• ×
الإثنين 10 مايو 2021 | 05-09-2021
بابكر سلك

الجماعه حوصوا

بابكر سلك

 7  0  2819
بابكر سلك


* بعد عرفنا قصص الاخوه الاهله بعد اعلان مجلسنا الجديد
* وبعدما فطومه فطرت فجأة سهوا
* تعالوا نشوف قصص بعض المريخاب عند اعلان المجلس
* اجريت استطلاع بالتلفون
* كمال دحيه قال كان قاعد في الاستاد
* عند اعلان المجلس الجديد كمال قال شوف عينو النجيله براها خدرت
* حافظ التعبئه قال لما اعلنوا اللجنه سمع اضانو السحابه قالت للسحابه التانيه بعد ده نصب
* وكان ما اخاف الكضب السحابه التانيه قالت للسحابه الاولي نصب لي شنو وناس فطومه فطروا
* الصادق ود ام در قال عند اعلان اللجنه جات نسمه جابت معاها الكهربا في الاحياء الفيها اعطال بحسب كلام وزير الكهربا
* اصلو الكهربا راااقده واي زول بقطع بكون عندو مشكله شخصيه
* وبعدين الناس تقطع ليه
* القطيعه حرام
* وتستمر الاستطلاعات
* ضربت لي فاضلابي
* قال لي لما اعلنوا اللجنه الجديده بدون ما اشعر جدعت حبوب الضغط
* والقلب انشرح
* بقي مابدق
* بقي يصفق
* قلب الفاضلابي بقي يصفق
*وقلب عبد الله كمال يصفق
* وقلب عمر بابكر يصفق
* قربوا ينزلوا لافتة الزعيم ويختوا بدلها لافتة مكتوب عليها دار فلاح
* صفقه شديده
*ده حال الناس بره الملعب
* الجوه الملعب اسكت بس
* جنس باصات
* جنس بالكعب
* جنس كباري
* جنس ابداع
* غايتو بتكون بصمات الخواجه بدت تظهر
* لانو ماممكن محسن في يومين بصمتو تظهر
* في البلد دي الفيش مابظهر في يومين
* في سر
* ياخ الكوره بتاع هلال الابيض يشوتها لي زميلو
* تلف تجي للنعسان
* بتاع هلال الابيض واحد تاني يشوتها لي زميل تاني
* تجي لي الوك
* الوك يلعبها بالكعب
* تاني تجي لي الوك
* الوك الورقو عند الهلال
*ده حالتو ورقو عندكم يافطومه يا اختي
* لكن الهلالاب ديل حوصوا
* دايرين يسجلوا الوك سجلو شيبوب
* شيبوب زاتو احوص
* زي الطيره الحوصا القبضها زول احوص
* داير يختها جوه القفص ختاها بره
* طارت دخلت القفص
* اها الهلالاب الحوص قبضوا شيبوب
* فتحوا القفص في الجنوب
* دايرين يختوا فيهو شيبوب
* ختوا شيبوب بره القفص
* شيبوب طار براهو ودخل قفص الهلال
* واتحوصي
* ايها الناس
* المستوي الشفناهوا من الجدد يوم مباراة الابيض مدهش
* ومطمئن
* ويلزمنا ان نشيد بالتسيير ون في حسن اختياراتها في التسجيلات
* وفي حصافتها في تكلفة التسجيلات
* معقوله زول بمستوي محمد الرشيد لي آخر لحظه القروبات شغاله تجمع في حافز تسجيلو!!
* اصابت التسيير ون نجاح كبير في التسجيلات
* وعلي التسيير تو ان تعد الاولاد ديل بما يتناسب مع مهاراتهم ومع مكانة المريخ
*ونشكر للتسيير ون تفعيلها لرغبة الدعم الجماهيري وتحريك احساس دعم الكيان عند الشفوت
* ونتمني من التسيير تو تنظيم ذلك التفعيل الجماهيري والاعتماد عليه
* ايها الناس
* الناس الفطروا يوم عشرين معانا مابنستروا
*فحال هلال الجوهرة اسوأ من حال هلال الفجيره
* مسألة وكت ليس الا ونقرأ علي صدر صحيفة روشا
