• ×
الإثنين 2 أغسطس 2021 | 08-01-2021
شوربجي

اني اتنفس تحت الماء اني اغرق

شوربجي

 3  0  1618
شوربجي


((())) فوز الهلال في القمه مسألة وقت :

ورغم تفاءلنا بالفوز علي المريخ الا اننا نحذر لاعبي الهلال من الغرور

فالمريخ ورغم ما يعانيه من مشاكل الا انه ( سيفرر فرفرة المذبوح )

وقد شاهدت جملا في شوارع طهران يدهس المارة رغم انه مذبوح

فالمريخ سيحاول اثبات الوجود رغم توقف لاعبيه عن التمارين

والمريخ قد يحاول الظهور بمظهر الفريق الما متأثر بهذه الاحداث رغم غياب مدربه البلجيكي الذي آثر الذهاب الي الفيفا بدلا من العودة الي الجحيم

لعدم حصوله علي تذكرة العوده التي فشلت ادارة المريخ في توفيرها

لقد حاولت ادارة المريخ وبالتعاون مع اتحاد اللقيمات في الحصول علي قرار لمنع لاعبي الهلال الجدد في المشاركه في القمه

ولكن الهلال تصدي لهم بقوة واصدر بيانا يرفض فيه ذلك القرار

لان الاتحاد هو من سجل هؤلاء اللاعبين

ولعلهم قد تذكروا ثورة الهلال في ٢٠١٥ والتي هزت كيان هذا الاتحاد

وان التكرار يعلم الشطار ولكن هؤلاء ينطبق عليهم نفس ما يناسبهم : والتكرار لا يعلم .

لقد ارادوا اثارة زوبعة وحتي يتجنبوا اهداف البطاح وعكسيات شيبوب واختراقات شابولا

وبصراحه نتمني ان تستمر ازمة المريخ حتي موعد مباراة القمه

والجرسه والبهدله والنحيب

وجمال الوالي ما راجع

لا جمال الوالي راجع

لا ما راجع

لا راجع

ومسيرة مليونيه

لا ما في مسيره مليونيه

واليسع قال

واليسع ما قال

واليسع زعلان

واليسع فرحان

وتمارين المريخ متوقفه

لا حضروا نفرين

وبكري المدينه داير قروش

لا بكري سافر للعلاج

والقروش عند ونسي

وونسي منتظر النفره

والنفرة نفرت

ومزمل مادفع

وهواري زعلان من مزمل

وقريش آخر انبساط

ونادر قبل الاعتذار

والكاف يصدر غدا عقوبات علي المريخ

وايقاف سنتين في البطوله الافريقيه

وجمال سالم في البلد

وجمال سالم ما راجع

وجمال سالم عايز قروشو

وبكوري عايز قروشو

وديدا عايز قروشو

والحوالات كلها مضروبه

والشيكات كلها راجعه

وبلاغات باعتقال ونسي

ووزير العدل يطمن ونسي

وسوف يتم القبض علي امين المال المسكين

وسوف يتم القبض علي سودكال المسكين

ومزمل عندو اكتئاب

رغم الاعتذار للمعارضه

وجمال الوالي لازم يرجع

وجمال الوالي لازم يدفع

ما انت الجبت جمال سالم

يا اخوانا انا فلست

يا اخوانا انا اتبشتنت

لا لازم ترجع رئيس طوالي

يا جماعه بنك الثروة الحيوانيه ما فيهو قروش

طيب شوف لينا بنك تاني

وشوف لينا نفرة تانيه

وشوف لينا هبره تانيه

شوف لينا كيزان مريشين

وشوف لينا عم عبد الرحيم والدفاع بالنظر

وتقنية الدفاع بالنظر

المريخ يغرق يغرق يغرق

واني اتنفس تحت الماء

اني اغرق اغرق اغرق

قوووووووووون سادومبا الهدف الاول

وجمال الوالي لازم يرجع

قوووووووون سادومبا الهدف التاني

وجمال الوالي لازم لازم يدفع

قووووووون سادومبا الهدف التالت

والو يا ناس المورده

جهزوا لينا عشا مكرب

جاينكم


((())) اتركوا بلاتشي وتحدثوا عن المريخ :

