• ×
الثلاثاء 22 يونيو 2021 | 06-21-2021
احمد محمد صالح

شكل الهلال بدون كاردينال

احمد محمد صالح

 10  0  988
احمد محمد صالح



* ما حدث للمريخ في الفترة الماضية من كواراث أدارية و أزمات مالية كادت ان تحدث للهلال لولا خروج المريخ من المنافسات القارية والتي حولت المشاكل من العرضة شمال الي جنوبها
خروج الهلال من المنافسات القارية ( قبل بدايتها ) أثار غضب كردنة والجماهير فقام كردوني بشطب معظم الأجانب بدون أي نظرة فنية وأقال المدرب المسكين بدون اي سبب غير أنه أعتمد علي عمار الدمازين في الدفاع وتوقف العمل في الجوهرة الما مشعة لفترة
وأنقلب الجماهير علي فطومة لدرجة أنهم رفعوا لافتتات مطالبين فيه كردنة ( بأختيارهم او أختيار فاطمة ) و كذلك حدثت مشاكل عديدة بين اللاعبين وهيثم مصطفي كل هذه المشاكل كانت من شأنها ان يجعل الكاردينال يستقيل عن رئاسة النادي ولكن خروج المريخ السريع نزلت بردا وسلاما علي النار المشتعلة في البيت الأزرق

* أعلام الضلال الذين تخلوا عن الكتابة فيما يخص فريقهم المتهالك في الأيام الماضية وأهتموا بأزمة المريخ والشماتة في المريخاب دون تسليط الضوء علي حال فريقهم المتواضع كاد الرماد ان يكيل فطومة والرشيد ولكن بلوة المريخ خففت عليهم بلوتهم

* تخيلوا معي لو كردنة أستقال وتم تعيين لجنة تسيير مؤقتة أولا الجوهرة لم تكتمل بناءه قبل مائة عام و فطومة بتمشي تدرب تيم مدرسة الزهراء سادومبا بمشي بفتح ليهو محل أورنيش في هراري والمدرب الروماني بمشي هلال الفششوية في ذمتكم يوم سمعتوا بمدرب روماني ناجح مكسيم بشيل شبكتوا بمشي بشتغل صياد شعبولا بمشي بشارك في دوري الأقزام شيبوب بمشي كتور جوبا جكسا بمشي المريخ لأنو بشبهنا أما باقي اللاعبين بنضموا لنادي الهلال للمصارعة الحرة تحت رئاسة البرير الذي يحل بديلا للجنة التسيير
* معاناة الهلال كانت ستكون أكبر بكثير من مشاكل المريخ لو أستقال كاردينال نسبة للفروقات الشاسعة بين جماهير الناديين فجماهير المريخ معروفا بعشقة للنادي وليس لافراد كما يفعل الهلالاب وخير دليل علي ذلك مشاركتهم في حل الأزمة الحالية بمبلغ نصف مليار
اما جماهير الهلال فهم منقسمين الي قسمين قسم مع كردنة وفطومة وقسم ضد فطومة ومع كردنة هذه الانقسامات كانت ستصعب في عملية حل الأزمة
* نادي الهلال كغيرها من الأندية السودانية لا تمتلك مشاريع أستثمارية لتغطية أحتياجات النادي أنما تعتمد علي جيوب افراد لذلك كان سيكون حاله أسوء من حال نده المريخ بأعتبار بان كردنة صراف ألي و بدون رقم سرى كمان
*كردنة الذي يعتبره الكثيرون أفضل رئيس في تاريخ المريخ لو أستقال كما فعل الوالي سابقا كان سيتضرر المريخ أيضا من أستقالته لان كردنة منذ توليه رئاسة النادي لم يفوز الهلال علي المريخ ولا مرة كذلك سيتضرر السماسرة الذين يأكلون من جنينة كردنة سنويا بجلب محترفين من عيار ثمانية بوصة ويستلمون عمولتهم وبعد ستة شهور يتم شطبهم
* هنالك فوارق كبيرة بين الناديين يا سادة فقد قصدت من ذلك تسليط الضوء عليها والمقارنة بينهما لان الواقع الذي عاشه المريخ في الفترة الماضية كانت قريبة من الهلال و ربما سيمر به يوما ما طالما ما أن أنديتنا السودانية لا تعتمد علي جماهيرها او أستثمارات ثابتة تجنبهم كوارث بعد أستقالة رئيس النادي
* شخصيا تخيلت شكل الهلال بدون الكاردينال وتخيلت شكل معاناة جماهير الهلال لابسين كسكتات ومتظاهرين أمام منزل كردنة في الخرطوم وفي أديس و دبي ولكن قبل ان أذهب بخيالي بعيدا أدركت ان الهلال هو الفتي المدلل للحكومة و وقتها عرفت أن الهلال لن يعاني كثيرا بل لجنة التسيير المؤقتة ستكون (مريشة) أكثر من مجلس كردنة
* حروف أخيرة *
*مصائب المريخ عن الهلال فوائد
* قد نقع أحيانا في بعض الأخطاء الأملائية والنحوية نتيجة الأستعجال فسامحونا
امسح للحصول على الرابط
بواسطة : احمد محمد صالح
 10  0
التعليقات ( 10 )
الترتيب بـ
الأحدث
الأقدم
الملائم
  • #1
    salah 06-12-2016 06:0
    عملت ليك عمود بتاع دراب بي جاي برضو يامندلة ؟ والله إنت طلعت راجل ماعندك شغلة وقاعد عاطل لافي ساي...سيب درب كردنة ده عشان مايجيك ضغط وسكري ساي علي سنك الكبيرة دي...هههههههههههههه قلت لي بتحلم بمحمد عبد الرحمن؟ بتساهم في تسجيله ولافصاحة ديوك ساي؟
  • #2
    Talal 06-12-2016 06:0
    طيب وقت عارف إنك بتقع في أخطاء إملائية نتيجة للإستعجال الشفقة ليك شنو؟ شفقان عشان تجري وتوزع في الإساءات لخلق الله؟ أنا أشك إنك صائم، وشكلك مابتصوم من الأساس....بعدين كردنة ده مطلع عينك للدرجة دي ومتمني ذهابه من الهلال؟ أها كردنة قال ليك حايحكم 25 سنة، يعني لحدي ماتخش قبرك كردنة لو مد الله في الأعمار حاتلقاهو قصاد وشك...مووووووت بي غيظك !!!
  • #3
    رندا 06-12-2016 03:0
    ي جماعةزول زي ده ماتردوا عليه .هو زول مغمور وما معروف اصلا قبل كدة فعاوز يشتهر ..ديل الكردنة هاريهم ومطلع عينهم وبتمنووا زواله من الهلال للشماتة زي ما زاغ بابا جمال .لكن نحن مابنتأثر بغياب اي رئيس عكس المرخرخ .البهربه منه اقطابه كهروب الصحيح من الاجرب
  • #4
    زاهر جعقر 06-12-2016 02:0
    يا زول انت متاكد انك صائم انا اول مره اقراء عمودك حيقة كده ندمان على وقتي الضاع بس عزائي في الضحك ههههههههههههههههههههههههههه
  • #5
    زاهر جعقر 06-12-2016 02:0
    يا زول انت متاكد انك صائم انا اول مره اقراء عمودك حيقة كده ندمان على وقتي الضاع بس عزائي في الضحك ههههههههههههههههههههههههههه
  • #6
    النورس 06-12-2016 02:0
    * معاناة الهلال كانت ستكون أكبر بكثير من مشاكل المريخ لو أستقال كاردينال نسبة للفروقات الشاسعة بين جماهير الناديين فجماهير المريخ معروفا بعشقة للنادي وليس لافراد كما يفعل الهلالاب وخير دليل علي ذلك مشاركتهم في حل الأزمة الحالية بمبلغ نصف مليار

