• ×
الإثنين 17 مايو 2021 | 05-16-2021
معتصم محمود

مواسير ب(23) مليار !!

معتصم محمود

 28  0  3919
معتصم محمود

الكاردينال يبعثر اموال الهلال .

0 صحيفة مواليه لحاكم الهلال اوردت امس ان الرجل ضخ (23) مليار خلال الايام الماضيه في تسجيلات الهلال وكلفة المدرب !!
0 حصاد ايجارات الدكاكين بلغ (31) مليار و (500) مليون وبعد خصم ماصرفه حاكم الهلال في بضع ايام يتبقي فقط (8) مليار و(500) مليون !!
0 في اقل من اسبوع اضاع كردنه ايردات (5) سنوات ولم يتبق الا القليل !!
0 حتي هذا القليل المتبقي سيذهب مع متبقي التسجيلات والمباريات الاعدادية مع الانديه الخارجيه !!
0 تري هل تستحق تسجيلات الهلال كل هذه المليارات !!
0 غالب محترفي الهلال بدون اندية .. عطاله يعني والمحليين من اندية صغري تبيع بابخس الاثمان فكيف يدعون ان الصرف بلغ (23) مليار !!
0 اجانب بالفوج ومحليين بالدسته كيف يكلفون (23) مليار !!
0 من قبل سجل الهلال يوسف محمد وكلتشي وقودوين وسادومبا ( في شبابه) وخطف من المريخ علاء فييرا (في شبابه) ومن الميرغني مهند ومن ودنوباوي طمبل ولم يكلف كل ذلك ربع هذا المبلغ !!
0 طالبنا المفوضيه من قبل ونطالبها اليوم مجددا بمراجعة اموال الهلال .
0 حاكم الهلال جرد النادي من موارده لخمس سنوات قادمه وليس من الحكمة السكوت والرجل يبعثر اموال النادي .
0 معلوم ان مجلس الهلال مجمد مابين حردان ومهمش !!
0 لو سالنا امين المال عن كلفة التسجيلات لما عرف شئيا .
0 (ادم) امين المال الحقيقي .
0 كرار لا يتشدد في المطالبه بصلاحياته .. يكفيه حضور التمارين بجانب كردنه والجلوس في المقصوره خلال المباريات !!
0 تلك اقصي اماني امين المال !!
0 حليل الهلال حينما كان البرير امين المال .
0 ان سكتت المفوضيه والوزارة علي بعثرة اموال الهلال فأن العضوية المستنيرة في الهلال قادرة علي حفظ حقوق الكيان .
0 نعم بامكان العضويه المستنيره غير المستجلبه تحريك شكاوي وطعون بخصوص اموال الهلال .
0 لن ننتظر حتي يهرب الكاردينال ويترك ارض الهلال يباب .
0 صبرنا علي الرجل بامل اكمال الجوهره لكن مانراه في ارض الواقع يقول ان الجوهره نسخه ثانيه من المدينة الرياضية .
خربشات .
0 احسن قطاع الرديف بالهلال وهو يتخلص من برنس عطبره .
0 البرنس التايواني لا يشبه الهلال ويشبه تماما المكان الذي ذهب اليه .
0 اطنان التشكرات للشاذلي الذي طرد التايواني من الهلال .
0 سوداكال تحدث لاجتماع التحالف المريخي عبر الهاتف المسموع واعلن ترشحه عبر قائمة التحالف .
0 سوداكال الذي اعرف مراوغ ولم اعجب لتراجعه عما قال والتزم .
0 التحالف مع سوداكال محفوف المخاطر لكل الوان الطيف المريخي .
0 عار علي المريخ ان يكون سوداكال من يحدد مصير النادي .
0 بعثة المريخ ستعود في اخر يوم للتسجيلات وعلي جعفر لم يوقع بعد !!
0 اي تاخير للطائرة يعني ان اللاعب لن يوقع الا في نوفبر القادم !!
0 اخراج علي جعفر من كشف المريخ مؤامره ضد الهلال .
0 عدم وجود علي جعفر في لقاء القمة استهداف للهلال .
0 جماهير الهلال تتفاءل بعلي جعفر
امسح للحصول على الرابط
بواسطة : معتصم محمود
 28  0
التعليقات ( 28 )
الترتيب بـ
الأحدث
الأقدم
الملائم
  • #2
    صوت الحق 05-17-2016 10:0
    مسألة إيجار الدكاكين تكرار ممل لا يليق بصحفي ذو خبرة وقوفك ضد الكيان بعد عودة البرنس أفقدك المنطق و أبعدك عن قرائك ، أنس موضوع البرنس و دع الكاردينال يعمل
  • #3
    سودانى 05-17-2016 09:0
    يعنى حصل الهلال غلب المريخ وعلى جعفر قاعد
    انا ما متذكر ولا متذكر متين الهلال غلب المريخ
  • #4
    ود الهلال 05-17-2016 06:0
    السلام عليكم.. افيدك باني مقيم خارج السودان منذ ٢٠٠٤ ومتابع ما لكل ما ظللتم تكتبونه عبر الانترنت.. غير اني اراك في الاونة الاخيرة تبتعد عن الحق وعن النقد البناء.. فالذي يقرأ كتاباتك الاخيرة يلاحظ انك تريد تصفية حسابات خاصة مع رئيس النادي..فأنا أرجوك لمصلحة الهلال ارجوكم ان تكفوا عن اشعال النيران وكيل الاتهامات غير المؤسسة ضد رئيس النادي.. فهو نعم اخطأ في جوانب ونجح في اخرى مثله مثل الذين سبقوه في رئاسة النادي ولكن عندما تحاول تصوير كل ما يفعله الرئيس بأنه تدمير او اهدار للاموال او مؤامرة ضد النادي فهذا امر لا يقبله العقل..فهناك جمعية عمومية باذن الله ستحاسب المجلس عند نهاية الدورة.. فأرجوكم ارحموا الهلال واعملوا على لم الشمل وليس لتأجيج الخلافات وتأليب الجمهور ضد الادارة وراقبوا الله سبحانه وتعالى عندما تكتبون عن الهلال، فالحياة قصيرة جدا، فان لم تقل خيرا فأرجوك ان تصمت.. وشكرا
