• ×
الإثنين 17 مايو 2021 | 05-16-2021
بابكر سلك

يلا نقولها

بابكر سلك

 17  0  3790
بابكر سلك
* مهما كان سوء التحكيم وانحيازه
* فان ذلك لايكون مبررا للتصرفات الهوجاء تجاه الحكم علي مرأي من العالم
* ولانجد مبررا لاداري او لاعب يدفعه لذلك التصرف الذي يخصم من سمعة المريخ الناصعه ولا يضيف اليها شئ
* وحتي مابدر من بعض اللاعبين عند الاعتداء علي جمال سالم
* ماكان شفتنة كورة بتهرش العدو بقدرما كان تصرفا اهوج وبس
* لو في حرارة قلب كان شفناها في الملعب اداءا واصرارا
* ولكن مافعله البعض كان يشبه الي حد كبير نباح الكلب بعد الحرامي يسرق ويمشي
* هو هو هو تاني بترجع شنو يا بوبي!!!
* اما الكابلي والذي اجل دفن والده ليتأكد من دفننا اول
* ده ما المدرب البخلف غرزه
* نعم لم يجد الظروف التي وجدها غرزه
* لكن الخريف اللين من رشاشو بين
* وزولنا ده كتاحتو الف
* ايها الناس
* ابيناها ممعوطه
* بقينا نكوس عليها بي صوفها
* سوء في كل المناحي
* نعم لم نصل بسوئنا لمرحلة غيرنا
* فغيرنا اعتدي علي الحكم عن طريق رئيس الكيان
* وغيرنا في كورة فيتا بالكنغو لاعبنو سكو الحكم في مشهد تداوله الناس بالواتساب
* وغيرنا كان نصيبو من المباريات الافريقيه هذا الموسم كورتين
* اما نحن فنصيبنا من المباريات الافريقيه هذا الموسم ست مباريات
* غالبين في تلاته
* ومتعادلين في اتنين
* وهزيمه مباراه واحده
* نحنا في اسوأ حالاتنا افضل من غيرنا كتييييير
* وعلي الرغم من ذلك ناس خالد مابحبو المريخ
* بحبو الحمام البطري البطير بدري بدري
* ايها الناس
* ورثنا من الموسم السابق فريقا مثل بعبعا افريقيا مهابا
* وفي هذا الموسم اضعنا تلك الورثه في رمشة عين
* ايها الناس
* في البلد دي اللاعبين كلهم زي بعض
* فقط المحظوظ هو من يقوده حظه للقمه
* لذلك ماشايف سبب للدلع والدلال وقبول اللاعب باي شكل من الاشكال
* البفوت حدو يواسوهو
* والمبالغ الملياريه دي مبالغ مابدفعها الا غشيم
* لانو مستوي قدرها مافي
* اذا كان لاعب دولي بالشمال بجليها واقفه
* اذا كان مدافع دولي بصرجها لمن قلنا يكون من السراريج!
* اذا كان حارس مرمي دولي بطلع من قونو غلط
* وقبال ده كلو اذا كانت ادارة الكرة في بلدنا دي بالفتوه ساااكت
* وقبل ذلك اذا كانت ادارات الانديه زاتها قاعده ساكت
* يتولي الدفع والسداد والقرار زول واحد
* وقبل كده اذا كانت وزارات الرياضه الولائيه دي تضرب بيها دي
* اما الاتحاديه فلا اظنها تعرف كم منشط رياضي في هذا البلد
* وقبل ده كلو
* ولا مافي داعي اخير نسكت
* ايها الناس
* من هزم المريخ هو المريخ نفسو
* ماتقول لي حكم
* هو نحنا كنا خطرين يعني لدرجة استعانة المغاربه بالحكم??
* نحنا طوال هذا الموسم اي كلام
* لا طريقة لعب
* ولا جمل تكتيكبة
* لا حرارة قلب
* لا شراسة كلب
* لا بصمة مدرب
* الكابلي ده في المعامل الجنائيه وتعملوا ليهو فيش
* قطع شك مابتلقوا ليهو بصمه
* ياخ زول يقول لي اوكرا ادخل
* ابو جريشه يقول لي اوكرا ارجع
* يخت ايدو في كتف ابو جريشه ويرجع معاهو!!!
