• ×
الأحد 18 أبريل 2021 | 04-17-2021
معاذ ابو مؤيد

قروباتنا نفرت ورقصت بحضور الوالي ومريخنا دايما في العلالي

معاذ ابو مؤيد

 0  0  640
معاذ ابو مؤيد


من راهن علي الجمهور ماخاب
وكل يوم نكران وتضحيات
جماهير المريخ
هم الذاد في الميعاد
وحضور الوالي ومجلس الادارة للنفرة والتدريبات
يعطي الامان للاعبين والجماهير
الكل امس نام مبسوط
والكل امس كان في الموعد
والمشرفين واقفين طابور للسداد
الحمد لله
والشكر لله
رجال من ذهب
وقروبات دي اللهب،،،
ديل اهل الحارة والنقارة
ديل جماهير المريخ
ادب جديد في مدرسة المريخ
ادب المشاركة والتفاعل
الشارك بجنية والشارك بي خمسة
والشارك بمليون
كلو ماشي للخزنة
بتاع الجنية دفع قيمة موية لي لاعب،،،
يعني الجنية عندو قيمة
اي مبلغ وصل الخزينة عندو قيمة
والقادم اجمل باذن الله

حضور الوالي والتفاعل كان له اثر طيب في نفوس الحضور
الا قلة قليلة تنحسب باصابع اليد كانت خارج الخدمة
فعلا خارج الخدمة
وكل يوم يكتبوا صك المغادرة من عالم المريخ الجميل
انتوا ياشجر اللبلاب حدكم وين !!!
المريخ عالم جميل
الا من اصواتكم النشاذ
اصوات لاتعبر عن صوت المدرجات
قالو خالف تزكر
وديل فاتو المخالفة ديل المخالفة تتجسد في ارواحهم
لكن تواجدكم وسطنا مسألة وقت فقط!!!!

مسك الختام
المريخ بمن حضر
ونفرتنا تشكر من شارك نفر نفر
والمهم والاهم ثقافة المشاركة
وزرع حب الكيان داخل قلوب الجماهير
وتطبيق شعار القرل والفعل
واحياء شعار الجماهير هي الاستثمار الحقيقي
ومافي كرة قدم من غير جمهور وكل اندية العالم تستثمر في الجمهور

ونحن علي المدرج ندعم ونشجع ونتفرج
قفلنا باب الدعم المالي مؤقتا
وسنفتح باب التشجيع والفرجة
وتشجيعنا حيكون من اليوم لحدي بكره
تشجيعنا حيبتدي اليوم في القروبات
وباكر في الاستاد
يعني حناجرنا حنطرقها في القروبات عشان تلعلع في الاستاد
مباراة القمة دورنا فيها التسعين دقيقة ونتيجتها بتوفيق الله ودعمنا نحن اللاعب رقم ١٢
يلا شدوا الهمة مريخنا فوق في القمة

همسة اخيرة
نفرة القروبات كوم
ونفرة رمرم كوم براهو
شوفوا الاخبار دي كيف
رئيس الوحدة السعودي تكفل بمعسكر بالبرتغال شاااامل من والي دا الكلام البفتح النفس
والمريخ سيلعب ضد الاهلي جدة في جدة علي نفقة الاهلي و دخل المباراة نصفه للمريخ
واتنين رجال اعمال سعوديين سيدفعوا كل ديون المريخ بنظام القرض الحسن و سيصلوا فجر اليوم للجلوس مع المجلس
دا حالتوا زيارة واحدة من رمرم
لو الوالي كان معاه كان حيكون كيف الحال،،،،،،
شكرا رمرم لما قمت به

خارج النص
النفرة حققت مئة ثلاثه وعشرون مليون وتسعمئه وثلاثة عشر الف وقابلة للزيادة غدا ستضاف اليها مبلغ وقدرة سبعة عشرة مليون نسبه لظروف التحويل وثلاثون مليون نفرة تجار سوق ليبيا،،،
وحتي موعد النفرة القادمة يوم ٢٥/٦ سنوافيكم بالمجموع الكامل لنفرة شهر ستة،،،
يعني الوضع في امان
نضيف عليها دعم الوالي للنفرة بمليار
سنقول ذي فهد العتيبي
يااااااااارباه
المريخ كوكب وعالم جميل
المدرج سيقود خزينة النادي قريبا
امسح للحصول على الرابط
بواسطة : معاذ ابو مؤيد
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019