• ×
الأحد 26 سبتمبر 2021 | 09-24-2021
احمد محمد صالح

المافيا الزرقاء ودورها (١٠/٢)

احمد محمد صالح

 8  0  987
احمد محمد صالح



* لا يختلف أثنان علي ان ما يمر به المريخ حاليا من أزمات و كوارث أدارية بفعل فاعل ولكنهما قد يختلفا حول هوية الفاعل فمنهم من يتهم أبناء المريخ ويري الخلافات فيما بينهم نتاجا للأزمة الحالية والذي نتج عنه التشتت والتنافر
ومنهم من يتهم قائد التدمير السريع الوزير اليسع وشخصي الضعيف منهم
* تحدث في مقال سابق عن المافيا الزرقاء ودورها داخل أروقة الاتحاد العام وأنظمة الدولة ودورها الكبير في الأحداث التي وقعت نهاية العام المنصرم والتي كادت أن تذهب بالأتحاد الي الخور
ها هي نفس المافيا تظهر اليوم من جديد وتفجر الاوضاع في المريخ
* المشاكل بدءت بالهلال أولا وكانت ان تقضي علي اليابس والاخضر فيها و كادت ان ( ترحل فطومة ) ولكن هنالك قيادات عليا لا ترغب في ( بدهلة ) الهلال فتسارعت في أيجاد حلول وان كان ذلك مخالفا للقوانين والقيم فأنخفضت نار الخلافات سريعا في البيت الأزرق وعاد الوصيف الي الأستقرار في وقت قياسي ولأن المافيا الزرقاء هدفهم الأساسي هو أستقرار الوصيف وزعزعة الزعيم نجحوا في تحويل المشاكل من العرضة شمال الي جنوبها مستغلين بذلك بعد أبناء المريخ عن منطقة صنع القرار ونوم الجماهير في كهف الشتول والتخدير
* المافيا تستحوذ علي أهم مراكز صنع القرار بل وتتحكم وتعلب كما تشاء بالقرارات التي تصدر سواء ان كانت من اتحاد او جهات عليا
وخير دليل علي ذلك قضيتي شيبوب والوك و ( شتمة ) كردنة الشهيرة و برأيكم لو كان مكان كردنة حاتم محمد احمد كان الزمن دا في أبوغريب ولا غونتنامو
* لو حاولنا تقييم أداء أبناء المريخ ( ذوي النفوذ ) ودورهم تجاه ناديهم نجد الحصيلة صفرا يشبه صفر الوصيف بأستثنياء الاسد الجاكومي
بالمقابل نجح أبناء الوصيف في كل المهام الموكلة اليهم أنسحاب ٣مباريات عادي وكأنوا ما حصل حاجة الوك تسجيلوا صحيح مع ذلك لم يستطيع المريخ الاستفادة منو طيلة الفترة الماضية
وشيبوب تسجيلوا غلط وح يلعب اول مباراة عادي جدا والان أبناء المريخ يحاولون أعادة الوالي ولكنهم أصتدموا بالمافيا التي قطعت عليهم الطريق بل وأجبرتهم علي قبول لجنة التدميراب خصب عنهم
كل هذا وأبناء المريخ يتفرجون وربما البعض منهم يستمتعون
* الحكم الجابوني الذي ظلم المريخ امام مازيبي في امدرمان يعود مجددا ويظلم المريخ في المغرب ليخرج المريخ من التنافس القاري وتبدء المشاكل في الظهور كل هذا كان مطبوخا ومخططا من المافيا وأنتم ما زلتم في الكهف
* للأسف هنالك من يساندون المافيا من أبناء المريخ وذلك بقبولهم لأنصاف الحلول مثل التسييرين و تصديق وعود الكاذبة مثل الدعم الحكومي والسماح لكل من هب ودب ان يعبث بالمريخ
* أصبح مسألة القضاء علي المافيا الزرقاء صعبة للغاية ولكن ليست مستحيلة وذلك بتجمع أبناء النادي فيما بينهم ونبذ الخلافات والصراعات من اجل هدف واحد وهو أستعادة المريخ من قبضة هؤلاء
