> الوصيف في التدريبات والاختبارات
> هي جنس اختبارات > الترا لاب بس
> اختبار في اختبار
> سموهوا ياروشا نادي المختبر
> الوصيف في التدريبات والناس تقاتل لدخول المجموعات
> شن جاب لي جاب يا فطومة يا اختي
> هلال؟
> انتوا الاسم ده ويييييين؟
> تتجازى يا روشا
> ختيتوا الكسكتة وفرتقتوا الهلال حتة حتة!!!
> حتى الكشافات الزي المشبك بتاع الفطير دي
> فرتقتوا صواميلها؟
> غايتو يا فطومة
> من مات الهلال
> أقصد من طار شهر اتنين بشوف سفرك كتر
> لكن أخير ليك
> جيبي معاك بضائع
> اليومين دي الدلالية البلزها ما برميها
> كتري من البضائع
> السيستم سوقو ماشي
> سيستم نفس موديل الكشافات > وعلى قسطين
> وزبدة الشية سوقها واااري
> بس لازم تجيبي الأصلية
> الأمريكية يابت
> حبوب كبد الحوت بتمشي كويس
> أخير من النيجيريين الجبتوهم للاختبارات ديل
> أصلو وكت الهلال ما خلى ليكم شغلة
> استفيدي من السفر وبضع
> ستة كسكتة بالألوان المختلفة سوقها مضمون
> ودستة لي سيلفا بي حقها
> نوعي البضاعة ما تبقي زي دلاليات زمان
> الواحدة قفتها كلها يا حلل يا طرح يا بلوزات يا شنو ماعارف
> تنويع البضائع فيها إغراء للشراء
> أخير من قعاد ساي في انتظار الهلال
> الصفر عرفناهوا يا خالدونا
> كمان جابت ليها عطالة؟!
> هي العطالة شنو؟
> موش يا ها قعاد ساااي؟
> الله يسألكم أسي الهلال دحين مو قاعد ساااي؟
> شغلتوا شنو؟
> اختبارات!!!
> أسي دي شغله ليهو؟
> أسي دي شغلتو كلها؟
> دي شغلة ليهو؟
> مي ياها العطالة؟
> فطومة يا أختي أسمعي نصيحتي
> دلالية أخير من انتظار عواطلية
> العاجبني في أبو الهل إنو عاطل عن التنافس الإفريقي
> وناس محمد عبد الماجد يتفاصحوا
> محمد ده قولوا ليهو الهلال طار من فبراير
> الزول ده أظنو ما عارف
> لأنو يوم لقاء أهلي الثوار كان في العمرة
> بكون ما عارف كلموهوا
> قلت لي هلال؟
> ويييين الاسم ده؟
> حي في الدنيا دي؟
> والله لو ما كلامكم ده أنا قايلو مات
> أيها الناس
> برغم الأداء السيء أمام الكوكب المغربي
> إلا أن المغاربة ما قدروا يطبقوا فينا نظرية المغرب التطواني
> ناس التطواني قالوا ليهم السودانيين بتغلبوا في بلدهم وبضيعوا البلنت
> جونا بالفكرة دي
> لقونا في أسوأ حالاتنا أحسن بي كتير من الناس الكلمهم بيهم التطواني
> ويا التطواني عليك الله قوم أرقص تاني
> الإخوه الأهلة الشرفاء يضحكون لأننا فزنا بهدف وحيد
> لكنهم نسوا قصة التطواني معاهم في الموسم الفات
> عجب
> فالكبير كبير والصغير بطير فررر ر
> عن إذنكم ياروشا وفطومة ومحمد عبد الماجد ويس بتاع زفة الألوان وخالدونا
> دايرين نتكلم عن التنافس الإفريقي وكيفية الاستمرار فيهو
> طبعاً كلام زي ده بكون بالنسبة ليكم زي الرطانة
> مابتفهموا فيهو شيء
> ببقي ليكم صيني زي كشافاتكم
> اما اذا تحدثنا عن البطولات الجوية
