• ×
الخميس 4 مارس 2021 | 03-04-2021
معتصم محمود

اسوأ تسجيلات في تاريخ الهلال

معتصم محمود

 22  0  4882
معتصم محمود

0 تبدأ اليوم فترة التسجيلات الصيفية والتي تؤكد كل المؤشرات انها ستكون الاسوأ في تاريخ الهلال .
0 لاول مرة يخوض الهلال التسجيلات بلا لجنة فنية و بطاقم اداري ليس فيه من ركل الكرة !!
0 تخلص كردنه من كسلا ، التعايشه ، امين زكي وجلس مكانهم وبجانبه عماد والفرحان !!
0 حتي الفني الوحيد بالمجلس (فوزي) تخلص منه الي جانب هشام اكثر من عمل في القطاع الرياضي وعرف اسرار اللعبه والتسجلات .
0 لن نلقي اللوم كله علي كردنه لعلمنا انه يعاني وان كثير القرارات تصدر دون موافقته او غصبا عنه .
0 لا نطلق القول علي عواهنه بل نملك الادالة والشواهد التي تؤكد ان كردنه مغلوب علي امره وان امر الهلال بات في يد السماسرة .
0 من ذلك نقول ان سادومبا الذي وصل الخرطوم فجر امس هو ذاته الذي صرح كردنه بانه لن يات وان الهلال صرف النظر عنه !!
0 كردنه قال ذلك لقناة النيل الازرق وتحديدا لبرنامج البحث عن هدف .
0 قال يومها (سادومبا كبير السن وسياسة الهلال الاعتماد علي الشباب وصغار السن )
0 راي كردنه جاء واضحا صوت وصوره ولا مجال للانكار او الادعاء بان تصريحه تم تحريفه او انه لم يقله .
0 من قبل صرح كردنه بان الموسم القادم خال من الاجانب وعلي العكس من ذلك ها نحن نشهد اكبر توافقد اجنبي علي البلاد !!
0 الهلال بات يستقدم الاجانب ب ( الافواج ) في ظاهره هي الاولي في تاريخ التسجيلات !!
0 الهلال الذي كان يختار افضل اللاعبين في ابرز الاندية الافريقية فرض عليه السماسره العاطلين عن العمل والبدون اندية امثال العجوز الزمبابوي سادومبا الذي فرضه علي كردنه السمسار الذي يحكم الهلال !!
0 الروماني قال رايه الصريح في سادومبا لكنه مواجهة بضغوط من سمسار العمليه .
0 كردنه نفسه يرجو موافقة الروماني علي العجوز الزمبابوي حتي لا يتعرض لما تعرض له رؤساء الهلال قبله .
0 لانود القول ان الرجل (بيتو من قزاز) لكنا نقول ان الرجل يشتري راحتو ولا يحب الدخول في مناوشات تعرضه للبهدله .
0 كل من يعرف ابجديات التدريب يدرك ان من بات علي مشارف الاربعين لا ينجح في الاختبارات التي تعتمد علي القوة البدنيه .
0 من بات علي مشارف الاربعين وتوقف منذ عام عن الركض والمنافسات لا يمكن ان ينجح في الاختبارات .
0 نتيجة اختبار سادومبا ستكشف ان صمد الروماني و تمسك بالمهنيه ام انه استجاب للضغوط وانحاز للدولار .
0 جماهير الهلال والروابط قررت مقاطعة تسجيلات السماسرة لكن كبير السماسرة والحاكم من وراء حجاب قرر تاجير الجماعه اياهم للهتاف و حمل المواسير .
0 اهتف واقبض ولا تنسي ان تحمل صورة الموهوم .
خربشات .
0 كردنه اليوم في محكمه الزميله فاطمة الصادق ضد الاستاذه مني بدر الهادي .
0 جماهير الهلال في انتظار كردنه لتستقبله احسن استقبال .
0 رئيس الهلال يستحق الاستقبال اللائق .
0 المحتال المصري الذي وصل البلاد (يمول) حملة اعلاميه لاشانة سمعة الاشراف !!
0 يُخطي المحتال ان ظن ان اسلوب بلطجية بورسعيد يمكن ان ينجح في نهب دولارات البلد .
0 اجزم بان المحتال سيندم علي تجنيه علي الاشراف وسيبحث عن مخارج الهروب لبلده .
0 الحملات (مدفوعة الاجر) لن تخيف احدا ومن يضرب بالمسدس سنرد عليه بالراجمات .
