وخلفتم اسواء فترة وخليتوا الجمهور مغبون ،،،،،،،،
لاجديد يذكر ولاقديم يعاد
نفس الموال
مؤتمر وبيانات والصورة كل يوم ماشة مظلمة !!!!
رسالتنا الاولى الي السيد الوزير ولجنة التدمير:
السلام عليكم ورحمة الله
واما بعد
نحن جماهير المريخ نبعث لكم بورقنا هذا ونامل كريم تفضلكم بالنظر فيه......
هل المسرحية السيئة الاخراج ستتواصل ام كتبتم نهاية الرواية بطرد اخر مشجع من نادي المريخ
هل لديكم الرغبة في بيع نادي المريخ وممتلكاتة في المزاد العلني !!!
بلغونا حتى نبعث لكم بردنا ونعكس ليكم نبض الجمهور!!
مؤتمرات وبيانات وكلوا ماجايب هموا !!!!
بالله عليكم اسه مؤتمركم دا انتو مقتنعين بيهو خلونا نحن؟؟؟
من زمان ماكل لقاء ليكم طالعين لينا بنغمة واحدة انو الامور المالية تمام ومافي اي التزامات وانو وضعكم في السليم !!!
يعني الفات كان تخدير اعلامي
ولا ضحك علي الدقون؟؟؟
انتو مفتكرين انو الجمهور دا طلبة ثانوي ومراهقين فقط!!!
الجمهور دا فيه اعمامنا كباااار وفيه موظفين وعندهم اسر،،،
وبالمناسبة قروباتنا دي فيها الاب وابنو في قروب واحد وبيدعموا الكيان،،،،
يعني الجمهور واعي ومابستاهل الوضع الفيه الان سمعتوا ولا نعيد ليكم!!!!
وطالما اعتبرنا لقاءتكم السابقة تخدير اعلامي
مؤتمركم دا تخدير اعلامي ودفن روؤس في الرمال!!!
لانو في بنود مالية كتيرة ماذكرت ،،،،
واهم بند عندي تعويض اللاعب شيبوب من شيبة القروان
هل وصل ام لا
وهل تم متابعتة ام لا
الفيفا اقرت بالتعويض المالي للرعاية وعلي حسب علمي فوق المية وخمسون الف دولار وطالعناه كلنا في الصحف!!!!!
ووين عائد اشتراك الجماهير في خصم الرصيد بتاع شبكات سوداني وزين وام تي ان؟؟؟؟؟
وغارزيتو لم سلمتوه المبلغ دا ماكان تخلوه يواصل في تدريب الفريق بدل المدرب ايمال يعني دفعتوا هناك لغارزيتو ودفعتوا هنا لايمال ؟؟؟؟؟
الخلاصة نيابة عن نفسي وعن بعض الاخوة جماهير المدرجات تقريركم المالي مااقنعنا نهائيا !!!
وديونكم ذاتها مااقنعتنا
والفهمناهو انو النادي كان ماشة جرورة وسجل علي الدفتر
وبالفهم دا ادارة اي قروب من الواتس كانت ممكن تدير النادي
وفكونا من نغمة تصدوا
عشان بدل تصدو دي سموها تدينوا !!!!
ودمتم
ولنا عودة غدا نفد بنود مؤتمركم بند بند وكلمة كلمة
بس الملاحظة انو المؤتمر في المكتب التنفيذي !!!!
وين مؤتمرات الفنادق
ولا عشان كشف الديون اترفع مالقيتو طريقة تسجلوها دين
الخوف حق الموية يكون اتسجل مسبقا دين علي النادي
الاحساس الوصلني انو جيوبكم فيها عقارب ومابتودوا يدكم عليها للصرف علي النادي
وديووووووووووووووون في ديوووووون!!!
خلفتم وراكم ديون
وخلفتوا في زاكرتنا اسواء فترة في ادارة المريخ
وكل شئ خلفتموه لن يتركنا ويترك جسد المريخ بالساهل!!!!
رسالتنا الثانية
للاستاذ جمال الوالي
جماهير المريخ حاليا كلها تنادي بعودتك وحاليا القروبات في حالة استنفار لدعمك بالمال
الا تستحق هذه الجماهير تسجيل رسالة صوتية واحدة لتعكس لهم رؤيتك المستقبلية !!!