  • #5
    حاتم الرشيد 05-17-2016 05:0
    كدا خلاص الحمد لله فلوس الدكاكين باقي ليك عندك الكاردينال 8 مليار ح يشوف ليها صرفه ونترتاح منك
    ياخي حلجتنا بريتنا نق نق نق نق من اي طينة انت
    تعرف الطفل الصغير لمن ينعبط في حاجه انت زيو واحد يامدسوس ياسوس
  • #6
    abo omer 05-17-2016 05:0
    للاسف الشديد صحافتنا الرياضية اصبحت مرتع لمن هب ودب وتصفية حسابات شخصية ومشاط وشمارات لاغير
  • #7
    شمس الدين ريحان 05-17-2016 05:0
    ياخي قول 50 مليار هو انتا دافع حاجه من جيبك والله الواحد لمن يكون مشترنو ما تسويها ظاهره كدا كرهتنا كتاباتك والله العظيم ربنا يريحنا منك ومن امثالك ياخي
  • #8
    أبو ناهد 05-17-2016 03:0
    أترك الكاردينال وشانه حتى لا تنال سخط جمهور سيد البلد.
  • #9
    محمد علي يحيي 05-17-2016 01:0
    يا راجل تفال خيرا... ما ممكن تكون طوالي كده واعلم الكمال لله وحده ... لا حول ولا قوة من مقالاتك دي ..
  • #10
    عنااااد 05-17-2016 12:0
    متي فاز الهلال وعلي جعفر موجود ممكن تقول لينا ولعلمك اخر مرة فاز الهلال علي المريخ قبل ثلاث سنوات راجع دفاترك يازمن زي ما بتقولو!!!
  • #12
    تاج السرعبداللطيف عثمان 05-17-2016 11:0
    بل نسألك ان تترك الشرف بن سيدأحمد يعمل فى هدوءءءء
    الهلالالالالال العظيييييم يا أستاذ معتصم فى المسار الصحيح ونحمدالله كثيرا
    أن وفق الأشرف ومن معه على إخراج الهلالالالال العظييييم من جُب الديون
  • #14
    ماهر محمد طه 05-17-2016 11:0
    يا هلالاب ما تحقدوا علي رئيس النادى كاردينال ما محتاج للايجارات .. وبيصرف من جيبه الخاص اكثر مما تتوقعون .. اول رئيس يصرف وما بيهموا حاجه .. ونحن الهلالاب بامانه معاهو لاخر لحظه .
    وباكتمال الجوهره الحاقدين حيموتوا ..
    الله اكبر فلوس كاردينال ما من السحر ..
  • #15
    naser88818@yahoo.com 05-17-2016 11:0
    انت انسان غريب فى مجتمع الهلال ونخاف تكون انت التايوانى يا معتصم هم
  • #16
    Talal 05-17-2016 11:0
    والله البيشوفك تتكلم عن دكاكين الهلال يقول عندك ورثة فيها ....ده إنت تعبان خالص ياخينا...ههههههههههه كردنة جنن الراجل جن !!!
  • #17
    رافع محمد 05-17-2016 10:0
    وطيلة وجود علي جعفر مع المريخ خلال الثلاث سنوات الماضية لم ينتصر الهلال على المريخ. فكيف تتفأل به جماهير الهلال؟ ولا كلام والسلام؟ لغة الأرقام تقول الهلال لم ينتصر ع المريخ في وجود علي جعفرإنتهى. شوف الأموال راحت وين يا مغضوب الجميع
  • #18
    سامي 05-17-2016 10:0
    ياحبيبنا كنا سنؤيدك لو ترشحت لرئاسة الهلال عشان تكون أموال وممتلكات الهلال في الحفظ والصون لكن ليه الانزواء ألا تأنس في نفسك الكفاءة؟
  • #20
    الامين محمد نور 05-17-2016 09:0
    ال 23 مليار التي صرفت اذا كانت من جيب كردنة بمعنى ان ال 31 مليار ايراد الدكاكين موجودة . موقفك انت من جماهير الهلال شنو ؟يعني انت حتحرق كصحفي لك محبين بداوا ينفرون من كتاباتك لانها مبنية على الظنون . وهل الصرف وصل 23 مليار ؟ وهل الخبر كان صادقا ؟ ربما يكون الانفاق اقل من 10 مليار . ما دام تقدير فقط و بدون مستندات يبقى كل شي وارد . نحن لنا عقول وسننتظر و نشوف ان شاء الله .خوفي تفقد محبيك و معجبيك و انا واحد منهم .
  • #21
    الكوز 05-17-2016 09:0
    انت تعاني وتتجرّس من الفشل والفساد الطامحين في الهلال ومستقبله المظلم
    بدلا من أن تبحث عن الحلول والمخارجة من (كاردكم) تتهكّم على المرّيخ الكيان
    هذه الحملات الصحفيّة الطائشة على المرّيخ الّتي تنضح حقدا وإحساسا بالنقص هي:
    الدليل القاطع على نجاحات المرّيخ في كلّ المجالات (جماهيريّارياضيّا تأريخيّا)
    ايّها المرتجف: المرّيخ والهلال قويّان منذ عقود ولم يتهاويا يوما و يستمدان قوتهما من بعضهما
    سوف يأتي اليوم الّذي ستغلق فيه كافة الصحف الرياضيّة لتزدهر الرياضة ويعود مادمرتموه من الخُلق الرياضيّ والأخاء والمحبّة..
    لعنة الله عليكم بمعيّة الكيزان أسيادكم وولاة نعمتكم
  • #22
    كمال الدين ميرغني وقيع الله بلاص 05-17-2016 09:0
    يا حبيب البرير تاني رئاسة نادي الهلال الا يشمها قدحة شوف ليك لعبة تانية وفكنا يا اكبر ماسورة اعلامية
  • #23
    وطن الجمال 05-17-2016 09:0
    أنا اتمنى أي هلالابي غيور ما يعلق على كتابات الزول دا. أنا بالنسبة لي دي المرة الاخيرة. تعليقاتكم البتديهو قيمة او يخليه يتوهم كدا.

