• ×
الخميس 28 مارس 2024 | 03-27-2024
بابكر سلك

فطومه فطرت

بابكر سلك

 11  0  4004
بابكر سلك
* وبدأ العذاب
* الاخوه الاهله الشرفاء
* من سمعوا بعودة جابر الكاروشه مسكتهم
* كردنه قالوا طلع الزكاه من مالو الحلال بحر دار
* فطرة ياعمك
* لكن الفطرة زمنها لسه
* وبعدين الفطرة بتكون من غالب قوت اهل البلد
* يعني في بحر دار دي بتتضرب بالزغني ولا الشاورما
* ممكن تدخل في التكلفه الجبنه كمان
* بس المبلغ مابصل للمبلغ السمعناهوا عند المعلنه المنسقيه
* الجمبه كلها بي حبشها وجبنتها وزغنيها بي كم !!
* سطاشر بر تشتري ليك الجمبه والجمبه الجمبها
* طيب يبقي المبلغ ده كردنه طلعوا لي شنو من اسي قبل ميعاد الفطره??
* يكونش كفارة فطر يا بت???
* معقوله
* لكن كمان السمعناه انها صيام في تلاته دول
* دي نفهمها كيف
* مريضا ولا علي سفر ولا يطيقونه عديل كده???
* غايتو يا اليسع ماراعيت للجماعه ديل
* فطومه اختي طلعت من بيتهم صايمه تحمد سيدها
* واثناء تجوالها مستمتعه بكندشة سيارتها الخاصه
* شلاقه منها ادارت مؤشر المذياع
* تصادف ذلك مع اعلان لجنة تسيير المريخ الجديده
* دكتور جمال محمد عبدالله الوالي رئيسا
* السيد الملياردير عبد الصمدمحمد عثمان نائبا للرئيس
* الاستاذ عصام الحاج امينا عاما
* السيد نادر ابراهيم مالك الرأسمالي القديم ومعروف انو سيد مال قبل ظهور حزب فطومه
* الفريق طارق عثمان الطاهر امينا للمال ومساعدا للرئيس القاطع قلب فطومه
*دكتور هاشم الهديه مساعدا للرئيس الملخبط كيان فطومه للتخطيط
* الفريق عبد الله حسن عيسي مساعدا للرئيس المجنن ناس فطومه للعلاقات الخارجيه
*مهندس سيف الدين حسن بابكر الاديب الاريب المثقف مساعدا للرئيس البرجف ناس فطومه للاستثمار
*فطومه لما المذيع وصل مهندس سيف الدين فطرت
* طلعت من بيتهم صايمه
* لكن فطرت
* سهوا ما جايبه خبر
* اول شئ لما سمعت دكتور وفريق ومهندس
* ومساعدا للرئيس ومساعدا للرئيس
* كانت قايله الموضوع اكبر من كده
* ويمكن ده سبب اساسي في فطورها سهوا
* قايله القصه انتهت
* اتمنت لو عربيتها فيها جنحين
* جنحين وين يافطومه مع الشاعر القال
كتبت علي سحابه
فالتسقط.الرقابه
فاتي الجنود
احرقو السحابه
وصادروا السماء
* جنحين مع البصادروا السماء مابتجيب حقها
* المهم
* دخلتها هضربه مع فطرتها ديك
* وطلعت تلفونها وكتبت عمود يضحك سيد البكا زاتو
* تحدثت عن مباني الرباط
* بعد ايه يافطومه
* كنتي وين يا اختي
* الموضوع ده انتهي زمان
* ولكن برضو بذكرنا بالدكتوراه الفخريه لي كردنه من جامعة الاحفاد
* برضو جامعه يافطومه واعرق من الرباط كمان
* تلك الدكتوراه منحت للسيد اشرف لانو بني لهم مدرجا كبيرا
* اين ذلك المدرج الآن يافطومه
* ما حدث له افظع مما حدث لمباني الرباط
* رجعوا لينا دكتوراتنا
* مدرجكم داير يكتل بناتنا
* وهطرقت فطومه
* كردنه مامدعوم
* جاوبينا
* معفي من الجمارك ولا مامعفي?
