العيد...الهلال...التراخي...المعز
+ كل سنة والناس طيبين وسمحين وزينين...معيدين ومتأنقين ومتماسكين ...في بلد واحد...ماهل وفياض وعريض...بلد يلمنا كلنا...بالوانا السودانية... سمرتنا المميزة عالية الدسم والخصوصية...درجات من السمار المنكه بالطيبة...والحنين واحد..الطموح واحد...الانتماء واحد...والوطن بازن الله ...موحد وواحد .
+ وتحية خالصة للهلالاب ...الغبش..بلون التراب...وفصل الخطاب...وخلاصة الانخاب...غبش ...زينين ...بسطاء ...سودانيين ...في رواكيبهم ..اوضهم...ونستهم... حجاهم..في القيزان ...والبراحات...وحواف المياه .
+ في العيد عيدنا...بهدفين اقرنين املحين...كاريكا صاحب البصمة المزيكا...البقول للقون تحينا والا نجيكا...وبشتنا حبيبتنا...النور بيتنا وشارع بيتنا...بشة فرح كبيرة وماهلة وريانة .
+ قدمنا للناس الكعك والحلاوة وقونين حلال..زلال ...الاستاد اتملأ...فاض بالناس ودفق ...ناس جنب ناس يعيدوا ويبتهجوا ...عليكم الله شفتوا عيد السنة دي كيف...عيد وجمعة وقنين ...كاريكا وبشة...واحلى عشة .
+ وعيدية خاص لقراء الحبيبة حبيبة البلد...مشفوعة باعتزار صادق للبيات الزي طال...لكني أتيكم ...يملؤني الشوق لكم وللهلال وللتحبير ..والمشي بحروف العشق الازرق فوق نواصي الورق ...اكتب مداد معبأ في محبرة الهلال القمة والقامة والكيان العتيق .
اشياء من لقاء دجوليبا المالي
+ التراخي الهلالي بعد الانتصار..الميل للاستعراض عقب التقدم وبقيادة كابتن الهلال شخصياً اصبح امرا مزعجاً ...عالم للهلالاب سافوتة وانبعاج في الازين الايمن .
+ التراخي واللعب المستفز لا يشبه الاندية الكبيرة ...دي حركات صغار...والهدف الاول للمالي ونشاط الضيوف في اخر اللقاء يمثل الرد الشافي الكافي على خطورة اللعب بالنار عبر استفزاز الخصوم .
+ ده كلوا كوم والمعز كوم....المعز لاعب كبير وحارس ممتاز...قدم الكثير للهلال...لكن حركاته لا تتناسب وخبرته وسنه ومكانته...يا عبد المهيمن بتعملوا في شنو ياخ...ياخ المعز ده ما تفتحوا معاه حوار هاديء وناصح ورزين ...حاجة مزعجة والله .
+ في الشوط الثاني مارس لاعبو الهلال هوايتهم المفضلة في الاستهتار والركون للتقدم ...لم يلعبوا بشكل جاد...مع ان الخصم كان مستعدا لتقبل اهداف اكثر ...بعدين هدفين ليست نتيجة كبيرة ومطمئنة لو ان لاعبوا الهلال احرزوا اربعة او خمسة ومالوا للاستعراض لكان مفهوماً..مع ان اللعب الاستعراضي مرفوض في كل الاحوال .
+ نفهم ان تكون هناك لمسة جميلة في معرض اللعب ...حركة فنية...قلبة من هيثم...هبشة من مهند...لكن ان يشارك حتى علاء وعمر وخليفة في اللعب الاستعراضي الى جانب حركات المعز غير المقبولة فان الشر متوقع...والخطر قادم .
+ عموماً احرز الهلال الدرجة الكاملة حتى الآن وظفر بتسعة من تسعة...نتيجة محفزة تفتح النفس وتهيء المناخ لانتصارات قادمة...لكن الخمول مرفوض والركون للتفوق في سلم المجموعة مضر...لا زالت للآخرين حظوظهم...ومبارياتهم .
هتاف اخير
+ قالت له الملكة نفرتيتي ...انها تحب فيروز حد الانتشاء...حكت له ان راؤول غونزاليس اللاعب الاسباني الاشهر..كان يستمع لفيروز قبل كل مباراة للريال لزلك كان يحرز دائماً هدفه...في كل مباراة (يبصر) تقول بجي شايل قونو من بيتهم...استمتع بالمعلومة...بثقافتها الكروية البائنة...تمتم في سره ياخ فيروز دي لو سمعا هنو يجيب قون...تقولي لي راؤول...من ثم ضحك...حتى انكفأ .