* ده ماهلال ده لعب عيال
* عيال!!
* براكم فتحتوها روضه يا روشا
* ونحنا مابنعرف يمه ارحميني
* ايها الناس
* تنتظم ام درمان اعمال جاده في الشارع
* بوهيه ونظافه وقص شجر ومراجعة خيران
* خطوة تستحق الاشادة بمحافظة ام درمان
* وام درمان كلها قدر شنو يا محافظنا
* لو ختيت الرحمن في قلبك
* ممكن يوميا ام درمان تتغسل وتتكوي وتتخت في الدولاب
* عود بينا يامحافظنا لزمن النضافه والقيافه والحصافه
* فام درمان دولة وليست مجرد محافظه يا محافظنا
* حافظوا علي نظافة ام درمان
* ايها الناس
* ان تنصروا الله ينصركم
*اها
* نجي لي شمارات والي الخرتوم
* كان شفت يا والينا
* خاتين الفطور راجينو يأذن لينا
* هو شن الفطور يا والينا
* قام اذن لينا
*حللنا الصيام ناس بي جغمة موية وناس بي ريقها يا والينا
* وقلنا ذهب الظمأ وابتلت العروق يا والينا
* جمبنا ماسورة قالت ذهب الظمأ? العقبال عندينا
سلك كهربا
ننساك كيف والكلب قال للمواسير يامواسير لسه أذانكم ما اذن
والي لقاء
سلك
امسح للحصول على الرابط
بواسطة : بابكر سلك
 7  0
التعليقات ( 7 )
الترتيب بـ
الأحدث
الأقدم
الملائم
  • #2
    النورس 06-14-2016 12:0
    شيبووووووووووووووب كواي القلووووووووووووووووووووووووووووووووووب قولوا الروب .. بالمناسبة نحن محوصين ودايرين عمر بخيت يعني ما دايرين كوفي و اوكرا.... والله كردنة دا يوم بكتل ليهو دلقووووووووووووووووون
  • #3
    المر 06-14-2016 11:0
    الله يكون في عون الصحافة وماقدر اقول اكثر من رمضان كريم
  • #4
    المر 06-14-2016 10:0
    الله يكون في عون الصحافة وماقدر اقول اكثر من رمضان كريم
  • #5
    جون سينا 06-14-2016 10:0
    ماف زول أحوص أكتر منك يا تنقو يا عجوز- لبعدين واليك كان 13 سنة ماسكم وشغال تبديد فى مال الشعب إنجازاتو شنو ياعمك تنقو - الوالى بقى زيكم بعاين للحكومة تديه وفعلا الإختشوا ماتوا لبعدين الهلال مامتضرر عندنا كردنة ممكن يشترى كل تيم المريخ لو أراد - ومع أول هزيمة عزو بزعل وتانى بتقبلوا على السكاليب والبكاء لكن الظاهر ضربة شيبوب مسببة ليك دوار وصداع. ننساك كيف والكلب قال لى ياسلك ياعجوز أعقل شوية
  • #6
    عبدالله محمد عبدالله 06-13-2016 11:0
    رمضان كريم ياستاذ بابكر تصوم انت وفطومة تفطر على خير
    الخير جانا والله ادنا
    اصحابي الرشاشات بوم اعلان الحكومة اقصد اعلان المجلس ماجو الشغل اتصلنا بيهم لعل المانع خير قالو في انقلاب وحظر تجول زما قادرين يطلعو من بيوتهم لانهم مسخوها وما كانو خاتين اعتبار لليوم دا- كنا راجنهم برا بس غرفوها
    ودا اليوم الدايرنو ليك يامريخنا مبروك عليك
    تحياتي لكل زعيم اصيل وعاشق للعرضة جنوب
    عبدالله ابو احمد
    قطر - الدوحة
  • #7
    baco2 06-13-2016 07:0
    بكرة قريب وبنشوف ون وتو
    طول سااااكت
    طولك دة كان لقاه عبدو جابر وبلة كان المريخ غير
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019