بلاتشي ما شاء الله عليه

راجل منظم

وشغال بهدوء شديد

والمهم ان لا يتدخل احد في الشئون الفنيه

ودعوه يعمل بحريه

واشغلوا انفسكم بمشاكل الوصيف

وفضائح الوصيف

وفلس الوصيف

وعودة جمال الوالي

وببنك الثروة الحيوانيه

وفيهو كم خروف

وفضل كم جمل

وفضلت كم بقره

وكم سعر الخروف

وكم سعر البقره

وكم سعر الجمل

وكم ضبحوا للمريخ ايام الترطيبه

الثروة الحيوانيه كملوها في عزام

والثروة الحيوانيه كملوها في مازيمبي

واتركوا بلاتشي يعمل واشتغلوا بخلافات اهل المريخ

واعتذار مزمل لنادر بعد ان مسح بيهو الواطه

واعتذاره لقريش بعد اتهامه باختلاس اموال في المريخ

تحدثوا عن الاساءات التي طالت الكابتن هواري

تحدثوا عن وفد الشحده المريخيه في القصر الجمهوري

تحدثوا عن النفره الوهميه

تحدثوا عن الفلسه التاريخيه

وحتي ولو رجع جمال الوالي

المهم هو ان اتركوا بلاتشي يعمل بهدوء


((())) الركن الخاص لاطفال التعليقات وقصة اليوم :

الانتظار

زرعت البذرة و انتظرت . أتي المطر بعد قليل من السماء يسلخ جلدها ويجعلها ترتجف . لقد
ارتعشت بردا لكنها لم تغادر , ليس بعد .
بزغت الشمس مدفئة التربة , ساحبة البرد من عضامها . و انتظرت .
كانت الغيوم تدفعها الرياح من الأعلى في السماء في عجلة لسبب ما . ارتفع القمر , ودارت النجوم ,
ثم ارتفعت الشمس ثانية .

لم تنتظر فقط بالطبع . لقد صلت وغنت , وقرأت القصص القديمة , والأساطير والخرافات . وفي
اليوم السابع غفت تحت السماء الصافية , ولم تستيقظ إلا قليلا عندما لا مست يعسوبه أنفها . لقد
لاحظت أجنحتها المشابه لشبابيك الكاتدرائية ينسل عليها ضوء الشمس المتكسر . ثم غفت مرة
أخرى بعد أن غادرتها اليعسوبة .

المطر , الشمس , القمر لقد تحملتهم جميعا . ثم شقت البذرة التربة في لولب أخضر متصاعد , باحثة
عن العالم كله كعلامة استفهام في لغة قديمة . جلست فوقها و انتظرت كثيرا لأيام , لشهور ولعقود.
ليمر طفل فيسألها لمذا تسلقت إلى قمة الشجرة .
قالت , " لم أفعل . "

انتهت

وطبعا المتفلتين لن يفهموها لانها قصة امريكيه

بس بكره اوعدكم بقصة قدر عقلكم

والمهم تمشوا الحمام قبل ما تنوموا عشان ما تعملوها في السرير


محمد حسن شوربجي
امسح للحصول على الرابط
بواسطة : شوربجي
 3  0
التعليقات ( 3 )
الترتيب بـ
الأحدث
الأقدم
الملائم
  • #1
    محمد احمد ود علي 06-05-2016 07:0
    هههه متين كوره هلال مريخ كانت مربوطه بالظروف وقوه فريق دون الاخر ،، انا خايف من حمل ايران ههههه يا اخوي ربنا يهديك
  • #2
    حسن ميرغني عثمان 06-04-2016 02:0
    مافي شخشخة كلام ذي الورد ولا يهمك من تعليقات الدلاقين
  • #3
    الاسر جمالك 06-04-2016 03:0
    يازول انت بتعقل متين نحن على اعتاب الشهر الفضيل فقل خيرا ،، اللهم انا نسألك العفو و العافية
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019