• ×
السبت 10 أبريل 2021 | 04-09-2021
شوربجي

وعاد عهد اللقيمات الميمون

شوربجي

 13  0  2265
شوربجي

((())) لقيمات رمضان احلي من لقيمات الاتحاد :

فكلما وضعوا امامي صحن اللقيمات الرمضاني الجميل ضحكت وانا اتذكر اتحاد اللقيمات وجمال الوالي واسامه ومعتصم ومجدي

و تلك الالعيب المضحكة التي كانوا يمارسونها

وبالامس ومع صحن الامس ضحكت طويلا لان فريق اللقيمات بدأ يكتمل من جديد بعد عودة السيد جمال الوالي

ومن بكره حنقعد جنب الحيطه ونسمع الزيطه

ومع ونسي لم تكن هنالك لقيمات

بل كانت آهات وولولات و٤ مليارات

وطير طير يا تسيير نحن معاكي في التغيير

وعاد عهد اللقيمات الميمون وعاد جمال وعادت الديون

وخوفي ان تصبح ( لقيماتهم ) الجديده مسيخه بعد ان اصبح طباخها الماهر اسامه عطا المنان مطالبا في تحقيقات ماليه وقروش كتيره ما عرفوها راحت وين

فديون المريخ للاعبين الوطنيين ضخمه جدا و من شأنه أن تصعّب مهمة جمال حيث بلغت مديونية علي جعفر لوحده مليار و 500 ألف جنيه لعمر بخيت ومثلها للمعز محجوب ومصعب عمر بينما تبلغ مديونية راجي 380 مليون، وبلغت مديونية حماد بكري 200 مليون جنيه ومثلها لابراهيم جعفر إلى جانب مبلغ مائة مليون لبرنس عطبرة و200 مليون لألوك أكيج و100 مليون لعطرون ومازن شمس الفلاح بينما تبلغ مديونية محمد الرشيد 150 مليون.وابر المديونيات لبكري المدينه وتراوري وكوفي واوكرا فهي اكثر من ٦ مليارات

ووضع الفريق في الدوري الممتاز سيئ للغايه

والخروج الحزين من بطولة افريقيا مازال مأتمه مفتوحا

وطلبات مريخيه بالجمله للحكومه والاتحاد

ومطالبه صريحه بتسديد ديون المريخ من خزينة الدوله

واولي الطلبات الملحة تأجيل جميع مباريات المريخ المؤجله الي اجل غير مسمي

وثانيها ايقاف شيبوب وسادومبا من اللعب في مباراة القمه

وثالثها تسجيل الوك الجنوبي رغم كل المخالفات والتزوير للرقم الوطني

ورابعها ايجاد حل لجميع ديون المريخ وتسديدها في اقرب وقت ممكن

وخامسها ايجاد حل لفارق النقاط ما بين المريخ والهلال

وسادسها التدخل لدي الكاف وايقاف اصدار عقوبات ضد المريخ

ودي لعبتك يا مجدي وحلاوتك عندي

وطبعا الحكومه والاتحاد سيوليان اهتماها عاليا بمشاكل المريخ

فهي بالنسبة لها خط احمر واولويه قوميه

وقد بدأت الحكومه وعلنا ترك كل مشاكل الكهرباء والماء والخبز والمواصلات جانبا والاهتمام بمشكلة المريخ العويصه

كذلك بدأ الاتحاد خرمجه ومخالفات ٢٠١٦ لصالح المريخ

لذا كانت للهلال العظيم كلمه قويه

فقد رفض الهلال مؤامرة البرمجة الجديده

علي ان تكون مباراة المريخ و هلال كادقلي في مواعيدها المقرره

وان تكون مباراة المريخ واهلي شندي في وقتها

وان تكون مباراة القمة في وقتها

ولكن خوفي ان يتخاذل هلال كادقلي مرة اخري ويقبل بالبرمجه الجديده

الهلال سيقلب عاليها واطيها ان تفاعلت معه الانديه او لم تتفاعل

ويسقط يسقط عهد اللقيمات الميمون


((())) مريخاب زعلانين شديد قالوا :

الجوهرة الزرقاء والفلس جابوا لينا الارق

وفعلا قلعتنا خلاص كبرت وقولوا ما شاء الله

وبقت بنوته

وعقبال تبقي عروسه

وبأذن الله هي محروسه

وستغني لها حواء الهلال جناي البريدو :

جناي البريدو واحضر جديدو واحنينو في ايدو يا الله حضرني

يخلص مدرستو الـ ليها حمستو......يا الله حضرني

ويكبر ونستو ,بي مناي حدثتو....