+ كل سنة والناس طيبين وسمحين وزينين...معيدين ومتأنقين ومتماسكين ...في بلد واحد...ماهل وفياض وعريض...بلد يلمنا كلنا...بالوانا السودانية... سمرتنا المميزة عالية الدسم والخصوصية...درجات من السمار المنكه بالطيبة...والحنين واحد..الطموح واحد...الانتماء واحد...والوطن بازن الله ...موحد وواحد .
+ وتحية خالصة للهلالاب ...الغبش..بلون التراب...وفصل الخطاب...وخلاصة الانخاب...غبش ...زينين ...بسطاء ...سودانيين ...في رواكيبهم ..اوضهم...ونستهم... حجاهم..في القيزان ...والبراحات...وحواف المياه .
+ في العيد عيدنا...بهدفين اقرنين املحين...كاريكا صاحب البصمة المزيكا...البقول للقون تحينا والا نجيكا...وبشتنا حبيبتنا...النور بيتنا وشارع بيتنا...بشة فرح كبيرة وماهلة وريانة .
+ قدمنا للناس الكعك والحلاوة وقونين حلال..زلال ...الاستاد اتملأ...فاض بالناس ودفق ...ناس جنب ناس يعيدوا ويبتهجوا ...عليكم الله شفتوا عيد السنة دي كيف...عيد وجمعة وقنين ...كاريكا وبشة...واحلى عشة .
+ وعيدية خاص لقراء الحبيبة حبيبة البلد...مشفوعة باعتزار صادق للبيات الزي طال...لكني أتيكم ...يملؤني الشوق لكم وللهلال وللتحبير ..والمشي بحروف العشق الازرق فوق نواصي الورق ...اكتب مداد معبأ في محبرة الهلال القمة والقامة والكيان العتيق .
اشياء من لقاء دجوليبا المالي
+ التراخي الهلالي بعد الانتصار..الميل للاستعراض عقب التقدم وبقيادة كابتن الهلال شخصياً اصبح امرا مزعجاً ...عالم للهلالاب سافوتة وانبعاج في الازين الايمن .
+ التراخي واللعب المستفز لا يشبه الاندية الكبيرة ...دي حركات صغار...والهدف الاول للمالي ونشاط الضيوف في اخر اللقاء يمثل الرد الشافي الكافي على خطورة اللعب بالنار عبر استفزاز الخصوم .
+ ده كلوا كوم والمعز كوم....المعز لاعب كبير وحارس ممتاز...قدم الكثير للهلال...لكن حركاته لا تتناسب وخبرته وسنه ومكانته...يا عبد المهيمن بتعملوا في شنو ياخ...ياخ المعز ده ما تفتحوا معاه حوار هاديء وناصح ورزين ...حاجة مزعجة والله .
+ في الشوط الثاني مارس لاعبو الهلال هوايتهم المفضلة في الاستهتار والركون للتقدم ...لم يلعبوا بشكل جاد...مع ان الخصم كان مستعدا لتقبل اهداف اكثر ...بعدين هدفين ليست نتيجة كبيرة ومطمئنة لو ان لاعبوا الهلال احرزوا اربعة او خمسة ومالوا للاستعراض لكان مفهوماً..مع ان اللعب الاستعراضي مرفوض في كل الاحوال .
+ نفهم ان تكون هناك لمسة جميلة في معرض اللعب ...حركة فنية...قلبة من هيثم...هبشة من مهند...لكن ان يشارك حتى علاء وعمر وخليفة في اللعب الاستعراضي الى جانب حركات المعز غير المقبولة فان الشر متوقع...والخطر قادم .
+ عموماً احرز الهلال الدرجة الكاملة حتى الآن وظفر بتسعة من تسعة...نتيجة محفزة تفتح النفس وتهيء المناخ لانتصارات قادمة...لكن الخمول مرفوض والركون للتفوق في سلم المجموعة مضر...لا زالت للآخرين حظوظهم...ومبارياتهم .
هتاف اخير
+ قالت له الملكة نفرتيتي ...انها تحب فيروز حد الانتشاء...حكت له ان راؤول غونزاليس اللاعب الاسباني الاشهر..كان يستمع لفيروز قبل كل مباراة للريال لزلك كان يحرز دائماً هدفه...في كل مباراة (يبصر) تقول بجي شايل قونو من بيتهم...استمتع بالمعلومة...بثقافتها الكروية البائنة...تمتم في سره ياخ فيروز دي لو سمعا هنو يجيب قون...تقولي لي راؤول...من ثم ضحك...حتى انكفأ .