* الزول ده خلي بالك متأثر بموضوع الوفاء اكتر من موضوع الوفاة
* ايها الناس
* اللاعب استدرج مصعب لركلة الجزاء
* ومصعب اكل الطعم
* وخرجنا
* السنه الفاتت بي سايد مصعب خرجنا
* لانو مركز في حقوقو
* نحنا حقنا وين???
* ايها الناس
* الفريق الشفت الحكم مابخمو
* لكن البياباها مملحه اكيد بكوسها ناشفه دون جدوي
* المهم
* الحكاية ماتمر ساي
* والجمعيه شكلها مؤجله
* وعشان تكون الحلول جذريه
* يانتفق علي مجلس تسيير يقدر يدير
* يا نتفق علي مجلس منتخب يقدر يمرقنا من الحرج ده
* يا نخوضها ديمقراطيه الي ان نتعلم معناها بعيدا عن العضويه المستجلبه وبعيدا عن الاعتماد علي دعم الحكومه التي تورطنا باعضاء في مجالس التسيير يحيرونا
* ديمقراطيه تمرقنا من جيوب الافراد لآفاق الاعتماد علي النفس
* ديمقراطية تمرقنا من الاعتماد علي الدعم الحكومي المخصوم مقدما من رصيد قراراتنا
* ديمقراطية تؤكد علي مبدأ اهلية الحركة الرياضيه
* ايها الناس
* المريخ يحتاجنا بشدة
* لنصيغ قرارات الانعتاق
* فهل تكرمتم بالالتفاف حول الكيان بدون كيمان او مسميات???
* ايها الناس
* علي مجلس المريخ ان يصدر عقوبات علي من تعدي حدود اللياقه في المغرب قبل ان يصدر تلك القرارات الكاف
* لنؤكد علي اننا نادي محترم
* ولمن اخطأ حق الاعتذار وعليه واجب قبول مايصدر من قرارت تمحو تلك الشخابيط
* ايها الناس
* ان تنصروا الله ينصركم
* اها
* نجي لي شمارات والي الخرتوم
تصدق يا والينا
* نحنا في العرضه علي بعد تلاته كيلو من النيل والمويه مابتجينا
* نشغل الموتور لمن الكهربا تجينا
* ضياع كهربا ساكت مع المواسير البتشخر فينا
* مع قطوعات الكهربا والمويه المابتجينا
* ما بنستبعد واحد بي حصان يبرطع فينا
* يا اهل الربع يا اهل الربع يعلن لينا
* يا اهل الربع ان مجلس شيوخ القبائل بخيمة حنظله يدعونا
* ليبلغنا بكيفية تقسيم الايام في البئر البتروينا
* يوم لسقاية قبيلة فلان والحلال ويوم لسقيانا ليروينا
* والماعاجبو يهاجر للحبشه يا والينا
* زمن الجاهليه برطع فينا
سلك كهربا
ننساك كيف ولما واحد عطس آتشي الكلب قايلو قال النجاشي
والي لقاء
سلك
امسح للحصول على الرابط
بواسطة : بابكر سلك
 17  0
التعليقات ( 17 )
الترتيب بـ
الأحدث
الأقدم
الملائم
  • #1
    زين 05-22-2016 08:0
    سمعة المريخ ناصعة السواد ذى صلعتك الفاضية يا صفوة والله لو عندكم دم كل فتوات المريخ من اللاعبين بكري وأمير وعلاء وعجب ومعاهم حاتم يقدموا خطابات شطبهم فورا
    لما بدر منهم من سلوك سيئ أهان السودان قبل المريخ (صفوة)
  • #3
    صالح عثمان سعيد 05-21-2016 07:0
    ورثنا من الموسم السابق فريقا مثل بعبعا افريقيا مهابا
    هههههههههههههههههههههههههههههههههههههههههههههههههههههه
  • #4
    بابكر عوض الشيخ 05-20-2016 11:0
    فغيرنا اعتدي علي الحكم عن طريق رئيس الكيان


    يعني بتقلدونا في كل حاجة ونحن كان عملنا حاجة نعملها بفن وليس بهبالة
       الرد على زائر
    • 4 - 1
      Hajjam 05-21-2016 01:0
      رئيس الكيان حتي لواعتدي علي الحكم لم يكن امام شاشات التلفزيون العالمية.
