• ×
الخميس 24 يونيو 2021 | 06-23-2021
معتصم محمود

وانكشف المواسير في اول تمرين !!

معتصم محمود

 13  0  3820
معتصم محمود

0 نحمد لكردنه حضوره اختبارات المواسير .. عفوا المحترفين ليشهد بنفسه البضاعه المضروبه .
0 اروتمال الذي زعموا انه هداف الدوري النيجيري طلع اي كلام !!
0 صحيح انهم حرموا الاعلام من حضور الاختبارات منعا للحرج الا ان عيون الاعلام كانت حاضره داخل الاستاد بل داخل النجيل .
0 ضحك اخوان بشه من الكارثه الذي زعموا انه هداف الدوري النيجيري .
0 هداف الدوري النيجيري التحق بالدوري الصيني مقابل (2) مليون يورو تعادل (30) مليار جنيه سوداني ومن احضروه نسخه مضروبه !!
0 كردنه لا يحمل سوي عائدات الدكاكين .
0 لو كان يملك مثل هذه المليارات لسدد لعمال وموظفي الهلال اجورهم الغائبه منذ شهور .
0 نذّكر كردنه ان اسر العاملين مقبله علي رمضان وتحتاج للمصاريف .
0 الغريبه ان اروتمال المقلب كان معروضا علي الهلال الموسم الماضي فكيف فات ذلك علي كردنه ومن حوله !!
0 قلناها سابقا ونقولها اليوم .. عماد والفرحان وثالثهم كرار ليسوا بالمجموعه التي تختار لاعبين للهلال .
0 لاعلاقة للثلاثي بالكره وليس فيهم من ركلها .
0 اجرم كردنه بحق الهلال وهو يبعد امين زكي والاسد وعافيه وكسلا والتعايشه ليات لنا بعماد والفرحان .
0 عبد القادر موسي المتابع الجيد للدوريات الافريقية والذي يعمل بهيئة الاذاعة البريطانيه قال (ليس هناك لاعب نيجيري اسمه اليكس اروتمال حسبما ذكر اعلام التطبيل والسمسره والفديو الذي حاولوا عبره خداع جماهير الهلال للاعب اسمه ايغالو ينشط في الدوري الانجليزي ويلعب لنادي واتفورد ).
0 الفيديوهات الموجوده في اليوتيوب باسم اللاعب المعني مضروبه والان تم سحبها !!
0 تري هل يتعامل كردنه مع سماسره ام عصابه !!
0 لو كانت تسجيلات الهلال من اموال كردنه لما سالنا الرجل فهو حر في بعثرة امواله علي السماسره من حوله لكنها اموال الهلال وايجارات الدكاكين لخمس سنين .
0 المحزن والمضحك في ان واحد ان سادومبا طالب بحقه في خوض الاختبارات !!
0 من حق العجوز الزمبابوي ان يطالب بالعوده للازرق طالما انه يري المواسير واشباه المحترفين يجرون الاختبارات .
0 سادومبا العاطل للموسم الثاني والذي لم ترض به حتي اندية الثانيه بزمبابوي يتطلع للعوده للهلال ولهف الدولارات !!
0 السماسره يتحكمون في الكاردينال !!
0 السماسره يحكمون الهلال !!
0 واهلالاه .
خربشات
0 صحيفة طه علي البشير اوردت حديثا لوكيل اللاعبين النبجيري اوكوشا يمتدح فيه الكاردينال ويدعي انه صديقة !!
0 صحيفة الكاردينال نسبت حديثا للنيجيري ينفي فيه ماورد بصحيفة طه !!
0 الصراع حول كردنه يشتد والكل يتقرب له !!
0 صحافه الافراد تعيش الانهيار .
0 لا ادري لماذا تواصل صحيفة طه الانكسار وهل الامر بتعليمات منه ام انها انبطاحات جمصيه .
0 اوكاشا وكيل اللاعبين الذي يورد للهلال المواسير هل هو اوكاشا سيد الاسم ام انتحال شخصيه !!
0 قريبا يعرف شعب الهلال الحقيقه .
0 حضر مران الهلال الثلاثي كردنه وعماد والفرحان وبرغم ذلك زعمت احدي الصحف ان المران شهد حضور اداري مميز !!
0 حليل تمارين الهلال حينما كان حضورها البابا والسماني والحكيم والمنصور والبرير والكوارتي وقس علي ذلك .
0 الوافدون علي الهلال لا يعرفون تاريخه .
امسح للحصول على الرابط
بواسطة : معتصم محمود
 13  0
التعليقات ( 13 )
الترتيب بـ
الأحدث
الأقدم
الملائم
  • #1
    كورنجي 05-08-2016 08:0
    ان حضورها البابا والسماني والحكيم والمنصور والبرير والكوارتي وقس علي ذلك .
    الوافدون علي الهلال لا يعرفون تاريخه .
    معتصم (خلينا نقول ليككما يقول الارباب أستاذ معتصم ) !!!!

