• ×
الثلاثاء 13 أبريل 2021 | 04-12-2021
شوربجي

ساسا في التمرين وشيبوب في التونسيه

شوربجي

 10  0  2751
شوربجي


((())) الجوهرة الزرقاء بتتكلم عربي :

وكل يوم تلقم اعدائها بالاحجار الزرقاء

وبصراحة اصابتي هذه القلعه بالدهشه وانا امر بالقرب منها

ده شنو ده حكايه ضخمه وماشاء الله وتبارك الله

خلايا نحل تعمل في هذه القلعه

وكرينات ترفع

وقلابات تقلب

وجرافات تجرف

وكشافات تكشف

ومهندسين يهندسوا

وعمال يعملوا صعودا ونزولا بين الطوابق الكثيره

وبصراحة ما قدرت اميز ما بين جديد الاستاد وقديمه

لقد هالني هذا العمل الكبير الذي لم اعهده في الهلال من قبل

عمل ضخم قد يصبح سياجا يحمي صاحبه سهام الحاقدين

من يري هذا العمل علي ارض الواقع لن يجرؤ علي التحدث عن موعد التسليم

واكيد سيخجل الثرثارون كثيرا والحاقدون

عمل خرافي من رجل خرافي

فكما هو معروف فأن مثل هذه المشاريع تقابلها العراقيل المختلقه والغير مختلقه

كذلك تطول فيها عمليات التشطيب التي يصنفها المهندسون بأنها اصعب كثيرا من عمليات البناء

وفي النهايه لا يهمنا نحن كهلالاب موعد التسليم بقدر اهتمامنا بهذا العملاق الذي يعد نقلة نوعيه وكبيره في تاريخ الهلال الحديث

هنيئا لاهل الهلال هذه القلعه الرائعه

لكن المهم ان يلوك شعب الهلال الصبر


((())) استغنوا عن جكسا واحتفظوا بمعتصم :

من قبل طالبنا بشطب اللاعب محمد عبد الرحمن

فهذا اللاعب كثير الاصابات قليل العطاء للهلال

وكأنه مدعود من شخصيه كبيره لابقائه رغم الاصابه

وادارة الهلال تصر علي ابقاءه في القائمه الهلاليه

بالله عليكم كم مباراة رسميه لعب

لا جدال فاللاعب لاعب فنان وسريع ولكن الهلال لا يستفيد من قدراته

بالامس تعرض نفس اللاعب محمد عبد الرحمن لاصابة بالعضلة الخلفية في تدريب الهلال وقد يغيب طويلا

وكما غاب عن الهلال في الموسم المنصرم لستة اشهر في اصابة تعرض لها في مباراة القمة نهاية موسم 2014

ولا اظن ان الهلال قد يفيده لاعب تتكرر عليه الاصابات

ومن الافضل الاستغناء عن خدمات هذا اللاعب والابقاء علي اللاعب معتصم عبد القادر الرائع

هل من مجيب


((())) ساسا يرعب المريخ :

لم اصدق تلك الشتله الحمراء التي ادعت ان مدرب الاهلي الليبي جمال بن نواره قد نصح الهلال بعدم تسجيل سادومبا بسبب كبر سنه وتدني مستواه الكروي

واكيد فأن من زرع هذه الشتله التعبانه يعمل علي ابعاد سادومبا خوفا من تكرار اهدافه الجميله في المريخ

سادومبا وشيبوب وكاريكا ثلاثي قد يهز الارض تحت اقدام المريخاب

وهذا غير المحترفين الذين سيتم تسجيلهم من شتي بقاع افريقيا قوقو وغيره

الهلال القادم مع القلعة الزرقاء سيكون هلالا مرعبا ليس في السودان وحده بل في افريقيا

ويا حلاتو ساسا في التمرين

ومين يراهن علي ساسا يا حلوين

ونحن في انتظار اول اهدافه في المريخ وقولوا آمين


((())) شيبوب في التونسيه :