* جيمي القاطع قلوبكم ده لما عمل الثوره العمرانيه ما ادوهو اعفاء جمركي
*بمناسبة جمارك
* سمعتي كلام رئيس غانا مع جمارك غانا يافطومه??
* طيب ناس الدوله سمعوهوا? *ناس حزبك الحاكم سمعوهوا??
* ناس الحكومه سمعوهوا??
* لاحظتي في آخر كلامو تماهو رطانه
* قال ليهم بالغاني يانوسي جمروكي غانوني فاسودي كاتوري كاروهي سادوني زاوووتي
* يعني ياناس جمارك غانا فسادكم كتير كرهتونا السودان زاتو
* المهم
* فطومه طلعت صايمه فجأه لقت روحها فاااااطره سهوا
*اصلو سيرة جمال بتلخبط الناس وترفع الضغط وتعمل خلل في الهرمونات
* عندها باقي موية صحه شربتها بدون ماتشعر وهكذا فطرت
* فاطمه الصادق التي تحترم القصور الحكومي لاعتبارات تعرفها هي
* تجي وتتكلم عن المواطن والمويه والكهربا والتعليم والصحه وظروف المعيشه وواجبات الوالي ومشاكل الولايه
* حيرتينا يافطومه
* انتي هلالابيه ولا مؤتمر وطني???
* ابقي ليك علي شئ
* شخصيا انا مريخابي رياضيا وسياسيا لاني مابايعت بعد محمدا رجلا
* فطومه
* سلي الدوله عن كيفية اغلاق دكاكين الهلال الشرقيه واجبار المستأجرين علي توقيع عقودات جديده تفتقد الرضا وهو اهم اركان العقد وتجبر الناس علي التبرع
* من اجبر الناس وعطل القانون لصالح كردنه يافطومه!
* هل هو بكري ام جمال ام والينا عبد الرحيم يا اختي??
* وتقولي لي كردنه ما مدعوم
* المهم
* فطومه في فطرتها الفجأه ديك كتبت عن استقالة كردنه
* جابر جا منو البرجا
* اجروا ساي يافطومه
* جابر قعد في كرسي جابر
* الباقيين يشوفوا ليهم جمبه في بحردار يقعدوا في بنابر
* لكن ماقلتي لي
* هلالابيه ولا حكوميه يابت!!!
* غايتو يافطومه لو تابعتوا جيمي ده بتضبحوا قبل الضحيه طالما فطرتي الضهر والشمس بره
* ايها بشائر المجلس الجديد ظهرت لما فطومه هطرقت
* فقط نواصل الصمود حول الكيان
* مانبقي زيف
* عشان نبقي زيفه تقضي علي كل الزيف
* دعم القروبات والروابط الشهري لازم يستمر
* دايرين نشوف الاستثمار واقعا عشان نشوف الحقد واقع في واطات الله دي
* وفي قدوم جيمي خير كبير
* فطومه استسلمت وقالت القمه اكتر من عاديه
* وحاتنتهي بنتيجه عاديه يا فطومه
* كونو الهلال مايغلب المريخ في زمن كردنه عااااادي
* ومن البشائر روشا قال القمه هدية تاكس للمريخ
* وبكري المدينه هدية منو يا روشا!!!!!
* علي ما اذكر يافطومه في عهد طه الهلال فاز علي المريخ
* لكن في عهد كردنه يطرشني ويعميني
* يبقي الكج منو والنحس منو يافطين????
* خلينا من ده
* انتي هلالابيه ولا صمتي???