    بالله ما الذث يجمع البرير بهؤلاء ؟؟؟؟؟؟؟؟؟؟
    بالعربي كدا الدخل البرير في القائمة دي شنو بالظبط ممكن تشرح لينا في عمودك الجاي يمكننفهم؟؟؟؟؟
       الرد على زائر
    • 1 - 1
      صالح عثمان سعيد 05-09-2016 01:0
      هو فاضي ليك ياخي يزقل درابوه ويمشي
  • #3
    osama ibrahim 05-08-2016 06:0
    يا اخوان الاخ ده ماكان لاقى ليه واحد بيقراء عاموده فواحد من الفرقة الحمراء اشار عليهان اردت ان يقراء لك فنكد على الهلالاب وارفع ضغطهم واشعل الفتن بينهم حينها سوق تكون مشهوراوالنصيحة الاخيرة لاترجع للتعقيبات والا سوف تدور الدوائر عليك علشان كده هو ما بيقراء التعقيبات ويثير الفتن والقلائل
  • #4
    Mustafa Ali 05-08-2016 12:0
    الكاردينال المابيهو ده جاب المدرب وترك ليه حرية اختيار اللعيبة البينفعوا معاهو يعنى ده شغل فنى بحت يعنى لا الكاردينال ولا باقى الادارة ماعندها شغلة فى نجاحهم او فشلهم يعنى الموضوع كله بقى معلق فى رقبة المدير الفنى وهو الذى يتحمل ذلك اظن دى محمدة تحسب للكاردينال ونشكره عليها يعنى اللت والعجن البتسوى فوقه ده احسن توقفه ولا بعد شوية ماتلقى البقرأ لك سطر واحد خلى مقال كامل ، ياأخى احترم عقولنا يرحمك الله ....
  • #5
    bushar 05-07-2016 11:0
    كلام جميل ولكن كل هذه التردي والفشل أسس له صاحبك البرير ومن أتي بالكاردينال هي عضوية البرير المستجلبة وصدق اللأرباب الشفت.
    البرير سوف يدمر الهلال وهذا حدث وقال الكردينال اسوأ من البرير وهذاحدث وأنت لسع تحاول تلمع من دمر الهلال .
  • #6
    Sulaiman 05-07-2016 10:0
    بس ما اديتنا رأيك يافيلسوف زمانك في المدير الفني بلاتشي والذي احضره الكاردينال وهو اي بلاتشي من قرر بأن المحترفين لاجدوي منهم يا بريبابي ياحقود
  • #7
    شمس الدين ريحان 05-07-2016 07:0
    والله انتا اكبر ماسوره في الاعلام اقبال يكشوفك ويكشفو القاعد يدفع ليك خربتو سمعه الاعلام الرشيد انتو
  • #8
    جون سينا 05-07-2016 06:0
    والله إنت اكتر صحفى هلالابى كرهتك لأنك إسلوبك إسلوب غير الفتن والدسايس وتبخيس كل شئ هلالى وكشف أخبار الهلال للمريخاب ماعندك حاجة- يا مأجور صلاح إدريس- المواسير دى صلاح إدريس جابها أشكال وأنواع ماكان تتكلم يا مادى.
  • #9
    جون سينا 05-07-2016 06:0
    يازول إنت قصدك شنو يعنى خلاص أقنعتنا بإسلوبك الممل والهايف دة إنو إنت بتحب الهلال والله ليس لديك أى علاقة مع الهلال وإنت طابور وماعندك موضوع ياخ الله يكفينا شرك ويديك دفار يريحنا منك يا متخلف- دافع إنت قرش معاه مايبقى فصاحة فى الفاضى وينو دعمك .
  • #10
    Talal 05-07-2016 06:0
    ياخي ماتخجل علي نهاية عمرك وتشوف ليك حاجة تنفعك في آخرتك غير شغل الفتن والمشاطة ده...لاعبين جابوهم للاختبارات ومانفعوا ورجعوهم، وين المشكلة؟ عاوز يجيبوك إنت تتسمسر ولاشنو الحكاية؟ عشان كده إنت جايب الفقر لصحيفة عالم النجوم ...!!! أمشي للرئيس الهارب يرقعك بي حاجة لأنو زي ماقلت شهر رمضان قرب !! رقعة من كردنة مابتلقاها وطار ليك وتاني إستاد الهلال إلا تدخله كمشجع بس...ياحرااااام هههههههه
  • #11
    عادل صبير 05-07-2016 05:0
    شكرا يا استاذ هناك عبارة واحده ليس اكثر قالها البروف شداد ( اى محترف فى السودان لابد ان يكون لاعب فى الفريق القومى لبلده ) ولو كل فريق قبل ان يجلب لاعب لفريقه التزم بهذا المعيار لما كانت هناك لجنه واختبارات وغيره من صرف للاموال وزمن فى الفاضى ....
  • #13
    هلالي بالميلاد 05-07-2016 05:0
    طيب يا من عماه الحقد و المرض ما هو الغرض من الاختبارات التأكد من مستويات هؤلاء اللاعبين و ان اكتشف ضعفهم لم يتم تسجيلهم! انت الحارق رزك شنو؟ أهو اعتبروهم و تم رفضهم. وينجو الغلط في كدة؟! اعوذ بالله من الحقد و المرض...
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019