المتحدث : الو مطار الخرطوم هل التونسيه وصلت والا لسه

الموظف : خلاص وصلت

المتحدث : هل صاحب عنتره بن شداد في هذه الطائره ؟

الموظف : اسمه ايه صاحب عنتره بن شداد ؟

المتحدث : شيبوب

الموظف : شيبوب شيبوب شيبوب ايوه اسمه موجود

المتحدث : طيب شكرا ليك



محمد حسن شوربجي


امسح للحصول على الرابط
بواسطة : شوربجي
 10  0
التعليقات ( 10 )
الترتيب بـ
الأحدث
الأقدم
الملائم
  • #1
    جعفر صالحين 05-11-2016 03:0
    شةربة زى الصفيحة الفاضية ... مرة يختوا فيها سمن ومرة يختوا فيها تركين ( ملوحة ) ... وشعب يجمعهم الطبل ويفرقهم العصا .. نقول شنو لى ناس زى ديل ؟؟؟؟؟؟؟
       الرد على زائر
    • 1 - 1
      ابووضاح 05-12-2016 12:0
      نقول يا صالحين هنيئا للهلال بكتاب في مستوى هذا الشوربة فعلا شبهينا واتلاقينا والله يهنئ سعيد بسعيدة وجواز عتريس من هنية باطل
  • #2
    Talal 05-11-2016 02:0
    ينصر دينك ياشوربجي...أدي ناس المريخة علي راسهم..!!! بس عارف أكتر حاجة مطلعة عينهم هي شنو؟ لاالجوهرة لاسادومبا ولا ولا ولا....المطلع عينهم شيبوب حراق القلوب...في البداية إنتقدوا قرصنة الهلال (وهم أسيادها) وجعروا وإشتكوا لكل الدنيا، وبعد ماجاء راجع معاهم من جوبا كتبوا أغنيات وطنية في شيبوب وعبد التام..!!! ولمن كردنة أداهم بمبة وحول شيبوب للقيروان ياحبيبي مني شالك مين، رجعوا وقالوا شيبوب كبير وماعنده موهبة ولو ماغارزيتو وشنو ماعارف....قالوا قبل كم يوم إتصلوا علي شيبوب تاني بواسطة ونسي وشيبوب حراق القلوب قال ليهم لا ورجعوا يشتموا فيهو... أسي قاموا علي البكاء تاني ويا الإتحاد ألحقنا ودايرين لاعبنا والكبري قطع قلبنا...
    عشان كدة ده الموضوع البيطلع روحهم ويمنع النوم من عيونهم، تقل فيهو وركز لينا عليهو بالله...ههههههههههههههههه
  • #4
    نمر 05-11-2016 01:0
    ليس من الحكمة المناداة بشطب لاعب صغير في السن وموهوب لأنه أصيب مرتين ، وليس من العدل أن تنادي بشطب لاعب يصاب وهو يرتدي زي الفريق الذي يدافع عنه وهناك لعيبة تدفع فيهم الأندية مبالغ كبيرة وتكررت اصاباتهم فمن واجب وفاء النادي للاعبيه أن يهتم بحالتهم الصحية وعلاجهم كما واجب اللاعب أن يبذل قصارى جهده في تقديم ما يفيد النادي وأعتقد أن هذا اللاعب صغير السن سوف يكون أحد الأعمدة الأساسية للنادي فالصبر الصبر عليه .
  • #5
    sahir 05-11-2016 11:0
    العطاله والفراغ يسووا اكثر من كدى
       الرد على زائر
    • 5 - 1
      أبو ناهد 05-11-2016 01:0
      لو خرج الهلال من الادوار الاولي لموسمين قادمين لن يصل ما وصلتوا له من العطالة.

      البيتو من قزاز ما يجدع الناس بالحجار.
  • #6
    إبراهيم محمد الحسن 05-11-2016 07:0
    البراميل الفارغة أكثر ضجيجا ..

    والموية الحارة ..
    تسوي (شوربة) ..

    هههههههههه
       الرد على زائر
    • 6 - 1
      عزالدين وديدي 05-11-2016 02:0
      EMPTY BARREL MAKE NOISE
  • #7
    الاسر جمالك 05-11-2016 05:0
    هسي ياهو دا الكتبتو و الله اي واحد بتاع ابتدائي يكتب زيو و احسن ،، كلام ونسة بتاعت مشجعين ،، صدق سيدا حين قال اعلام الفول
  • #9
    محمد احمد ود علي 05-11-2016 01:0
    ما شاء الله ، هههههه ده كلام كل سنه ، نحي ونشوف عرس البرمه للكنتوش ،، اتمني هو الأماني بقروش مشكله الكره السودانيه ابدا من لاعب ولا تسجيل مشكلته إداره وتوظيف إمكانيات والخساسات التحت تحت البتحصل والتحكم في المدرب ووضع التشكيلات من الداخل ، وتحجيم دور المدرب . واللعب الخفي حل المشاكل دي وساعتها محمد وعبد الرحمن وشيبون بجيبو ليك كاس افريقيا
  • #10
    عثمان حسن النعيم 05-11-2016 12:0
    مآسي الصحافة السودانية .. يكتب فيها شوربة وتخريمة سبحان الله
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019