• ×
السبت 10 أبريل 2021 | 04-09-2021
محمد كامل سعيد

(طه سليمان.. مضيّع بلنتي)..!!

محمد كامل سعيد

 13  0  3313
محمد كامل سعيد

* تراجع القلق المتعلق بازمتي الجاز والبنزين قليلاً وهدأت مواقف المواصلات وتراجعت الزحمة لكن وفي مكان آخر تابعنا القلق يحاصر المواطن الغلبان من ارتفاع الاسعار وغياب الرقابة على السلع حيث وصلت اسعار المواد الرمضانية لارقام فلكية..

* اللحمة المفرومة والعادية وحتى الفول والعجور والكبكبيه والبهارات والبلح والبليلة (تصوروا البليلة) وكل ما يحتاجه الصائم في هذا الشهر الفضيل تضاعف سعره بينما حكومة ولاية الخرطوم مشغولة بتعيين لجنة تسيير للمريخ واجهاض الديمقراطية..!!

* حتى ما قيل عن انتظام التيار الكهربائي صار من الكلام الاستهلاكي الساكت الذي يقال لفض المجالس.. اما الماء فالحقيقة لقد اثببت لنا ولاية الخرطوم بالدليل القاطع انها أهم من الكهرباء خاصة في ظل الانقطاع غير المعلن طوال الايام الثلاثة الأولى..!!

* انه تأديب وانتقام من المواطن الغلبان الصائم الذي لا سبيل امامه غير التضرع للمولى عز وجل ليفرج كربه ويعينه على صيام ايام الشهر الفضيل بالصورة المثالية وان يتقبل المولى عز وجل قيامه وعباداته.. وفعلاً ربنا كريم على عباده..!!

* نعود للمسلسل السوداني اياه الذي لا اتذكر حقيقة اسمه وكل ما لفت نظري الاعلان عنه قبل بداية الشهر الكريم عبر قناة النيل الازرق وحقيقة ورغم التفاؤل وجدت ان الواقع جعلني او اجبرني على تبديل وجهتي والهروب على الفور من امام الشاشة..!!

* كالعادة لم استغرب من تكلف الممثلين السودانيين والرهبة التي تسكنهم بمجرد وقوفهم امام الكاميرا وهم في ذلك يتساوون الممثل الجديد مثله مثل ذلك الممثل القديم الذي قضىى أكثر من ربع قرن يحاول الوصول الى فهم معيّن في التمثيل..!!

* فنان (القنبلة) ذكرني قصة الفنانة المصرية شيرين التي قامت بتمثيل قصة حياتها واحسست بأنه تقمص شخصية عبد الحليم زمانه البغني بالدس مع الفنانين ويصفّق من خلفهم كشيال يعني ولا ادري كيف اراد اقناعنا بان والده (دقاه)..!!

* الزمن النحن فيهو ده الشافع الصغيّر ما بدقوهو بالطريقة التي تابعنا موسى الامير (يجلد) بها ابنه الكبير (الشنبو خاتي).. يا جماعة قليل من المنطق واحترام عقول المشاهدين الذين يتابعون الدراما بمختلف جنسياتها ولا يمكن خداعهم بتلك الطريقة..!!

* جمال عبد الرحمن وفيما يبدو اكمل كل ما يملك و(جاب آخره) بدليل انه صار يعيد ويكرر في نفس العباطات والهبالات التي كان يقدمها منذ ما يقارب نصف قرن من الزمان.. الدوباي الاشتر والغناء الباهت وغيره من الهيافات..!!

* اما عوض (شك القميص) فحكايته حكاية.. تفتح اي قناة تلقاهو قاعد يخفف في دمو ويتراشق ويظل يلف ويدور ويعتقد بان ما يقوم به من استظراف يعني هي دي الكوميديا اللي بتضحك الناس في رمضان.. بالله شوية خف يا راجل وقلل الطلة..!!

* عموماً حلقة واحدة تابعتها واكتفيت بكمية معتبرة من السخف و(العوارة) والحديث البايخ عن الكيكة بالسمنة ومتابعة المسلسل التركي على طريقة الشمطاء التي لم اتشرف باسمها لانها لا تمثّل لي اي شئ وتأكدت عملياً ان الدراما السودانية شبعت موت..!!