* ايها الناس
* اكتب قبل لقاء هلال الابيض
* اتمناها تجربه ناجحه تفيدنا في تخطي الارباب في الدارين
* ايها الناس
* اسي لو كردنه استقال او لو حصل امر الله( الشر بره وبعيد) الجماعه ديل حايسقفوا علي كده
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* رمضان لامينا
* بنفطر في الشارع جماعات يا والينا
* وهو شن الفطور يا اخينا
* لكن عيب الزاد ولا عيب سيدو هكذا قالوا لينا
* المهم فطرنا وجماعه صلينا
* كان معانا بتاع بحر يا والينا
* عجبو جو الروحانيات ووقف بعد الصلاة يخطب فينا
* عباد الله
* هكذا ابتدر كلامو لينا
* يوم ينفخ في الصور
* في ناس الا يعملوا رايحين وما يطلعوا من القبور
سلك كهربا
ننساك كيف والكلب اظنو مشي البحر ..بعد الزول خطب فينا الكلب عاين لينا عيونو كانت بتقول لو نفخوا في الصور وطلعوا من القبور حايعرفوا مين الطفا النور وهز ضنبو وجري
والي لقاء
سلك
امسح للحصول على الرابط
بواسطة : بابكر سلك
 11  0
التعليقات ( 11 )
الترتيب بـ
الأحدث
الأقدم
الملائم
  • #1
    حاج حمد محمد علي 06-13-2016 01:0
    اللهم اني صايم

    يا رجل ماتقول ليك كلام يشيه كلام الرجال
  • #2
    خال أماسى 06-13-2016 12:0
    والله نخجل من هكذا كتابات لانها مؤشر سىء جدا لصحافة البلد وبالتالى تهز سمعة البلد التى رفعها الطيب صالح ورفاقه ومن سبقوهم
    ياخى الكلمة امانة والدنيا رمضان خاف الله ما اتعظت من الركشة
  • #3
    محمد علي يحيي 06-13-2016 11:0
    قل لي بربك ماذا نستفيد من مهاتراتك البايخة دي... يا اخي قدم فكرة ترفع من مستوي اللعبة عندنا قدم شي نستفيد منه البلد في الرياضة بدل الفاظك البايخة دي واحترم الشهر الفضيل... ماذا قدم الوالي وغيره في الهلال للكورة هل احرز الفريقين بطولات عالمية..ز يا صحافي هذا الزمن الاغبر احترموا عقولنا هداكم الله...
  • #4
    الامين محمد نور 06-13-2016 11:0
    (سلي الدولة عن كيفية اغلاق دكاكين الهلال الشرقيةو اجبار المستاجرين على توقيع عقودات جديدة تفتقدالرضا وهو اهم اركان العقد ) انتهى كلام الكاتب ونحن نقول له سل الدولة عن اجبار الشعب السوداني كله بما فيهم الكاتب المحامي على شراء العدادات واعمدة الكهرباء و ملحقاتها واجبارهم على توقيع عقد ( الاذعان ) مع هيئة الكهرباء. وفوق ذلك الشعب بعد ان يشتري العدادات يقسر ويجبر على استئجارها . ممكن تسال الدولة يا محامي يا شاطر و يا مفتح . قال قانون قال .
  • #5
    abu Mazin 06-13-2016 10:0
    لا تحقرن قوما ولا تخوض فى اعراض الناس وعينك ان ابدت اليك معايبا فقول يا عين للناس اعين
    تريد ان تظهر بالبحث عن عيوب الناس
    اتقى الله انت فى رمضان
  • #9
    ودعقيده خلف 06-13-2016 03:0
    عافي منكي والله خايفك يوم تكتلك زول ساهي بي وهمه
  • #10
    ابو مازن 06-13-2016 02:0
    غايتو عوير عواره عم تنقو ده.. وعوارة الكبر شينه زي وشك ده.
  • #11
    سيف مدثر 06-13-2016 12:0
    واللغة ما اري فيك الا قمة الجهل والغيظ ليس لك موضوع يا فارغ تكلم في ماي فسد القرية الله المستعان
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019