0 يا غريب بلدك وصاحب البضاعه المضروبه الزم حدك .
0 مبروك لمريخ كوستي وهو يبيع للهلال الترماي !!
0 الحارس البديل للرهيب في غرفة الهلال ومعه مدافع ايسر مكان بوي !!
0 الرهيب بانتظار فلوس الهلال ليصرف علي تسجلاته !!
0 هلال الكاردينال يصرف علي مريخ ابو حميد !!
0 لو كان لدي الثنائي فائده لما سمح لهما ابو حميد بالتوجه للعرضه شمال .
0 ابو حميد وراء توريط الهلال في ثنائي كوستي !!
0 الكاردينال يبعثر مليارات الدكاكين !!
امسح للحصول على الرابط
بواسطة : معتصم محمود
 22  0
التعليقات ( 22 )
الترتيب بـ
الأحدث
الأقدم
الملائم
  • #2
    ابو مازن 05-12-2016 12:0
    هذا هو النقد من اجل النقد والمعارضة من اجل المعارضة.. يا خي خلى الناس تتسجل وتلعب وتفشل بعدين تعال انتقد.. بعد ما كنا نسميك سيف الهلال البتار اصبحت معول هدم وفقدت تعاطفنا معاك.
  • #3
    معاوية احمد 05-11-2016 05:0
    متى بدات التسجيلات ياعدو الهلال وعدو النجاح اترك التقيم لاهل الشان الفنى لاننى اعرف علاقتك بالكورة كعلاقتى بعلوم الفيزيا لم نسمع بشخص ركل المستديرة فى الحبيبة مدنى يدعى معتصم محمود ولم نقراء لك عامود فى يوم ماء يحلل تحليل علمى يدل على معرفتك بكرة القدم كما نطالع فى اعمدة كبار الصحفين من امثال خالد عز الدين وياسر عايس والطيب على فرح ومزمل ابو القاسم كل كتاباتك حسب علاقتك بالادارى لم يسلم منك رمز من رموز الهلال نبشرك بان الكاردنال يسير بسفينة الهلال فى الطريق الصحيح واملنا وعشمنا ان تتوحد كلمة اهل الهلال تحت راية الكاردنال قل لى حينها اى ارض تقلك واى سماء تظلك ايها المنفصم
  • #4
    معاوية احمد 05-11-2016 04:0
    متى بدات التسجيلات ياعدو الهلال وعدو النجاح اترك التقيم لاهل الشان الفنى لاننى اعرف علاقتك بالكورة كعلاقتى بعلوم الفيزيا لم نسمع بشخص ركل المستديرة فى الحبيبة مدنى يدعى معتصم محمود ولم نقراء لك عامود فى يوم ماء يحلل تحليل علمى يدل على معرفتك بكرة القدم كما نطالع فى اعمدة كبار الصحفين من امثال خالد عز الدين وياسر عايس والطيب على فرح ومزمل ابو القاسم كل كتاباتك حسب علاقتك بالادارى لم يسلم منك رمز من رموز الهلال نبشرك بان الكاردنال يسير بسفينة الهلال فى الطريق الصحيح واملنا وعشمنا ان تتوحد كلمة اهل الهلال تحت راية الكاردنال قل لى حينها اى ارض تقلك واى سماء تظلك ايها المنفصم
  • #5
    معاوية احمد 05-11-2016 04:0
    متى بدات التسجيلات ياعدو الهلال وعدو النجاح اترك التقيم لاهل الشان الفنى لاننى اعرف علاقتك بالكورة كعلاقتى بعلوم الفيزيا لم نسمع بشخص ركل المستديرة فى الحبيبة مدنى يدعى معتصم محمود ولم نقراء لك عامود فى يوم ماء يحلل تحليل علمى يدل على معرفتك بكرة القدم كما نطالع فى اعمدة كبار الصحفين من امثال خالد عز الدين وياسر عايس والطيب على فرح ومزمل ابو القاسم كل كتاباتك حسب علاقتك بالادارى لم يسلم منك رمز من رموز الهلال نبشرك بان الكاردنال يسير بسفينة الهلال فى الطريق الصحيح واملنا وعشمنا ان تتوحد كلمة اهل الهلال تحت راية الكاردنال قل لى حينها اى ارض تقلك واى سماء تظلك ايها المنفصم
  • #6
    هلال الملايين 05-11-2016 03:0
    نفهم شنو يعني ؟؟؟؟؟؟