* طه سليمان ما عارف منو الاقنعو بانو ممكن يكون ممثل واظنه الان وبعدما شاف نفسو وهو بيمثل على طريقة اللاعب الذي ضيّع البلنتي في مباراة نهائية سيندم لا محالة على الاموال والوقت الذي اهدره في مثل هذا العمل الباهت الممل البايخ..!!

* تخريمة أولى: فكرة برنامج ـ دفعتي ـ عاصم البنا بقناة ام درمان جيدة وتتناول تفاصيل قد تكون خافية على عشاق الغناء بخصوص بعض النجوم.. وحتى الملاحظات المتعلقة ببعض الهنات يمكن تجاوزها لو افترضنا انها المرة الاولى لعاصم في التقديم..!!

* تخريمة ثانية: اما برنامج امنا حواء الطقطاقة فاعتقد ان (مطاعنات) الفنانات المشاركات فيه قلت ـ ولو حتى اليوم الثاني ـ واعتقد ان الفنانة الكانت (بتلّب بالحيطة) قللت من الحركة والهجيج الذي تميزت به طوال السنوات الماضية.. دي محمدة..!!

* تخريمة ثالثة: (جو صيني) ما هو الاّ تجسيد عملي يؤكد تراجع الابداع خاصة المتلعق بالاضحاك في بلادي وسيطرة الواسطات والعلاقات في تعيين هذا وذاك في مواقع حساسة بالاجهزة الاعلامية وبالتالي ابتعد اصحاب المواهب.. ولنا عودة باذن الله..!!
امسح للحصول على الرابط
بواسطة : محمد كامل سعيد
 13  0
التعليقات ( 13 )
الترتيب بـ
الأحدث
الأقدم
الملائم
  • #1
    zain 06-10-2016 06:0
    تشكر يامعلم اديهم بالتقيل لانو السودان بقى فوضى عارمة فى كل شى والمصلحجيه والمطبلاتيه في كل مكان..وهاجر أهل العلم والمعرفه فى كل أصقاع العالم.وتركو لنا ناس ظعيط ومعيط.طه سليمان عندو ثلاث اغانى قنبله.ودكام ومعارف ايه قال عايز يعمل مسلسل طيب خليك من الفنانين الكبار.محمود بس عايز 100 سنه عشان تلحقو انظرو إلى العالم الفارق بقى مخيف.فى كل شيء خلونا فى نحنا اول من أسس الإتحاد الافريقى.ووووووووو الله يعينك ياستاذ.
  • #2
    عمر 06-09-2016 10:0
    الحاقا لقرار تعيين مجلس تسيير لنادي المريخ لمدة 6 شهور : تعيين االصحفي الرقم الجهبذ العلامة الاستاذ مزمل ابوقاسم مساعدا للرئيس للشؤون الاعلامية .
    ليه كده ياوزير ؟ انت ماعارف انو في ناس ح تجيهم جلطة والتهاب مرارة وقولون وقرحة معدة ؟
    اقترح عليك الاحتجاب طوال شهر رمضان حتي تزول كل هذه الاعراض و لاتحصل لك مضاعفات .
    تلقاها من منو والا منو انت يا محمد كامل
    كان الله في عونك
    والله حاسي بالالم البتعاني منو
    منك لله يامزمل ويا جمال الوالي
    اللهم قوي عبدك محمد كامل لتحمل الصدمة واشفه من الحقد والحسد .
  • #3
    baco2 06-09-2016 05:0
    مرات تحسسنا انك علي المواطن
    ولكن كثيرا ماتخرج عن النص
    وصلت بك الشتيمة لاناس في قامة جمال عبدالرحمن
    والله اغانيه دي اروع من اغارني محترفين
    هيييييييييييييييييييييييي الحاج كع
  • #4
    انور التاج - ودسليم 06-09-2016 01:0
    ما عارف البعجبك شنو يا سيد محمد كامل تحب النقد فقط ياخى اترك الكتابة والمشاهدة واعتكف فى هذا الشهر الكريم ما حصل قرأت لك مقال واحد فيه حاجة ايجابية او جاجة عجبتك معقول يا ااخى
  • #5