  • #5
    جون سينا 05-20-2016 10:0
    أخبار النفرة شنو وقفوها ولا حيلموها لممثل السودان الوحيد
  • #10
    الناصح 05-20-2016 09:0
    إنت تخرس خااااالص. .... تااااني ما تشوفا وتدقها إلا ف 2019 دا حضرت الزمن داك ي سلكلك
  • #11
    ابو مازن 05-20-2016 08:0
    هذا طبعكم وهذا وصفكم لا كورة لا خلقه لا اخلاق..كلكم عواليق من لعيبتكم ولادارتكم ولكتابكم المتصحفين ولا اقول الصحفيين.. تفو عليكم..يا عم تنقو.
  • #12
    Hajjam 05-20-2016 07:0
    الزول ده دمو تقيل وجلدو تخين بعد الفضائح العملوها في المغرب والهزيمة المخزية جايي اتفاصح علي سيد البلد. صعود واحد لدوري الأربعة الكبار خلال عشرة عقود من الزمان خلاهو يهلوس بروائح المطار وناس علم النفس قالوا الهلوسة بالروائح تدل علي مرض عضوي بالمخ.
  • #13
    Hajjam 05-20-2016 07:0
    ههههههههه هااااااا. صحيت من الارتجاج ياسلوكة والله عجبتني ليكم. طيش المغاربة طير ليك ريحة المطار من رأسك. تنفخوا في الوصيف الواهن الضعيف لحدي ماطيرتوهو بالمغربية.
  • #14
    Talal 05-20-2016 06:0
    غايتو أنا ماشامي ريحة المطار، شامي لي ريحة عقوبة غلييييييدة من الكاف !!!
  • #15
    جون سينا 05-20-2016 06:0
    أمش المطار عشان تشم ريحة الفطيسة- التى رجمها الكوكب- الفريق الهابط درجة تانية
  • #16
    جون سينا 05-20-2016 06:0
    هو بالله إنت عندك حاجة تقولها بعد فضايحك على الهواء مباشرة دى فضايح كل إفريقيا شاهدتها- قلنا ليك لسناتكم الطويلة دى سبب كفاويكم ياعمو تنقو- الهلال خرج من بطل ليبيا وإنت خرجت من طيش المغرب - ولا التطوانى ياسلوكة كان بنعزرك شوية لكن من الفريق الهابط للدرجة الثانية والله إنت وبتاع الفنانات كابو والمرشد أبو القنابل إنتوا سبب كفاوى المريخ الواحد يكتب عموده كله فى الهلال -ماعندو شغلة بأوضاع فريقه مايناله الهلال فى أعمدتكم لم يناله فريقكم 80% من العمود سخرية فى الهلال عشان كدة تستاهلو وزى ماكردنة قطع الزراع الطويلة المغاربة قطعوا اللسان الطويل - طيش الدورى يامريخ البايرن وشالكة - وكمان معاها فضايح - والله حقو بعد المهزلة دى ياعمك تنقو تحتجب لفترة طويلة أخجل شوية. هاك الكوكب دة فعلا الكوكب جلد النجيمة أم ضنب.
  • #17
    الامين محمد نور 05-20-2016 05:0
    ابيناها ممعوطة بقينا نكوس عليها بي صوفها . البياباها مملحة اكيد يكوسها ناشفة ما يلقاها . يا سليم الذوق . الله يرحم الصحافة . انحطاط . و انحدار .
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019