عيب علينا جمعيا ان نردد شعارات ولا نطبقها علي أرض الواقع
* لست من أنصار السياسية ولا أفهم فيها ولا أحب الخوض فيها ولكن هنالك من ربطوا الرياضة بالسياسة وأصبحت الأندية تخضع لنظم سياسية بحتة مما أفقدتنا متعة كرة القدم في السودان
* كل يوم يمر علي المريخ في هذه الحالة تعتبر خطرا عليه وأنتصارا للمافيا الزرقاء التي تحاول بكل الطرق أبقاء الأوضاع هكذا لاطول فترة ممكنة لتحقق اكبر عدد من أهدافهم
* أفيقوا وأعوا يا مريخاب المريخ ماشي من هاوية الي هاوية فتكاتفوا فيما بينكم الوضع يزداد سوءا كل يوم ويحتاج لمشاركة ومساهمة الكل لايجاد الحل فلا تتخازلوا
* كمريخاب لازم يكون عندنا موقف قوي جراء ما يحدث للمريخ حاليا موقف قوي يسجلها لنا التاريخ يا أما نرحل عن كوكب المريخ ونتركه لهؤلاء ونمشي نشجع لينا اي فريق تاني من فرق الليق
* لجنة التسيير بافية حتي ٢١ يونيو ودا واقع فرضوا علينا المافيا ويجب ان نتعامل ونتعاون معاهم لعلي وعسي نكسب فيهم الثواب ولكن يجب ان لا نترك لهم الحبل في القارب حتي يفشلوا كعادتهم في قيام الجمعية العمومية في وقتها ونعود ونندم علي ضياع الوقت معاهم
* ختاما أليكم بعض الأماكن التي تنشط فيها المافيا الزرقاء ( لجنة التحكيم المركزية والكاف & لجنة اللاعبين غير الهواة & جهات امنية & هيئة الرقابة علي الصحف )
* يا مريخاب شدو الهمة والمريخ حتما سيعود للقمة
* أقعدو عافيين وكم فيينا حيين حدو نلاقو
امسح للحصول على الرابط
بواسطة : احمد محمد صالح
 8  0
التعليقات ( 8 )
الترتيب بـ
الأحدث
الأقدم
الملائم
  • #1
    جون سينا 06-03-2016 01:0
    يا إخوانا الفلس والجوع والبكاء والسكاليب والعطالة لها أثر على عقل الشخص عشان كدة زولنا دة معزور- ليس على المريض حرج
  • #2
    ابو مازن 06-03-2016 01:0
    غير كلامكم ده وتحريضكم ده حاجه موديانا لي ورا مافي..اذا كان المتحدث مجنون فالمستمع عاقل.. اتحاد الفشل العام كله مرخرخين واتحاد الخرطوم القديم والجديد كله مرخرخين وجايي تقول مافيا زرقاء..يا خي احترم نفسك والقلم امانة ولو حدثت بورسعيد سودانية ذنبها في رقبتك ورقبة امثالك بما تكتبوه من تحريض كهذا.
  • #3
    Abu Ammar 06-02-2016 10:0
    يا اخى انتو طلعتو لا كورة و لا اخلاق و مفلسين... المافيا الزرقار قطعت ما يسمى بالزراع الطويل ,المافية الزرقاء تخلت عن بطولة الممتاز لخامس الدورى لمنع اتحاد اسامة من انزال هلال اسود الجبال و امل الحديد والنار للدرحة الاولى بعد سرقة عرق جبينهم لمساعدة النجمة... المافية الزرقاء اوقفت بطولات المكاتب وقبرت لجنة المدعو سمير لغير رجعة... مواقف المافية الزرقاء ساعدت الرابطة كوستى لكسب قضيتها فى اللاعب الوك وكانت ضربة لسمير و مريخ كوستى و مريخ الخرطوم.. والضربة الحاسمة فى اوراق اللاعب التى توجد فى يد الكاردنال ليقطع بها الزراع القصير الفضل.