> بالتأكيد حاتقعدوا ساي ويمكن تاخدوا مننا موقف تقولوا طاعناكم بالكلام
> اذا مريخي قال سيكافا ومانديلا ودبي
> الكلام ده بجيكم زي
> سجمجاد سجمجريطجي صجعجلوقجا
> مابتفهم ليكم
> عن إذنكم
> أيها الناس
> لا مجال للمجاملة
> أداء بطال وتكتيك معدوم لعب عشوائي لياقة متدنية وذهن شارد
> وحتة اللياقة دي حتة لاعبين
> بودوها وين اللياقة دي الأولاد ديل؟
> وكت بتعرفوا تقولوا حقوقنا ما بتعرفوا تحافظوا على لياقتكم؟
> الأداء افتقر للجماعية وكانت الإنانية ديدنه
> واللاعب البتكلم عن حقو..حقو يعرف إنو توظيف الإمكانيات لصالح المجموعة هو من أولى واجباتو
> استهتار فايت الحد
> وإن صبرت الجماهير فلأنها لم تفقد الأمل بعد
> ولو أضعتم الأمل في المغرب الا تقعدوا هناك للعشا
> الجماهير حاتطالبكم بحقوقها
> وموقعة المغرب ما محتاجة لمدرب بقدر ما هي تحتاج لعزيمة وإصرار واستبسال
> يا تجوا حازمنها
> يا تقعدوا تلعبوا هناك في التطواني
> فإن عدتم لحماستكم وقدرتم حق الجمهور عليكم
> تجدونا في المطار عند الاستقبال نشكر لكم صنيعكم
> وإن تقاعستم ماتجوا
> بالبحر وإيطاليا تهريب اشتغلوا بيتزا
> أيها الناس
> اذا كانت هناك إصابات مؤثرة لم يكتمل علاجها
> فعلي المجلس الإسراع في ذلك
> القروش وجات
> واذا كان الأمر كله تهرب من بعض اللاعبين
> يبقى اللوم برضو على المجلس الماقادر يفرض هيبتو
> أيام تبقت من عمر المجلس
> حقو الناس تكبر كوم الإيجابيات لترجح بكفة السلبيات
> التاريخ لا يرحم
> ولا الجمهور
> المهم
> قالوا تراوري قال اربي بسيت
> قروش في كورة في قروش مافي كورة مافي
> وهذا التراوري قروش في من جا البلد دي
> لكن كورة مافي
> إصرار مافي
> تفاني مافي
> جماعية مافي
> أنانية في
> إضاعة فرص مضمونة وتجضيم شورت في
> بركة على الأرض وحركة ملكة جانسي باليدين في
> كان يوم أسود اليوم الجابك
> أخير كريم الحسن قالد ساكت محترم نفسو
> الراجل برضك كبير وللسن أحكام
> الله يسألكم الجاب كريم منو؟
> ده موش مفروض ما يدخل كشف المريخ
> ده مفروض ما يدخل السودان ذاتو
> آها دي واحدة من السلبيات يا ونسي الدايرة إيجابيات فيما تبقى من أيام التكليف تنسينا حسنكم ده
> المهم
> الأستاذ عدلان يوسف رجل ساخر جداً
> قال لي يوم في واحد كتب إنو جمال عيبو ما عمل للمريخ استثمار.
> آها
> عدلان ورى جمال الموضوع في الجريدة
> الوالي قال لعدلان هو خلى لي قرش أعمل بيهو استثمار للمريخ؟
> الحسنة الوحيدة عدلان نسى الزول الكتب منو
> والله العظيم ما وراني ليهو
> أيها الناس
> إن تنصروا الله ينصركم
> آها
> نجي لي شمارات والي الخرتوم
> النصيحة لي الله يا والينا
> يوم الجمعة والسبت ما قطعت لينا
> تكون دورت توربينة
> ولا الإجازة ما لقيتو زول يقطعها لينا؟
سلك كهربا ننساك كيف والكلب البلدي يعاين للكلب البوليسي ويتمحن والي لقاء
سلك