    انا عارف ان الشباب يمكن ما ينشرو التعليق دا ودا طبيعي لاننا بعد ما كنا وكنا بقينا شعب للاسف ما يستمتع الا بالضغط والعصر والكبت وممارسة الكبت للاسف تأتي ممن ينادون بالحرية. صحيح الحرية لها حدود لكن هذه الحدود يجب ان تطبق على الكاتب والقاريء على حد سواء. فلا يعقل ان نطلق العنان لقلم الكاتب لمجرد أنه كاتب وغير مؤهل ونقيد تعليقات القراء المعنيين بالمقال. انا لم ينشر تعليقي قبل ايام قليلة برغم أنه لم يكن هناك اي سباب شخصي للكاتب ولا لغير الكاتب.
  • #24
    كمال الدين ميرغني وقيع الله بلاص 05-17-2016 09:0
    يا حبيب البرير تاني رئاسة نادي الهلال الا يشمها قدحة شوف ليك لعبة تانية وفكنا يا اكبر ماسورة اعلامية
  • #25
    احمد 05-17-2016 09:0
    ده كلام واضح وبالورقة والقلم...فعلا الراجل بعزق قروش الهلال...حتى اللاعبين السجلهم عدد مهول كانوا ما كان فى فريق قبل كده...ده غير اللاعبين الاجانب ..فنادق نثريات تذاكر...اذا نجح فى الاختبارات معناها لهف ليهو كم مليار ..واذا فشل أعتبرها سياحة وتغيير...

    ...
  • #26
    منعم ابوناصر 05-17-2016 08:0
    يارجل الله يكفينا شرك قول خيرا او اصمت عافاك الله من الحقد
       الرد على زائر
    • 26 - 1
      اسماعيل على عباس 05-17-2016 10:0
      يا مفلس شوف موضوع غير دكاكين الهلال الجوهرة بس بكم مليار يا اعمى
  • #27
    ابو خالد 05-17-2016 08:0
    لن ننتظر حتي يهرب الكاردينال ويترك ارض الهلال يباب !!!!! انت منو انت ؟؟؟؟ هههههههههههههههههههه
  • #28
    صالح عثمان سعيد 05-17-2016 08:0
    0 اخراج علي جعفر من كشف المريخ مؤامره ضد الهلال .
    0 عدم وجود علي جعفر في لقاء القمة استهداف للهلال .
    0 جماهير الهلال تتفاءل بعلي جعفر
    ده الشئ الوحيد الأستفدناه من كلامك.
       الرد على زائر
    • 28 - 1
      طلع النخل من بدري 05-17-2016 08:0
      صح لسانك .. يا صالح عثمان
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019