جناي البريدو واحضر جديدو واحنينو في ايدو يا الله حضرني

يخلص الجامعة حد السنة الرابعة....

دعواتي ي السامعة,في المرتبة اللامعة وافرحبو بي الدامعة....

انا اشوفو في بيتو,ما يصادف القامعة....

معاهو بت الناس ي الله حضرني ,لا قاسية لا طامعة ي الله حضرني....

جناي البريدو واحضر جديدو واحنينو في ايدو يا الله حضرني

يحقق الامال ي الله حضرني ويحقق أغراضي ي الله حضرني

جناي البريدو واحضر جديدو واحنينو في ايدو يا الله حضرني

يبقي لي حـــاجـــة,الناس ليهو محتاجة....

لي الله بتناجي,للكعبة وحجاجا....

يٌزورني الروضة,انا وامسك سياجا....

ويشاوروا لي كبارو, ويقولو هنداك جا ,ده يراطن الخواجة....

ما يحوجني الحاجة ي الله حضرني, في الدنيا الحواجة ي الله حضرني

جناي البريدو واحضر جديدو واحنينو في ايدو يا الله حضرني

لذا فاننا نوصي صيدليات العاصمه بتوفير الكثير من الادويه المقاومه للارق للمريخاب

واوعى تسأل ليه مساهر

وإنت داري سبب سهادي

أوعى تعمل فيها ناكر

وتبقى بالحرمان ممادي

اصلو قلبك يااخي فاكر

إلا بس قاصد عنادي

حن علي ويااخي أرحم

يااخي ماتعذب فؤادي

بدري قالوا البادي اظلم

وأنت عارف كنت بادي

الا مفروض برضو تعلم

في حروفك ببقى زادي

في بعادك قلبي يألم

كيف حالك في بعادي؟؟

مناي ليك ياغالي تسلم

وتبقى كيدآ لي الأعادي

وبكرة ترجع بيك أغنم

وبي تنعم يامناي ويامرادي

ومما قالوا الوالي راجع ناس العرضه جنوب جاهم النوم

والنوم جافاني وقسمتو لجيراني

والمختصين قالوا ان من اسباب الارق

تناول القهوة والشاي قبيل النوم ما بجيب الارق

و تناول وجبة دسمة وما يرافقها من عسرة في الهضم تعمل ارق

والضجيج يؤثر بشكل مباشر على الدخول في النوم ويسبب الارق

والنيكوتين الموجود في دخان التبغ مادة مثيرة للدماغ يمكن أن تسبب الأرق .

والعاملون في الليل معرضون للإصابة بالأرق

الضغوط الحياتيه اليومية تسبب الأرق ،

والضغط النفسي المؤدي إلى القلق هو مسبب رئيسي للأرق

ناس المريخ تجمعت فيهم كل هذه الاسباب وزد علي ذلك مستوي فريقهم المتوقف عن التمارين الا مع تريعة البجا

وكراكات الجوهرة سببت لهم كذلك الكثير من الارق

ومباراة القمه اصبحت ترعب المريخ هو الآخر وتسببت لهم في الارق

وهلال كادقلي اكيد عامل ليهم قلق شديد وجايب ليهم ارق

واهلي شندي هو التاني زول ارق

السؤال الذى يطرح نفسه هل عودة جمال الوالي ستعالج كل هذا الارق

كمتابع اقول لا والله يعالجهم من الارق


((())) ما تقول لي : نيلك نيلك جري قدامك :

بيتنا في الكلاكله جنب النيل والمويه مقطوعه طوالي ؟؟؟

النيل يجري شمالا وقد تركنا عطشي

لا نافع وزير ولا نافع والي ولا نافع نافع

هم يقولون انهم صاح والنيل هو الغلطان

لذا نقترح الغاء وجود النيل في السودان وتحويله لدوله اخري تستفيد منه

فنحن لا نستحق هذه النعمه التي منحنا الله اياها والمياه مقطوعه ليل نهار في كل البيوت