    انك بتفهم كوووورة .......... فهمنا وعرفنا حاجة

    بس برضو سادومبا حايسجل حايسجل

    وعاجبنا ولو كان عجوز عاجبنا ولو ينزل ويطلع طوالي

    دخلته علينا بحجة الاستغناء عن فوزي وعن امين زكي ومدخلك سوسة
    في كيس الدقيق النضيف

    لو سادومبا اثبت وجوده ما اشوف بتطبل هنا
  • #7
    دابي الكر 05-11-2016 03:0
    يا أستاذ الاختبارات التي تتم برؤية فنية وعلى أرض الواقع من المدرب بجانب الكشف الطبي هي الأساس - وماذا فعلت اللجان سابقاً - الأمر متروك للمدرب الذي سيقود الفريق اعتقد أن تسجيل الريدة ضربة قوية للفرق الأخرى وكذلك تسجيل سادمبا لمدة عام واحد وممكن أن يستفيد منه لاعبي هجوم الهلال وسادومبا بالنسبة لمستوى الهجوم هو الأقوى والأنسب في الفترة الحالية - جناً تعرفو
  • #8
    أبيض ناصع 05-11-2016 03:0
    جيب وأدفع عشان يسمعوا كلامك لكن المشكلة ماعملت لا دي ولا دي معارض فوق كم؟؟؟؟؟؟؟؟؟
  • #9
    أبيض ناصع 05-11-2016 02:0
    جيب وأدفع عشان يسمعوا كلامك لكن المشكلة ماعملت لا دي ولا دي معارض فوق كم؟؟؟؟؟؟؟؟؟
  • #11
    عبدالحي ابوزيد 05-11-2016 02:0
    المشكلة الاساسية فيك يا معتصم انك لاترى في الهلال شيئا جميلا وكنا نتوخي منك ان يكون النقد بناء ومن رؤية فنية لكن الهجوم على الكاردينال بهذا ا لاسلوب يؤكد ان صحفيي اليوم يبحثون عن ذاتهم في ظل صحافة موبوءة بالتسول
  • #12
    أبو عبدالرحمن 05-11-2016 01:0
    لأميرة صالح لو تابعتى كتابات هذا الرجل لاتخذت حكم أفضل ما معقول كل الذي يقوم به الكاردينال خطأ ، نحن نعرف أن من يريد أن ينتقد أن لا ينتقد بدوافع كره أو حقد واذا الطرف المنتقد أحسن يقال له أحسنت ، لكن أن ينقد دائماً وفى كل شئ فهذا هو غريب وسئ
  • #14
    ود الحسين(بربراوي) 05-11-2016 12:0
    في ناس كدا بس قاعدين للتبخيس أمثال الكاتب دا ؟؟؟
  • #17
    الصيني 05-11-2016 12:0
    ي استاذ اتق الله...اصبر شوية شاني حمل علي المجلس ده خلي الناس تشتغل ..والله الهلال ماشي تمام والمجلس ده مامقصر بس انت شايف غير كده ..والكلام القاعد تكتبو كلو كدب من واقع خيالك المريض الله يشفيك...
  • #18
    بابكر محجوب محمد احمد 05-11-2016 09:0
    كل الفترة السابقة كانت في لجان فنية والمعترفين والتسجيلات مكونة من كسلا وفوزي وامين زكي وغيرة تلعطة اسوء تسجلات في تاريخ الهلال . ما نجرب المرة دي ونشوف .
    ارجو منك ان لاتحكم وتصرح حتي تشوف اية الحايحصل يمكن تكون التسجلات مية المية
  • #19
    اسامة ذوالنون 05-11-2016 09:0
    يا معتصم الايام دي تعبت شديد ،، خلي البرير يكتب عمودك مباشرة عشان ترتاح شوية
  • #21
    اميره صالح 05-11-2016 09:0
    البعجبنى فى كتابات الزول انو ما بجامل...فى ناس عاوزين يطبطبوا عليهم ويقولوا ليهم الاعوج عديل...ولمن يقع الفاس فى الراس هاك يا بكاء وهاك يالوم...
    يعنى بالمنطق كده فى شخص بكامل قواه العقلية بيسجل سادومبا...غايتو جنس محن.
       الرد على زائر
    • 21 - 1
      وطن الجمال 05-11-2016 01:0
      مالو يا الحبيب. في ناس سجلوا عمر بخيت والمعز وكمان جددو ليهم. يعنى ديل اصغر من سادومبا. وعندنا في الفريق ناس اكبر من سادومبا وواضعين ثقتنا فيهم. ولاحظ الهلال كله تقريبا "اطفال" ويشكلو هلال 18 مش 17. خلينا نطعمهم ب3-4 كبار.
      دا زول حاقد لا اكثر ولا اقل
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019