    هاهاهاهاهاهاهاهاهاهاهاها دي جماهير الدلاقين ولا جماهير جمال الوالي... لعلمك المرخرخ نادي الحكومة والحكااااااااااااااااااااااام

    المريخ اسمه حمااااااااااااااااااااااااااام الوالي
  • #7
    أبو الأيهم الجرارق 06-12-2016 02:0
    يعني عارف في أخطاء إملائية... كويس والله افتكرتك ما عارف... بسم مستعجل مالك .. لاحق شنو؟؟؟!!!!
  • #8
    احمد مكي 06-12-2016 01:0
    الزول دة عايش في السودان والا برة . يازول انت وهم والا شنو قال شكل الهلال بدون كاردينال . الحمد لله الهلال غني برجاله . للهلال رجال يسدوا عين الشمس مشي الكاردينال بجي غيرو زي مامشي حسن هلال ـ طه علي البشيرـ احمد عبد الرحمن الشيخ ـ عبد الرحمن سر الختم -صلاح إدريس والأمين البرير ، شوف ياجاهل كم رئيس من ديل اتعاقبوا علي الهلال في عهد المستقيل طوالي . اما باقي الهرطقة الفي المقال دي مااظن محتاجة ليها ضياع سنين في دراسة الاعلام عشان تجي تكتبها . اي شماسي بكتب احسن من كدة
  • #9
    هلالابي وافتخر 06-12-2016 12:0
    انت يازول الصيام قام بيك ولاشنو كدي براحة كده بعض الافطار حاول أقراء مقالك ده تاني وشوف الوهم الانت قاعد تكتب فيهو
    حواء المريخ لم تلد ولن تلد غير جمال الوالي لانها عاقر بعده
    في فترة والي المريخ تعاقب علي الهلال 6 رؤساء
    حواء الهلال ودود ولوود لو راح الكاردينال في عشرة منتظرين
    وده الفرق بين الهلال والمريخ يامسيخ
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019