في وقت لدينا جيوش من الخبراء والمهندسين والوزراء يتقاضون رواتب ضخمه بحكم عملهم في هذا المرفق ولتوفير المياه للانسان ويا خساره

فهم في الحقيقه لا يستحقون هذه الرواتب والبدلات وقد فشلوا في توفير المياه للمواطن

ايها الجاهلون نحن في عام ٢٠١٦ وقد عدتم بنا الي الوراء سنوات وسنوات لنشرب المياه بواسطة الدواب والصهاريج الملوثه

برلمان وحكومات وثرثرة فارغة في الفضائيات وهي لله وهي لله وهي اصلا لنفسه وجيبه وبطنه واهله

اتقوا الله في هؤلاء المساكين

وفروا المياه في هذا الشهر الكريم

فكم من دعوات المساكين تطالكم كل يوم ايها الاغبياء

لقد انطبق علينا قول الشاعر :

كالعيس في البيداء يقتلها الظما والماء فوق ظهورها محمول

اللهم لا تسلط علينا من لا يخافك ولا يرحمنا



محمد حسن شوربجي
امسح للحصول على الرابط
بواسطة : شوربجي
 13  0
التعليقات ( 13 )
الترتيب بـ
الأحدث
الأقدم
الملائم
  • #2
    صلاح ابراهيم محمد 06-10-2016 02:0
    شيل شيلتك معظم لاعبي الهلال بدأوا يتغزلون في المريخ بعد عودة الأخ جمال الوالي.نعمل ايه الدنيا بقت مصالح.
  • #7
    محمد مصطفى 06-09-2016 01:0
    انت ضحكت مع صحن امبارح بس نحنا من رجب نضحك الهلال خرج من المولد بدون حمص هروب من الكاس وانسحاب من الممتاز بحجة الاتحاد خوفا للادارة من الهزيمة وصحن لقيمات للغلابة مثلك اصبر يمكن يهرب تاني وينسحب الهلال وتضحك تاني لما يخلوها الحكاية فاطمة والكردنة بسبوسة ولا عندك السكري من الصفر الدولي العريض ..صدق كلما اشرب موية بقيت اضحك الموية فيها ريحة شوربة ياربي تاني البحر قام في العرضة شمال نحس ريحة دميرة
  • #8
    بابكر عوض الشيخ 06-09-2016 12:0
    تعيش ياشوربة يا من ألجم الزنطور وأخرصه وتركه في الفلك يدور وقطع أسلاكه وصار ذكريات مع التحيات لوالي الخرطوم
  • #10
    جمال الدين هاشم 06-09-2016 11:0
    القروش اندفعت في عهد تسير الهلال حات من وين من الامم المتحدة والا من الحكومة تم تسديد ديونك يعني حلال والاايه ما كان في محتاجين في السودان
  • #12
    الاسر جمالك 06-09-2016 09:0
    و الديون الفي عهد عطا المنان و اخو البشير و التي يقال انها بلغت 32 مليار!!! منو الدفعها انت فاكر دفعوها ابناء الهلال ؟ دفعتها الحكومة ياشاطر و هذا الكلام مش بعيد قبل سنتين بس
  • #13
    الزعيم 06-09-2016 05:0
    عليك الله ورينا قاعد تاكل لقيمات فى اى جامع. فى جدة. شهر رمضان شهر الخير فى اى بلد اسلامى. وفى السعودية غير. من حقك تضحك. الجوع كافر ولقيت لقيمات واتذكرت اللقيمات فى السودان عليك الله خزن شوية فى تلاجة جيرانك لأنك ما حتضحك بِعد العيد
    بارك الله فيك يا طه سليمان المريخابى. خليت العاطل بعد ما ملىء بطنه باللقيمات والضحك والفرح الهستيري. على طول دخل القوقل حفظ اغنية جناين البريدو غايتوا جمال الوالى حيقتل. العاطل اللهم أنى صاىم. الضربة على الميت حرااااااام
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019