    eid 06-09-2016 01:0
    انت فى كل حاجه وفى كل مجال خميرة عكننه ؟؟ ووسيلة قميئة للنقد .
    حتى لو كانت ملاحظاتك صحيحه على الرامج التلفزيونية فهل يمكن الكتابة عن ذلك بهذا الاسلوب القبيح وبتلك المفردات الركيكه والتافهه ؟؟؟؟
  • #6
    sahir 06-09-2016 10:0
    شكلك تعلمت من ستك فطومه لكن حقو تحاول تغير افكارها شويه لما تجيبها هنا يعنى اتعب نفسك ووصلت فكرتها بطريقه تانيه يعنى غير فى الكلمات ومواقعها وايضا الجمل !!!! اما بالنسبه للبرامج والمطاعنات والله صراحه كان يعملوا مسلسل 30 حلقه تخصص مطاعنات بس وانت تكون بطله الاوحد
  • #7
    sahir 06-09-2016 10:0
    شكلك تعلمت من ستك فطومه لكن حقو تحاول تغير افكارها شويه لما تجيبها هنا يعنى اتعب نفسك ووصلت فكرتها بطريقه تانيه يعنى غير فى الكلمات ومواقعها وايضا الجمل !!!! اما بالنسبه للبرامج والمطاعنات والله صراحه كان يعملوا مسلسل 30 حلقه تخصص مطاعنات بس وانت تكون بطله الاوحد
  • #8
    عماد عثمان - جدة 06-09-2016 10:0
    آي بالله أكتب في الفن و الحاجات دي .... بتكون ظريف و منطقي
    بالنسبة للكورة و المريخ عليك الله أنسى عشان المرارة ما تنفقع
  • #9
    سودانى 06-09-2016 10:0
    مهمة الصحافة الاولى ليست نقل الاخبار فحسب وانما يقع عليها دور مهم وهو تربية المجتمع ولا يتم ذلك الا من خلال النقد الهادف البناء وانتقاء العبارات غير الجارحة لمن تقييم افعالة واقواله وللقارئ ايضا,اعتقد استخدام عبارات مثل (العباطات)(الهبالات)(والسخف)(والعوارة)(والبايخ)كان يمكن استبدال هذة العبارات حتى لا توحى العبارات المستخدمة بان الامر ليس متعلق بنقد عام...هدانا الله وايام لما فيه صلاح العباد ورمضان كريم
  • #10
    ساشا 06-09-2016 09:0
    رمضان كريم حبيبنا محمد الكامل،،، ياخ خفف على الجماعة والدنيا رمضان وما تستعجل في الأحكام الانطباعية، النقد الفني له أهله ، موسى الامير له تاريخه بكل التجرد والمهنية وطه سليمان شكسبير وغيرهم بقدمون وسعهم فلنصبر ، يعني بقت عليهم هم بس،،
  • #11
    Ali M. Ali 06-09-2016 05:0
    يبدو إن الكهرباء عندك في البيت على طول أم عندك جنريتر وتتكلم عن الغلابة الما عندهم والماعندهم مسوي نفسك واعظ ....ومتسمر لي قدام الشاشة من محطة لمحطة وفي رمضان ..ياخي شوف ليك شغل غير دا في رمضان...
  • #12
    الزعيم 06-09-2016 05:0
    هههههههههه. ما قلنا ليكم بتاع التخريمات هو الوحيد البيفهم فى السودان والى الخرطوم مريخابى. طه سليمان مريخابى وكذالك جمال عبدالرحمن. وعوض. شكّة. وبنات حواء مريخابيات. ومزمل. كواي القلوب. ووالى الغالى. الا انت
    تخريمة. أولى احلى غنى. ليك. أكد اغنية حتعجبك الليمونة جوة قلبا مشتولة. خليك مع الليمونة. خالد
  • #13
    الجاكومي 06-09-2016 03:0
    ههههه أسألك بالله ركز مع ديل لانو شبهك .. وسيب المريخ لمزمن والمالي الغالي ....
    قوم لف
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019