• ×
الأحد 28 فبراير 2021 | 02-27-2021
معاذ ابو مؤيد

موسم الهجرة الي المريخ بفكر عصام الحاج

معاذ ابو مؤيد

 1  0  875
معاذ ابو مؤيد

وياريت التنفيذ يكون بشباب المدرجات


كلام واضح وفي المليان من عصام الحاج
تم تسميته عصام تقشف
المفروض يسمى عصام الحريف
وعراب المريخ
كلام زول مدرك لحال المريخ
وقريب من البيت المريخي
تدرج في المناصب في النادي
شكرا عصام الحاج
مقولتين فقط تكفي عن الحلقة كاملة
موسم الهجرة الي المريخ
ولن نبيع المريخ بعشرة جنية
كلام كبير
ولن نغفل مشروع الالف في الف
دا عندو مذاق خاص
يعني تحلية الحلقة
شكرا عصام الحاج علي الوضوح
بالمناسبة نتمنى من الاخ عصام لو الوالي رفض المبادرة ان تتقدم الصفوف وتقود المريخ
والقروبات حتدعمك بالغالي والنفيس وان يكون الوالي داعم شرفي ليك ،،،،
يعني عايزين المريخ يكون تحت قيادة امنة ورشيدة
والاصوات النشاذ الباحثه عن الشهرة تشوف ليها بلد وكوكب غيرنا
المريخ عالم جميل،،،،،
شكرا النيل الازرق علي الوجبة الدسمة قبل رمضان،،،
ياريت لو سهرة منكم تجمع اطياف البيت المريخي تكون مبادرة لم الشمل برعايتكم تكون ضربة معلم،،،،

المكتب الصحفي للسيد الوزير
قاعدين تلخصو الحال المريخي لسيادة الوزير؟؟؟
الصحف والاذاعات والتلفزيون
الكل يتحدث عن المريخ
هل تم تلخيص كل ذلك ولا شايلوا الهواء !!!
الحالة الاعلامية تلخص لسيادتك النبض المريخي
شغل المكتب الصحفي حاليا اصبح اسهل مايكون
السوشل ميديا اقرب اليكم لو عندكم الرغبة في التلخيص!!!
ياسعادة الوزير المجتمع المريخي كلو ناشدك وللان يناشدك !!!
اليوم في الشروق في حلقة نتمني سماع القرار !!!
اكسب اجر في شعب المريخ قبل رمضان،،،
اعتبر نفسك مشجع مثلنا
خت نفسك في محل المشجع الموجود في اقصى السودان جالس يتابع حال المريخ متنفسه الوحيد يضيع ،،،،
مرة واحدة اجلس مع نفسك
رجاء من مدرجات المريخ

عندنا سعال محيرنا
اين لجنة التسير واعضاءها؟؟؟
اين اختفت الطلة الاعلامية
اين اختفت الصور الجانبية
اين انتم؟؟؟
انشاء الله المانع خير
كمان قلنا ليكم ماتكتروا الطلة بس كمان ماتقطعوا رجلكم للدرجة دي!!!
والسؤال الاخر
كم عضو لجنة تسيير متبقي للان ؟؟؟
العارف يورينا؟؟؟
قبل كم شهر كان الحال غير دا الحال!!!!

مسك الختام
الحال في المريخ يغني عن السؤال
وياريت نسعي الي موسم الهجرة الي المريخ علي راي الاخ عصام
مؤتمر الحوار المريخي مطلوب
حوار مريخي مريخي
لابديل للمريخ الا ابناء المريخ

ونحن علي المدرج ندعم ونشجع ونتفرج
جماهير المدرجات نحن اساس كل ادارة
ونحن استثمار كل ادارة
المدرج سند لاي رئيس واي رئيس حيرجع للمدرج بعد الاستقالة او الاقالة
يعني المدرج للجميع
وحتي الخلف الشاشات هم في المدرج،،،،

همسة اخيرة
علي جميع جماهير المريخ ان تتاكد ان المريخ كبير برجاله
وان لاكبير علي المريخ
والايام القادمة فيها المثير
وربنا يبعد عننا تعنت بعض ابناء المريخ ويحكموا صوت العقل
ويرخي لينا اضان الوزير
عشان يستمع الي صوت الجماهير

خارج النص
العزاء الي اسرة المشجع المريخي الامريكي
ربنا يتقبله قبولا حسن ويسكنه فسيح جناته
لانقول الا لله والا اليه راجعون

معظم الاندية العربية تعاني ماليا
ومعظمها تبحث عن روؤساء والنادي الموفق من يدار يطريقة مؤسسه تبعدها عن عناء البحث
المؤسسية لابد ان تعود للمريخ
وان تنفذ كل اقتراحات ودالحاج
فكر كبير من رجل جميل،،،،،

ياريت نسمع مبادرة من احدى القروبات لدعم التدريبات
ياريت نشارك لو بالقليل
نرجع للمريخ وقروبات المريخ سيرتها الاولي،،،،



تغريدة مرورية
وراء كل حادث مخالفة مرورية
والموبايل يشكل نسبة كبيرة من الحوادث المرورية
اصل واتصل
اتصالك مهم لكن حياتك اهم
لاتسرع فالموت اسرع
الطريق ملك للجميع فلاتفتكر انه ملكك وحدك وتقعد تشتم في خلق الله،،،
طول بالك من اجل عيالك
تزكر دائما
ان اسرتك وعيالك في انتظارك

هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية........
التغريدة لن تخرج خارج نطاق المجتمع المريخي نهائيا الا ماندر
نقد الذات يوصلنا الي الامام والي المنصات باذن الله ،،،،،
امسح للحصول على الرابط
بواسطة : معاذ ابو مؤيد
 1  0
التعليقات ( 1 )
الترتيب بـ
الأحدث
الأقدم
الملائم
  • #1
    جون سينا 06-03-2016 08:0
    يا زول إنت جادى قول موسم الهجرة من المريخ لأن المرخرخ أصبح طارد فلس وجوع وتشرد وتحزبات ولبعدين عصام دة مش المرشد سماهو الجعجاع الجدة شنو .
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019