* عدم حب خالد عزالدين للمريخ الليله لازم يتضاعف
* نتأهل كيتا علي اي زول مابحنا
* نجبر الذين لايحبون المريخ علي اعلان كرههم للمريخ
* محبه ياخالد مافيها الحبه
* فحبكم الكبير لازال صفرا يحبو
* ايها الناس
* نتأهل ونمشي لي قدام
* باقي عندنا راي
* ونضمن البعد في الموسم الجديد عن التمهيدي
* لكن ما احترمتوا ساسا يا فطومه
* راجل كبير في العمر ده تبشتنوهوا في التمهيدي!!
* المهم
* بالفي بالمافي لازم نلحق الكوكب خور اولاد القذافي
* ايها الناس
* اي زول عندو رقم وطني مفروض الليله علي اقل تقدير يحبنا
* لانو المابحبنا الليله تبقي حركتو جبانه وما حركة وطنيه
* ومابنسمح ليهو تاني يتكلم عن الحركة الوطنيه
* حبنا هو الحركة الوطنيه ياناس
* بتحبنا ولا ما بتحبنا ياخالدونا??
* خلاص رجع الرقم الوطني وكمل حياتك في اديس شجع سانت جورج او عيش في اسمرا وشجع التحرير الاريتري الجاكم منو يوهانس
* لكن في البلد دي بدون حب المريخ ماليك مكان
* الاخوه الاهله الشرفاء
* من هنا ولي قدام
* الداير يشوفنا يجيب ليهو ديكودر بتاع البي ان سبورت
* غير كده لا نلاقيهو لا يلاقينا لانتلاقي لا نتلم
* والماداير يشوفنا وفر لينا
* المشتهي الزنيطير يطير
* ايها الناس
* الدعاء من اسي ولي بعدين
* اكيد مستجاب
* نغلب وااااحد بس يجيبو بكوري
* عشان كردنه تاني يسجل خمسه وتلتين
* ده كشف ولا مصلحة احصاء
* المهم
* بتسجيل نمر وعاطف وقبلهم تسجيلات اول يوم وتقنين وضع الوك
* تكون لجنة التسيير قد ادارت ملف الانتقالات بنجاح كبير وبدون اعلام
* والغريبه لو لسه نفرة القصر ما استلموها
* نفرة القصر لو بقت بنشر
* تبقي فعلا رفع المعاناه عن كاهل الجماهير
* سبعه وعشرين سنه بنسمع بيها
* وانحني كاهل الجماهير من فرط المعاناه
* المهم
* خيرا فعل المجلس باعادة شمس الفلاح
* ويكون احسن لو استفدنا من خانتو
* الولد مستواهو ماقدر عكننتو دي
* قطر عجيب
* فالذي يخرج من القلوب يجب ان يخرج من الكشف
* ولا اري في قلوب الشفوت صورة لهذا المعكنناتي
* لاعب يرفض ان يكون في كشف الرديف مع استمرار وضعه بالفريق الكبير
* الولد ده ماعارف انو جمال سالم وبخيت خميس في الرديف???
* المهم
* اليوم نكون باذن الله وبفضله
* نكون ليكون السودان حضورا في المجموعات
* نكون لنرتقي بتميزنا
* نكون لنثبت مقولة
* ان تقلها تموت
*وان لم تقلها تموت
*قلها وموت
* المريخ لن يمت
* اها
* نجي لي شمارات والي الخرتوم
* كان شفت يا والينا
* والنور قاطع علينا
* والمويه مابيه تجينا
* والدنيا ضلمت علينا
* انتوا القمر وين يا والينا?
* المهم قلنا نلعب يا والينا
* لياقه مافي مابنقدر علي حرينا
* الرمه والحراس مابتتلعب لينا
* كترن الرمم علينا
* قمنا قطعنا لعبه من راسنا يا والينا
* تجاوب سؤال تمشي لي قدام مدينه
* البدايه الخرطوم والنهاية بورتسودان يا والينا
* واحد بسأل فينا
* وواحد جاوب وصل بتري يا والينا
* وواصل المسيد الكاملين الحصاحيصا وصل بينا
* السؤال البودي مدني كان يا والينا
* دي سخانة نصاح يا اخينا??
* جاوب ابدا ما سخانة نصاح
* اجابه صحيحه لو عايز تنزل مدني وتشيل مية جنيه او تواصل معانا وتجاوب لينا
* قال بواصل ..الميه شئ مابتعمل لينا
* خلي بالك من السؤال وماتقول لي عيدو لينا
* قدر ماياكلوا ونقول شبعوا اصلوا مابشبعوا تاني بياكلوا.. من هم هؤلاء القوم جاوب لينا
* سمعنا ورانا صوت سارينا
* عابرة ساي ماعندها شغله بينا
* صاحبنا دنقر وصنقع وقال
* نزلني مدني
سلك كهربا
ننساك كيف والكلب ضحك لمن قرقر لما سمع نزلني مدني
والي لقاء
سلك