• ×
السبت 31 يوليو 2021 | 07-30-2021
شوربجي

الفقيه والثنائيه الناريه والفضيحه المريخيه الاخلاقيه

شوربجي

 9  0  2953
شوربجي


((())) وفي مراكش خرج المريخ ايد ورا وايد قدام :

انها فضيحه بكل ما تحمل الكلمه من معني

فضيحة خارج الحدود

وحقا فلقد انعكس فقر المريخ سلوكا مشينا في الملعب

عشوائيه في اللعب لا تكتيك ولا خطه

لا شقلوب ولا عنكوب

ولا تراوري لا اوكرا ولا كوفي

واستعد يا ونسي ودفع ليهم المليارات

وبالامس قلنا اننا لن نشجع المريخ لمعرفتنا بمستوي المريخ

ولعلمنا بالحالة النفسيه التي يعيشها اللاعبون مع الفلس الشديد

وما كانت من احداث في معسكر الفريق وتمرد شمس الفلاح

واجباره علي الاعتذار وتهديده

وحقيقه فالمريخ ليس بالفريق المتمرس علي اللعب الافريقي

ولهذا فقد نتيجه المباراة بكل سهوله

و ٧ كروت للاعبي المريخ

وربما تكون هنالك عقوبات قاسيه علي نادي المريخ

ولا اظن ان العقوبات الافريقيه ستكون كافيه

فعلي الاتحاد العام وان كنت اشك في ذلك ان يعاقب المريخ

وكذلك يجب علي الدولة ان تتدخل وتكون لها الكلمة الفصل في هذا التمثيل السيئ

ويجب ان نري قرارات قويه من وزارة الرياضه والشباب

لقد شوهوا صورة السودان في المغرب والعالم العربي

وهي في النهاية مباراة كرة قدم وغالب ومغلوب

وقرار الحكم نهائي

ولكن مشكلة ناس المريخ خوفهم من ناس الهلال عند العوده

فهم يخشون اعلام الهلال وجماهير الهلال

وقد كانوا سباقين بالسخريه من خروج الهلال

لقد اهانوا الوطن والوطنيه والاوطان

وللأوطان في دم كل حر .. يد سلفت ودين مستحق

وفى حضرة جلالك يطيب الجلوس

مهذب امامك يكون الكلام

وانا سوداني انا


((())) ما هذا يا حاتم ؟

ادارة المريخ بالكامل تهاجم حكام المباراة كما يحدث في السودان

ولعلهم قد تعودوا ذلك

والعتب كله علي اتحاد معتصم الذي تركهم يتمادون في هذه الاخطاء

حاتم محمد احمد رصدته الكاميرا وهو يعتدي علي الحكم

وكذلك ابو جريشه

وباقي الاداريين واللاعبين

في منظر لا يمت للاخلاق السودانية بصلة


((())) فرق بين خروج وخروج :

خروج الهلال من بطولة افريقيا كان بشرف

وخروج المريخ كان بفضيحه مدويه

وهزيمه كرويه وهزيمة اخلاقيه


((())) حسرة والم :

غناوي الحسرة والأسف الطويل ..

وعشان أجيب ليك الفرح ..

رضيان مشيت للمستحيل

ومعاك في آخر المدى ..

فتيني ياهجعة مواعيدي القبيل ..

بعتيني لي حضن الأسى ..

وسبتيني للحزن النبيل ..


ومشيت معاك كل الخطاوي الممكنة ..

وبقدر عليها وبعرفها ..

أوفيت وما قصرت في حقك ولا كان..

عرفة غيرك أصادفها ..

وقدر هواك يجيبني ليك ..

جمع قلوبنا وولفها ..

وكتين بقيتي معاي في أعماقي ..

في أعماق مشاعري المرهفة ..

لا منك إبتدت الظروف ...

لا بيك إنتهت الأماني المترفه


ندمان أنا ..

أبداً وحاتك عمري ما شلت الندم ..

ما أصلوا حال الدنيا ..

تسرق مُنية في لحظة عشم ..

وأنا عندي ليك كان الفرح ..

رغم إحتمالي أساكي يا جرح الألم ..

كان خوفي منك جاي .. من لهفة خطاك على المواعيد الوهم

أهوه نحن في الآخر سوى ..

باعنا الهوى...

ماشين على سكة عشم !!

وبقيت أغني عليك ..

غناوي الحسرة والأسف الطويل ..


محمد حسن شوربجي
امسح للحصول على الرابط
بواسطة : شوربجي
 9  0
التعليقات ( 9 )
الترتيب بـ
الأحدث
الأقدم
الملائم
  • #1
    بابكر عوض الشيخ 05-19-2016 12:0
    يا شوربجي الجماعة حالهم حال الخلا جاني الخبر جاني البلا ونجيمة المسالمة قالوا مرحلة.ويا حكم ليه حكمت على الأيتام بالفنا وإعتبر البونيه مقدرة.....ياربي عندهم حق العودة
       الرد على زائر
    • 1 - 1
      abdulbagi 05-19-2016 05:0
      وهذه كمان حلوه يابابكر الشعراء كترو الله ازيد
  • #2
    الفريني 05-19-2016 11:0
    انها فضيحه بكل ما تحمل الكلمه من معني

    أهي أكبر من فضيحة كسر القزازة أيّام الصبا!؟
    إنت حتدفعنا لفتح الملفات إيّاها (المفتوحة!!)
       الرد على زائر
    • 2 - 1
      TANGO 05-19-2016 01:0
      عيب عليك يا راجل اتكلم فى الكوره
  • #3
    زين 05-19-2016 11:0
    حمام الوالي ياراحل ياراحل مع الهجمة المراكشية
       الرد على زائر
    • 3 - 1
      abdulbagi 05-19-2016 05:0
      حلوه والله يازين
  • #6
    حسين محمد خير 05-19-2016 08:0
    أحييك أخي العزيز محمد الحسن وفقك الله وأطال في عمرك
  • #7
    كمبارس أفريقيا تمامة عدد 05-19-2016 07:0
    وداعية :
    أحتسبو ضدنا بلنتين مشكوك فى صحتهما و"طرنا"

    وأحتسبو ليكم ضربتين جزاء مشكوك فى صحتهم و"طرتم"
    عرفتو الفرق يا بتاعين *الرشاوى *والتنجيم* والتحكيم
  • #8
    Mustafa Ali 05-19-2016 01:0
    بصراحة كدة الاتحاد هو سبب البلاوى دى كلها
    دلع المريخ اكتر من اللازم من ناحية الحكام حتى صارت عقدة بالنسبة لهم ...
  • #9
    Ali yas 05-19-2016 01:0
    أسباب بلاوي المريخ كله عمود زميلكم أبوشيبة ما عنده هم وخط الا ظلم التحكيم للمريخ وبلينتات للهلال ، عشان كدا تمادوا اللعيبة والاداريين في تهديد وارهاب للحكام ورفع اللافتات المخجلة والمذلة لك برئ الا في قاموس أبوشيبة وناس سمير فضل ومزمز . رجاءا ي د.شوربجي تقديم نصيحة للصحفي مأمون بتغيير عموده كي لا تكثر الفضائح من فريق الفضائح .
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019