((())) حرف الشين تميمة الفوز علي المريخ :
ودعونا نتفاءل بحروف الشين شيبون وشابولا وبشه وبلاتشي
فحرف الشين هو تميمة فوز الهلال في القمه
ولا اظن ان ان حرف السين سادومبا سيبرز كثيرا في مباراة القمه
وان كان سيسجل هدفا
ولا حرف الكاف كاريكا الذي سيعاني من المراقبه
فالفرقه المريخيه ستعمل علي تكثييف الرقابه علي الزمبابوي وكاريكا
وقد تكلف لاعبين كثر لمراقبتهم والحد من خطورتهم
وعلي بلاتشي ان يجهز القادمون من الخلف شيبون وشابولا وبشه
او يوكل المهام لبشه واطهر للقيام باختراقات خفيه قد تغيب كثيرا عن لاعبي المريخ
وياريت مدرب الهلال لا يقحم شابولا في مباراة الخرطوم الا قليلا
حتي يكون سرا غامضا للاعبي المريخ
فيستفيد منه الهلال في حالة تكثييف الرقابة علي سادومبا وكاريكا
والاعتماد كل الاعتماد علي شيبون الرائع
دفاع المريخ اخوتي هو ضعيف للغايه
ولا يحتمل لاعبوه الضغط المتواصل
وقد يجد ضالته في علي جعفر المسكين
والذي من المؤكد انه قد يعيد المليار الي خزينة نادي المريخ بعد مباراة القمه
وظني ان الهلال جاهز مويه ونور للمريخ
اما اصحابنا الطيبين فلياقتهم واقعه لانهم لم يتدربوا كثيرا
وفقط كانت تدريباتهم في الجري وراء الشيكات الطايره ( بكري المدينه )
كما قال حبيبنا الرائع محمد عبد الماجد
خطط برهان ومحسن محفوظه للجميع ولا جديد لديهم
والله يعين المريخ في هذه القمه
((())) الهلال والمريخ اشبه :
> الهلال بيشبه المواطن البيطلعوهو للصالح العام
> والمريخ بيشبه المواطن البيترقي ويتنقل ما بين الوظائف
> الهلال بيشبه المواطن المتهم دوما في الكثير من القضايا
> والمريخ بيشبه رجل الامن السري الذي يراقب هذا المواطن
> الهلال بيشبه المعارضه ناس الصادق المهدي والميرغني وعرمان
> والمريخ بالتأكيد يشبه ناس المؤتمر الوطني بل هو كذلك
> الهلال بيشبه المسجون المظلوم والمتهم بتهم باطله وملفقه
> والمريخ بيشبه السجان الظالم والمفتري
> الهلال بيشبه اولئك النفر الذين يجبروهم علي حضور اللقاءات الرئاسيه فتجدهم يزوغون في اقرب شارع وبلا كلام فارغ واخير ليه ارجع البيت
> والمريخ بيشبه من يهتفون طويلا للمسئوليين في عز الشمس وهي لله وهي لله وسير سير يا جمال وتعال طلعنا من شيل الحال
> الهلال بيشبه الناس اللي بتغني اصبح الصبح ولا السجن ولا السجان باق
> والمريخ بيشبه من يتغنون : نأكل مما ننتج ونلبس مما ننسج * لا بد لى ارضنا نفلح وللذهب الابيض نحلج
> الهلال قريب جدا من سكان الاحياء الفقيره الحاج يوسف والكلاكلات والمرابيع والثورات وغيرها
> والمريخ متلصق باغنياء حي كافوري والمنشيه وغيرها
> الهلال دايما مع الناس البياكلوا البوش واللقمه والكسره والملاح بالماجي
> والمريخ عامل نفسوا مع الناس البياكلوا همبرقر وهوت دوج
((())) الترابي يفضح الحركه الاسلاميه :
الحلقة التاسعة من " شاهد على العصِر" في قناة الجزيره
1- القوات المسلحة السودانية لم تدبر انقلاب يونيو
2- عمر البشير لم يكن معروفا، ولم يظهر مع الانقلابيين الا قبل يومين من العملية
3- علي عثمان لم يكن له دور اكبر كما اعتقد البعض
4- عوض الجاز هو من تولى الاتصال بالضباط الانقلابيين
5- معظم اعضاء مجلس قيادة الثورة لموهم من الشارع .. بعضهم وجد نفسه عضوا
6- البيان اتسجل برة .. ( منظمة الدعوة الاسلامية )
7- من اعتقل الترابي في ليلة الانقلاب ، كيزان من جماعته ،
8- الجماعة عندهم اذاعة كاملة المعدات .. حال تعثر تشغيل الاذاعة
9- الزبير محمد صالح ما كان عندو اي دور ..
وفعلا فالثورة تأكل ابنائها
((())) سؤال برئ :
هل المال العام الذي يذهب للمريخ حلال ام حرام ؟
والسؤال نفسه نوجهه للسيد جمال الوالي ( الاسلامي كما يقولون )
هل هذا المال حلال ام حرام ؟
والي شيوخنا الاجلاء ما حكم نهب المال العام ؟
وما عقوبة من يؤيدون ذلك ولو بهتاف للرئيس طوالي ؟
قولوها بكل شجاعه فاعظم الجهاد كلمة حق في وجه سلطان جائر
((()))اعلام المريخ سيدعي ان اولي الشهاده السودانيه مريخابيه :
مبروك بنات السودان هذا التفوق الدراسي الرائع
فالاولي (سلمي صلاح خالد علي )
وعشر بنات في العشرة الاوائل
و٣ اولاد فقط مشترك في العشر الاوائل
اعلام المريخ اليوم سيدعي ان اولي السودان مريخابيه
وانها فرحانه بعودة جمال الوالي
محمد حسن شوربجي