عمنا ابوالفياض وصل رسائل صوتية كتيرة وكانت معبرة وحببت الجمهور فية
ابعث برسالة واحدة لجماهير المريخ تشرح فيها موقفك فقط
جماهير المريخ لاتستاهل منكم هذا الوضع ،،،،،،
الجمهور الان صائم نهارا وينتظر المساء لسماع اخبار عن الكيان !!!
وناس الشتل اصبحوا متخصصين في الجمهور الغلبان!!
لانطلب لقاء تلفزيوني او اذاعي
وضح رايك في وسائل التواصل الاجتماعي فقط برسالة صوتية ،،،،،
مسك الختام
الحاصل الان يعتبر جريمة في حق كيان كبير اسموا المريخ
من المتسبب
ومن المستفيد
ومن المتضرر
المريخ فريق كبير ايها الساسة والسادة
المريخ كيااااااااااااااان
ووطن نسكنه
ونحن علي المدرج ندعم ونشجع ونتفرج
رسالتنا كالاتي
نفراتنا جاهزة
ننتظركم حتي نقدم دعمنا للكيان
بدل بيانات ومؤتمرات ساعدونا بكشف الحقيقة
القروبات تنتظركم حتي تخلصوا من الحوارات الدائرة حاليا
الرسالة الوصلتنا منكم
ان الجمهور آخر اولوياتكم
دعمنا جاهز
ونفراتنا موجودة بطرف المشرفين
احسموا الادارة وافيدونا،،،،،،
همسة اخيرة
المريخ مريخ الشعب
والشعب هو الجمهور
والجمهور هم شفوت المدرجات وجمهور الشمس
المريخ وطنا نعشقة ودولة نسكن فيها ،،،،،
لقد تسببتم في ضرر كبير لنا
ولم تراعوا لمشاعر واحاسيس كثير مننا!!!
تسببتم في نفور الصغار عن الكوكب الاحمر!!!!
وتسببتم في امراض للكبار
وتمت حملة التدمير بنجاح منقطع النظير!!!!!
هل تكرمتم وسلمتم مفتاح النادي للجماهير
قبل كل ذلك سددوا ماعليكم من ديون وسلمونا نادينا مصفر لا علية ولا له
سمعتونا
هذه آخر امانينا،،،،،،
خارج النص
حتي مؤتمر امس فيه بند منصرفات
وستتواصل المنصرفات والديون الاخ الوزير طالما لم تبادر بحل هذه الاذمة !!!!
ارحمونا يرحمكم من في السماء
الجماهير تغلي!!!
لاتخسروا جماهير المريخ
سارعوا في حل المشاكل
تغريدة مرورية
وراء كل حادث مخالفة مرورية
والموبايل يشكل نسبة كبيرة من الحوادث المرورية
اصل واتصل
اتصالك مهم لكن حياتك اهم
لاتسرع فالموت اسرع
الطريق ملك للجميع فلاتفتكر انه ملكك وحدك وتقعد تشتم في خلق الله،،،
طول بالك من اجل عيالك
تزكر دائما
ان اسرتك وعيالك في انتظارك
لاتدع رمضان وصيامك يخليك تتفشي في خلق الله كواريك
القيادة فن وذوق وادب،،،،،
تغريدة طبية رمضانية
قال تعالى (وكلوا واشربوا ولا تسرفوا) (الأعراف) تلك هي آية في كتاب الله، جمعت علم الغذاء كله في ثلاث كلمات. فإذا جاء شهر رمضان، والتزم الصائم بهذه الآية، وتجنب الإفراط في الدهون والحلويات والأطعمة الثقيلة، وخرج في نهاية شهر رمضان، وقد نقص وزنه قليلا، وانخفضت الدهون، يكون في غاية الصحة والسعادة، وبذلك يجد في رمضان وقاية لقلبه، وارتياحا في جسده،،،،،
هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية........
التغريدة لن تخرج خارج نطاق المجتمع المريخي نهائيا الا ماندر
نقد الذات يوصلنا الي الامام والي المنصات باذن الله ،،،،،
ادعمونا بالنصح والارشاد وصححونا إن اخطاءنا في يوم من الايام،،،،،،،،
