• ×
الثلاثاء 22 يونيو 2021 | 06-21-2021
بابكر سلك

ويحدثنا خالد عز الدين

بابكر سلك

 4  0  1354
بابكر سلك


* خالدونا كلمنا عن الوطن وعن قروش المواطن
* طبعا زعلان شديد من نفرة القصر
* وكذلك الاهله
* يتحدثون عن دعم الدواء
* الدواء الدائري?
* ويحدثونا عن المواطن
* يقول خالد
* في ظل هذه الاوضاع التي نعيشها يوميا في صبر وجلد من اجل هذا السودان الذي نحبه كانت النفره لصالح المريخ
* ياخالد اخجل
* انتوا الصابرين علي السودان ولا السودان هو الصابر عليكم??
* تمنيه وتمنين سنه طيارات وسفر ودعم وهيلمانه واجهزه اعلام رسميه شغاله لصالحكم والنتيجه لسه في صفركم
* جبتوا للسودان شنو?
* السودان هو الصابر علي صبركم بتاع صفركم ده
* ذكرتني ياخالدونا واحد الوش انسي بس
* فاكيها في روحو شديد
* الجماعه جابوا فراخ
* قال ما داير
* الفراخ مابنفع معاي
* نطه واحد حقاني قال ليهو
* انت المابتنفع مع الفراخ
* قلت لي انتوا الصابرين علي السودان??
* ويقول خالدونا
* اكثر من عشرة مليارات دفعتها مؤسسات الدوله للمريخ من عرق وكد المواطن المسكين
* الخمسه واربعين مليار زمن التسيير الهلالي اندفعت من ورثة المرحوم الهلال ولا من كلونيا الشعب ياخالدونا
* وفي زمن الفريق المدهش الدعم كان بجيكم من نصيبكم في توسعة الحرم ولا من حواشات اقطاب الهلال ولا من فم الشعب الفاتح من فرط الدهشه يا مدهش!!!
* ويقول خالد
* نحن لانحب المريخ ولا نشجع المريخ
* المشتهي الزنيطير يطير ياخالدونا
* ويواصل خالد
* نادي يلعب بالممتاز ضد اندية وطنو التي تتساوي معه في كل شئ
* بالغت ياخالد
* يظهر الضربه الليبيه لسه اثرها شغال
* اندية وطن منو البتتساوي مع المريخ??
* علي بالطلاق اندية الوطن كلها مع احترامنا لها مجتمعه لاتتساوي مع المريخ
* فالوطن واندية الوطن من الروابط وحتي الممتاز وراعي الضان في الخلا والضان زاتو
* كلهم يعلمون بان المريخ هو الفريق السوداني الوحيد الذي احرز بطولة قاريه
* فكيف نتساوي مع نصر ابو عشر واشاوس رابطة الثوره والهلال???
* ياخالد
* الحكومه من واجباتها دعم المشاريع الناجحه وتحفيزها
* والمريخ مشروع قومي ناجح انتج مانديلا وتلاته سيكافات
* والحكومه يجب ان لاتدعم المشاريع الفاشله لان في ذلك اهدار لاموال المواطن المسكين الساكي المواصلات ويعاني من انقطاع الكهرباء وشح المال
* والهلال مشروع فاشل
* لو ما فاشل انتج شنو??
* لذا اندية الوطن لم تتساوي مع المريخ ولن تتساوي طالما هي تعيد عمك سادومبا من جديد
* ايها الناس
* ميز الله عز وجل المريخ عن سائر اندية الوطن
* وكي نحمده علي هذه الميزه ونعززها
* يجب ان نعمل يدا واحده من اجل دخول المريخ الذي لايحبه خالد لمجموعات الكونفدراليه ليتحول عدم حب خالد لكراهية شديده وواضحه وعلنيه للمريخ
* نعد اولادنا تمام
* نشعل فيهم فتيل التحدي والاصرار
* نترفع عن الخلافات ونتجاوزها
* فالصعود للمجموعات لايعني صعود ونسي
* انه صعود المريخ
* والفشل كذلك
* وطالما الامر متعلق بالمريخ المابحبو خالد
* يبقي نعمل جميعا من اجل المريخ
* الشوط الاول انتهي لصالح المريخ بهدف
* نتأهل اذا انتهي الشوط التاني بالمغرب علي نفس النتيجه
* ونتاهل اذا اضفنا هدف في الشوط التاني
* ونتاهل في حالة الخسارة بفارق هدف نحرزه في الشوط التاني
* ونتأهل اذا تعادلنا
* يبقي فرص تأهل المريخ المابحبو خالد كثيره
* يجب ان نحقق واحدة منها ليعلن خالدونا كرهه للمريخ
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* في بانت غرب المويه ناسيه تجينا
* حتي اشلاق الشرطه يا والينا
* عدمان نقطة المويه علينا
* لما تعطش الشرطه يا والينا
* منو البسكنا ليكم لو مرقنا الشارع وحرينا???
سلك كهربا
ننساك كيف والكلب قال من زمان ننبح وكنتوا بتقولوا جر كلب ابن كلب انت خلي بالك
والي لقاء
امسح للحصول على الرابط
بواسطة : بابكر سلك
 4  0
التعليقات ( 4 )
الترتيب بـ
الأحدث
الأقدم
الملائم
  • #1
    كمبارس أفريقيا تمامة عدد 05-10-2016 11:0
    أستاذ سلك
    لو واحد متزوج ومرتو ما بتلد؟! الحل شنو؟ 1- يطلقها 2- يدبل فوقها 3- يحتسب ويدخل بيها الجنة
    المشكلة ناسنا ديل لا طلقوا ولا دبلوا و ما محتسبين ديل من رشاوى لتنجيم فالراشى والمرتشى فى النار ومن أتى كاهن او عراف فصدقه فقد كفر بما انزل على محمد اللهم أدم عليهم صفرهم ونعوذ بك من حقدهم وحسدهم
  • #2
    Mustafa Ali 05-10-2016 11:0
    والله ياعمك تنقو انا الليلة تأكدت بأنه سيد البلد دى
    هاريك ومقدد فشفاشك وواقف ليك في حلقك وماقادر تبلعو ،، النفرة راحت فى الحفرة ،، السنة دى
  • #3
    Mustafa Ali 05-10-2016 11:0
    والله ياعمك تنقو انا الليلة تأكدت بأنه سيد البلد دى
    هاريك ومقدد فشفاشك وواقف ليك في حلقك وماقادر تبلعو ،، النفرة راحت فى الحفرة ،، السنة دى
  • #4
    ابو الرزة 05-10-2016 10:0
    مع احترامنا ليك يا سلك ولخالد عزالدين نقول ليك الله يكون في العون. هذا منطق ساذج يا سلك. هل الفريق النجليزي الذي لم يفذ ببطولة الدوري الانجليزي...الدوري النجليزي...وليس ابطال اوروبا..هل فريق بلا تاريخ...هل ينطبق عليه هذا المنطق الذي تتحدث به. الاهلي السعودي لم يفذ ببطولة الدوري منذ 34 عاما ..الدوري السعودي..مش ابطال اسيا...هل توصفه بذات الذي وصفت به سيدك وسيد البلد ...الامثلة كثيييييرة. نحن في حساباتنا وحسابات كل انسان موضوعي ابطال افريقيا في 87. الهلال في كثير من النسخ ...الابطال او الكنفدرالية...كان يحتاج لدرهم حظ. لو خليتونا اتو وشيوخ امبررو حقنكم بنفوذ.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019