    المافية الزرقاء هى التى علمتكم حقيقة ممثل السودان الوحيد المقهور من فرق الدرجة التانية.. المافية الزرقاء رشحت الملاكم حاتم محمد احمد لقيادة بعتة النجمة المندحرة هن فريق من الدرجة التانية
    المافية الزرقاء هى حقيقة التى جرتكم و اهلتكم للعب فى بطولة الكبار بوجود فريقها الدائم ولكن برهنتم انكم لست اهل لهذه البطولة, بل مجموعة من الملاكمين.. ارجو الجاياكم من الفيفا
    اكل السحت من اموال الشعب بواسطة نفرات حزب الوالى هى التى اوردتكم موارد الهلاك...يذهب الحرام من حيث اتى
    دا ما المهم ... المهم انو بطولة المكاتب قد ولت مع سميركم... وتبقى لكم فى الدورة الاولى 3 مباريات
    *** اهمها اسود الجبال
    ** اسود شندى هلال الارباب
    * هلال الملاين
    تتوقع النجمة تطلع منهم بكم نقطة...
    المافية الزرقاء تنتظركم فى منافسات و بطولات المستطيل الاخضر...
    تعرف يا و صيفابى.... تانى شوقكم فى الوصافة ذاتها
    *** سابع او تاسع و صيف (الله يعلم).
    **
    **
    **
    لقد ولى عهد بطولات المكاتب ... قال ينزل الهلال الدرجة الاولى... هو فريقك القومى كلو من الهلال جداد ومشاطيب...عاوز تلعب ناس موقعة مراكش
  • #4
    رندا 06-02-2016 10:0
    الصحفييين نوعيه ديل المابلقو ليهم موضوع يتكلموا فيه او خابين يلفتو النظر ليهم لانهم اصلا م معروفين منو هم .بعدين ياخوي الشافع لو سألته في الشارع عن مشكلكم بجاوبك باجابة احسن من كلامك ده ،انت مقتنع بالكلام البتكتب فيه ده ؟؟؟قال الهلال قال ..عاد كردنة ده ما مجننكم ومطير النوم من عيونكم خليتو كل الجاي والجاي واليومين دي سالين سكاكينكم عليه .اصلي ي كردنة ي هارد فشفاهم
  • #5
    Hajjam 06-02-2016 07:0
    ياسلام عليك ياعبقري. المافيا الزرقاء بالاتحاد أعطت الوصيف الواهن الضعيف كاس السودان والممتاز من المكاتب ودي برضو زرقاء. انصحك بمراجعة طبيب عيون لأنو الظاهر عليك عندك عمي ألوان.
  • #6
    ابو ابراهيم 06-02-2016 07:0
    انت اخطر من اسامة انور عكاشة
    مقالك ينفع مسلسل تلفزيوني
    او فيلم جاسوسي
    يا خطير انت
       الرد على زائر
    • 6 - 1
      shankolivich 06-02-2016 08:0
      منتهى السطحية.الهلال صار هو العقدة المتحكمة في عقول هؤلاء الرعاء بدليل أن كل من يريد الشهرة منهم يوجه سهامه المسمومة نحو الهلال.برهنت قولا وفعلا بأنك لا تفقه شيئا وتعيش في جهل مركب حمانا الله. زول جهلوووووووول وبس.
    • 6 - 2
      shankolivich 06-02-2016 08:0
      منتهى السطحية.الهلال صار هو العقدة المتحكمة في عقول هؤلاء الرعاء بدليل أن كل من يريد الشهرة منهم يوجه سهامه المسمومة نحو الهلال.برهنت قولا وفعلا بأنك لا تفقه شيئا وتعيش في جهل مركب حمانا الله. زول جهلوووووووول وبس.
  • #7
    الجنيد خوجلي ابوافراج 06-02-2016 06:0
    اقعدوا كده وارموا مشاكلكم علي الغير وادفنوا رؤوسكم في الرمال لما تلحقوا امات طه اصلكم عينكم في الفيل تطعنوا في ضلوا عالجوا مشاكلكم بعيدا عن الهلال اذ ا اردتم العوده كند قوي للهلال وبطلوا سياسة الاعتماد علي الفرد وبطلوا تهينو كيانكم عشان خاطر انسان ماعاوزكم بصراحه سويتوها شنه
  • #8
    أبو الأيهم الجرارق 06-02-2016 05:0
    يا أخي احترم عقولنا ... ياخي انته بأي عقلية تتحدث...يعني الهلال كان قال للوالي استقيل ... نحن حصل صلاح ادريس استقال وترك النادي للآن ما قادر يرجح مع أنو شفت وبعرف لي واليكم ده ما فينا زول حاجة عينكم في الفيل تطعنوا في ضلوا..... لو دي عقولكم بسم الله ما شاء الله على الصفوة ...
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019