• ×
الجمعة 16 أبريل 2021 | 04-15-2021
بابكر سلك

اخجلوا من جمال

بابكر سلك

 9  0  1880
بابكر سلك
> الذين ينادون بعودة جمال دون تفكير في كيفية دعم جمال > لا بحسوا ولا بشعروا > لأن الاعتماد على جمال كممول وحيد > يجعل من جمال صراف آلي يلجأ له الناس كلما ضاق الظرف > وطوالي الظرف ضيق > للدرجة التي أجبرت جمال على التنحي مرات عديدة > الكل يريد جمال رئيساً لينفرج حال المريخ ويتفرج هو دون التفكير في دعم جمال > لذا ننادي بالاستثمار > والدايرين عودة جمال بدون تفكير في استثمار حقو يخجلوا شويه > الدولار طار > المريخ انهار > ومحمد جمال سيد المال > يبقي لابد من الاستثمار > زمان قالوا في زول مغندل شديد > ولادتو كلها بنات «لاحقني» > في كل ولدة السماية بتكون أسبوع > شيء ولائم وشيء حفلات وشيء يوم مفتوح > بعد ست بنات جابوا ليهو ولد > الناس قالوا بالولد ده الحفلات حاتكون سنة > والمفاجأة كانت لما زولنا ضبح خروف واحد في السماية وقسمو كيمان على سبعة جيران وقفل بابو عليهو > قالوا ليهو بالغت > سماياتك دي كلها بهلتها للطيش > المرة دي قلنا الحكاية دبل.. مالك؟ > قال ليهم المرة دي سيد المال جا > لذا أتوقع من جمال حتى في حال عودتو > أن يأتي بتغيير كبير > ولا استبعد منه قصة الحلاق > قالوا في ملياردير كبير > بحلق عند الحلاق الجمبو > بعد يحلق بغمت للحلاق اتنين جنيه > ولد الملياردير بحلق عند نفس الحلاق > وبعد يحلق بغمت للحلاق مليون > يوم عمك حلق وقام > غمت للحلاق الاتنين جنيه المعتاده > الحلاق قال ليهو > ياحاج اتنين جنيه شنو؟؟ > ولدك يا حاج بدفع مليون في الحلاقة > عمك قال ليهو أنا ولدي أبوهو ملياردير > أنا أبوي ملياردير؟ > ولفح عمتو ختاها في كتفو وفحط > يبقى الاستثمار الاستثمار سواء كان القادم جمال أو الكاردينال > أيها الناس > ما كتبته فطومة اختي يحير > وكأن الهلال لم يستلم مليماً من الحكومة > يعني على أقل تقدير عشرات المليارات الدعمت بها الدولة وحزب فطومة الحاكم مجلس عطا المنان > كأنها كانت من تركة الطيب عبد الله طيب الله ثراه > وكأن دهشة الفريق المدهش في حينها كانت من خزائنه الخاصة > وكأن عشرات المليارات ديك كانت في زمن يرفل فيه الشعب في نعمة > فحينها كانت حاجيات رمضان موفره بتراب القروش للشعب الفضل أقصد البطل > > ووقتها كان الشعب معافى لا يعاني من أمراض > وبالتالي ما كان محتاج لمستشفيات علاج السرطان والكبد الوبائي > وكلية الشعب كانت نضيييييفه لا تحتاج لغسيل > فطومة > نحنا خواجات > نحنا قاعدين في البلد دي وعارفين كلو شي > المهم > داير فطومة توريني بياتو قانون تم وضع الطبل على دكاكين استادهم الشرقية برغم قرار النائب العام باعتبار تلك الدكاكين ليست من المباني العامة التي تخضع للإخلاء بالطريقة التي أرادها كردنه > وورينا يا فطومة ما هي الجهة التي وضعت تلك الطبل؟ هل هي حكومية ام حزبية ام شي تاني > وورينا يا فطومة قصة لي ذراع المستأجرين في رفع الأجرة وإجبارهم على سداد مقدم سنوات والتبرع غصباً عنهم > القصة دي حقيقتها شنو يا فطومة؟ ومن لوى ذراع التجار الشرفاء؟؟ > نحنا خواجات؟؟ > نحنا قاعدين في البلد دي وعارفين كلو شي يا فطومة يا اختي > المهم > الحل يا فطومة في الاستثمار > لو لي جمال أو للكاردينال > وحقو الحكومة الماشغالة بالرياضة على حد تعبيرك أو كما قلتي > حقو تشجع الأندية على الاستثمار عشان الأندية تعتمد على روحها > لكن طبعاً إنت قلتي في مقالك البدفع مفروض يقرر > فهل تقبل الحكومة بالاستثمار البمنعها التدخل في الاندية وإصدار ما تراه من قرار؟؟ > أسأليهم وكلمينا > أيها الناس > إن تنصروا الله ينصركم > أها > نجي لي شمارات والي الخرتوم > كان شفت يا والينا > والا أقول ليك > خليك يا اخينا > لو قلنا أو ما قلنا شنو البتغير لينا سلك كهربا ننساك كيف والكلب قال ننبح سااااي والجمل ماااااااش وإلى لقاء سلك
امسح للحصول على الرابط
بواسطة : بابكر سلك
 9  0
التعليقات ( 9 )
الترتيب بـ
الأحدث
الأقدم
الملائم
  • #1
    Talal 05-31-2016 12:0
    خلاص ياعمك تنقو بقيت تتكلم عن الإستثمار؟ ووين الكاش الكان بيقلل النقاش، ووين الطيارات الخاصة والبوفيه المفتوح؟ دي كلها كانت من تركة المرحوم شاخور طيب الله ثراه؟ وبعدين أبعد عن الهلال وماتحاول تدخله في أزماتكم، كل ماتنعصروا ترجعوا تبقوا مساكين وتشبكونا الهلال برضو يعمل كدة !!! دكاكينا وفي إستادنا، وما مشينا طلبنا شحدة من الحكومة ولانفرة من مال الشعب المغلوب....عشان كدة كل يوم حال المريخة ماشي من أسوأ لأسوأ، والسبب إنتوا ياطبالين وياهتيفة علي قول محمد كامل ...
  • #3
    جون سينا 05-30-2016 11:0
    كان شفت ياوالينا حالتنا صعبة وقروش النفرة ماجات وماعندنا رئيس غير الوالى وهو متعزز علينا وقال داير مسيرة وبكاء وسكاليب عشان يجى
  • #4
    abdulbagi 05-30-2016 10:0
    والله اقول لك للمره المليون اسلوبك هذا يذكرنى بجرائد الحائط فى مراحل الاساس.مين سلطتكم علينا.يااخى انت راجل كبير سنا راجع نفسك
  • #5
    صهيب 05-30-2016 09:0
    يا سلك خليك واضح، منو القال : نحن نعمل العايزين نعمله و الكلب ينبح و الجمل ماشي.
       الرد على زائر
    • 5 - 1
      أبو معز 05-31-2016 03:0
      انت الجابك شنو تبصبص علي عمود سلك الشبهته بجرائد الحائط فى مراحل الاساس؟ مشكلتم بتدخلوا براكم وبرضاكم وتقولوا منوا السلطك علينا. أمشوا لكتاب المديده حرقتني ودعونا نستنشق هذا العبق انه عالم الصفوه كوكبنا الذي لا يدانيه كوكب أخر يا صهيب وأقرانه ناس قريعتي راحت " كن جميلا "صفوه" تري في الوجود شيئاجميلا"
  • #6
    bushar 05-30-2016 09:0
    إذا كان عودة جمال الوالي مرتبطة بدعمه ما الداعي إلي عودته ياسلك هل من عبقريته الفذة في الشأن الرياضي لا أظن ( 13 سنة من الفشل خير دليل ) إذا وجد الإستثمار في الأندية كما تنادي وهو كلام عقل في وجود الإستثمار يمكن أن يقود المريخ ...سلك ... ويمكن أن تقود الهلال ..فطومة أختك .....
  • #7
    جون سينا 05-30-2016 08:0
    هو بالله إنت لسة حى ولسة عندك نفس تتكلم ياتنقو-مفروض بعد خبطة المراكشى ماتتفاصح لسانك الطويل دة إنقطع خلاص - إفتكرتك مشيت فى حملة التحانيس والسكاليب بتاعة بابا جمال- الهلال الحمد لله كل حاجة ماشة تمام حللوا مشاكلكم وحنسوا الوالى وبعد داك تعال ياعمو تنقو إتفاصح
  • #8
    Hajjam 05-30-2016 08:0
    الزول قال ليكم حتي لو رجع البلف مقفول وانسوا عهد البلف المفتوح وابقوا رجال وشيلو التقيلة عشان تنقذوا المرخرخ من الانهيار.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019