الحكم الجابوني في مراكش امام مرآي العالم
وما حدث من تشويه لصورة اهل السودان في الخارج
وعادوا في مباراة القمه ليرشقوا الملعب بالحجارة والشماريخ
ورفعوا لافتات مسيئه للهلال العظيم
وكان ان فعل بهم هدف شيبولا الافاعيل
ولم لا ففي الضفه الاخري استقرار الهلال
و فضائية الهلال
و اذاعة الهلال
و اكاديمية الهلال
و قلعة زرقاء الهلال
وجبنا شيبولا وبقينا نحب الببسي كولا وبنحب مهاها الكوكا كولا
وجبنا شيبوب وقد حطم تلك القلوب
وجبنا سادومبا حتي يرقصهم الرمبا
وما حنفرط في محمد عبد الرحمن وجكسا اكيد في امان
وما حيرجع للهلال كل خان الكيان
ورغم كل المراسيل والاعتذار الجبان
وسامحني يا كردنه
وانا غلطت في حقك يا كردنه
وتاني ما حكررها يا كردنه
بس رجعني القلعة الزرقاء يا كردنه
وقالوا ان اللاعب علاء الدين يوسف توقف عن التمارين
ويا تشتروا لي بيت يا برجع هلال الملايين
وقالوا لاعبي الهلال يقودون تآمرا ضد المريخ
وقالوا الوالي زعلان شديد
ومازال التمرد مستمرا وبتزامن مع حركة تمرد جنوب السودان
وعلى جعفر و بكري المدينة و المعز محجوب وصابر عطرون و صلاح نمر و الصادق ومحمد الرشيد و جابسون و تراوري وكوفي واوكرا و جمال سالم وراجي والبرنس لهم متأخرات حقوق بطرف المريخ
وطالت جلسات ديدا علي الدكه
وقلت مشاركات اللاعب عبد جابر
وخرج تراوري بدون عوده
ووحده بكري المدينه يتقاضي ٢ مليار جنيه وجنيه ينطح جنيه
رغم ان مجموع الاهداف التي سجلها في الموسم كله هدفين اثنين فقط وكل هدف ينطح الثاني
واجري واجري واجري وما تقيف واجري بس ما تتعتر وتقع
ولم يعد المريخ عالما جميلا كما كان في السابق
ويا كردنه هل من عوده تاني
محمد حسن شوربجي